المشاركة الأصلية كتبت بواسطة ناصر الهواوي (المشاركة 518826) خثاريق نعسان ياويل خد الطرس من سن اليراع=ليا لزم عنقه محب الرايعه مابينها وبينه حصل شبه انقطاع=لاطاع هو يرجع ولاهي طايعه ما عرفو ان الحب ناموسه مطاع=جهال ما صاكت بهم وقايعه ينكر خطاه ايلين بطن الشوق جاع=وتنكر خطاها لينها امست جايعه وبصم بان المشتري له ما يباع=ولمشتريها ندمت انها بايعه

هل فيك احد ياسجن الابداع هالحين؟=والا جنابك مخليٍ مابه اوناس
لاحيت لكن مالقيت الملاحين=الا اربعٍ عن عشر والذيب قرناس
وباقي عربنا بين نوما وصاحين=وصاحينهم يشكون دوخات ونعاس

الليله الجو روعه بالرعد والبروق=بس النفس من سلوك البعض مو رايقه
بين امس واليوم صاير بالتعامل فروق=من سادة المجتمع ما اظنها لايقه
ما شفت انا اخطا لو ان الهجس طبعه طفوق= دققت بسجله الماضي وعلايقه
وحاولت بالميبره تخييط بعض الفتوق=ومن وسع شقانه الابره ماهي طايقه

المشاركة الأصلية كتبت بواسطة ناصر الهواوي (المشاركة 518853) الله يرحم من عقبوك يا مبدعه مجاراة فاقت ما قبلها ابداعا لاهان راسك وسلم احساسك تحياتي صوره عجيبه نحسبنها ضايعه/لاوالله ما ضاعت وليتها ضاعت ههههههههههههههههه بصراحه جاريت ابياتك يشهد الله مرتين وكل مره يجيني من يحوسني وتشاءمت ولو ان التشاءم مذموم ولاهو من عاداتي لكن هذ اللي صار هههههههههههههههههههههههههههههههه اهلا بمراقباتنا ومديرتنا ومن مر من هنا ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ هل فيك احد ياسجن الابداع هالحين؟=والا جنابك مخليٍ مابه اوناس لاحيت لكن مالقيت الملاحين=الا اربعٍ عن عشر والذيب قرناس وباقي عربنا بين نوما وصاحين=وصاحينهم يشكون دوخات ونعاس

كنت احسب انك تصغي لدقات قلبٍ يطحن=وتاسف لما سويت به وتبادله نفس الشعور
ماتدري انه كلما يذكر زمان اول يحن=ولاتعلم انه مثل كل الناس له دمٍ يفور
تقول ما اكسر خاطره/الا طحنته له طحن=من تالي وحظه معك بالحيل طايح وامعثور
كان لعلاقتنا رسومٍ واضحه لكن محن=وماتت نواميها عطاشا واخرثت حتى الجذور
بيض النجوم اللي تسامرنا بسهرتنا نحن=وضليت اراقبهن يطلن ثانيه عدة شهور
لتجاوزك حمر الخطوط اكيد ضاقن واستحن=او خافن ان الدايره مثلي عليهنه تدور