|
حلو القصيد بـــبالي ويـحلالي جعل اللي يخرب علي الجو يرتاع والله يعيننا على برد الشمالي يخليك تشوف قطيع الغزلان ضباع مير انا مشتري بطاطين ٍ ثقالي من حراج بن قاسم يوم عزَم وباع ما علينا، خلونا من اللي بدالي السالفة أكبر من برد وبطاطين تنباع السالفة ياطويلين العمر كالتالي في يومن اقشر قلت اتمشى لي ساع وشوف شي ٍ من بعيد ٍ يلالي يومني اقرب منه طلعلي ذاك الشعاع شبيك لبيك وش تبي؟ قالي قلت والله انك فجعتني وقلبي ارتاع قمت اتنافض وقلبت برتقالي اختبص وجهي وملامحي نصها ضاع اللي سمعته كله من خيالي من فرحتي به عيوني صارت اسماع مانطق مير ساهن وسالي ويطيح وجهي قطعتين وثلاث بالقاع شو بدي ألـَقط مما جرالي بسمتة خلت أنصافي ثلثين وارباع ماهقيت اشوفك وما طرالي لكني اقشر وحظي من قرادتي ماع شفتني ونا حالي محالي من شافني حامت الكبد منه ولاع ادري اني بكلامي مغالي لكن الزين له الزين منقادٍ وتبـَاع باكر بلبس من كل غالي واتطيب بعود وعطور كل الانواع وا ترزز ولا على بالي عساك تنسى ذيك الخلاقين الوساع وترحمني وترفـق بحالي ترى بسبتك زادت همومي والاوجاع ولا تدري بروح لحالي شكلك ما تفرق بين شراين وبياع باتلحف بالبطاطين الثقالي عساي في الحراج مع البطاطين انباع |
الله الله يا فارس مطير صح لسانك هههههههههههه~
راقت لي كثيرااااا ~ |
اقتباس:
اعجبيني حضورك |
<اسوق من روحي لروحي فناجيل >
اقند بها راسي على ما تمنيت واعسف خيول الفكر من ندر الخيل وارخي الرسن وأن شفته يميل شديت شطر يهز القلب يعزف مواويل يفتق جروح قلت منها تشافيت اسج والهوجاس زود لي الكيل حسبي عليه يحدنيله وخاويت وللبقيه. .........؟؟ |
جيتك وانا كلي وفاء جيتك وانا كلي كلام
لشوفتك شوف المشاعر لك تعن اخيولها مرهف الاحساس |
ياعنق ريم فريد وحوش
توه بسن الجهل ناشي اقبل يدوش الضماير دوش كنه يوطي علی جاشي وياريحة العنبر المرشوش وياقسمة بيد قماشي ياليت حظي ينوشه نوش بسمي المسجل على الماشي منقوله |
قالوا تحبه قلت مــا هو بالحيل
بس انه أغلا شوي من نور عيني يسوى جميع الجيل الأول وهالجيل واحبابي المــــاضين والمقبلين شوقي له أعظم من ظمى الأرض للسيل واشفق عليــه أكثر من أم الجنيني واحتاج له حاجة ثرى مصر للنيل وعليه أغـــار أكثر من الوالدين |
أنتي مثـل قمـرا على صفحـة المـا =له صورة عندي وهي في السما فوق
اتصافحك عيني وانـا كفي اعمـى =مالي جدى الا مصافح الموق للموق ياماشربتك شوف من خوف لاأظما=وياما الوله للوصل يبس بي عروق ياليتني بدلـت نـورك بظلمـا =واخترت لي غيرك من الناس مخلوق أقول أحبك ياعذابي أوأكما =لا حاصل قرب ولا نافع" شوق |
| الساعة الآن 04:28 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir