هلابك عد ماطقت خجول{ن} بصبع السباب=لياشافت وليف والخجل بين بحاجرها
وجرت ردنها من خجلها بشويش خلف الباب=وهي ترفع نظرها ودها والطهر حاجرها
تراعش جسمها من فرحة الموقف مع الي غاب=ومن خوف ان اخوها ينتبه تمسك بناجرها
وهو صوته من الدهشه يبي ينطقلها وش جاب=ولكن ضاع من عض الشفاه الله يواجرها

بنت ... لحضه... وقفيلي ..اسمعيني ويش اقول=طيب اقفي ... بس كافي ,, ليش عني غايبه؟
نعنبو شيطانك انتي .,. مال صدك من حلول؟= والغريبه فيك حاجه لا مشيتي ذايبه
خابرك وعرف كلامك لا تقولين امهبول=من عيونك من حلاتك صاب قلبي صايبه

http://www.ro-ehsas.net/uploads/1445716915151.jpg
تنام اصواتهم لاجا الظلام وهاجسي صاحي
على حروة سنا نجم يسلي خاطري نوره
ابحكي له عن الي في خفوقي يقتل افراحي
مع غدر الزمان الي طعنها من قوي جوره
ولكنه سناها نجمتي ذا الليل مالاحي
غفت فوق السحاب وكنها للغيم مأسوره
وكنه هالمسا يبغى اعيش بزحمة جراحي
انا والجرح والذكرى وضيق القلب وكسوره

عذب