المشاركة الأصلية كتبت بواسطة ناصر الهواوي (المشاركة 510253) معذور لو ما يغني العذر من جوع=من زارنا بالسجن يحسب مشارك ياخال من يمسي من الفقد مفجوع=يقال له ماجور والا مبارك من قيل له من شوفتي حبة الكوع=اقرب!!لهذا الوضع كيف ايتدارك

ماجور ياللي من محبتك موجوع=الله يهدي حرَّ جوفك ونارك
يوم انسلبت الفكر غصبٍ مهو طوع =وامسيت من فقد المواليف بارك
كنك صويبٍ يشتكي ضرب فاروع =وسط المحاني لا يمين أو يسارك
لكن مدام ان الغلا فيك مزروع =ومحبة اللي ما مساره مسارك
ولاصار حب الولف بالقلب مطبوع =القلب ماهو ماشيٍ باختيارك
اصبر ترا جل الصبر منه منفوع =يثمر ولو بالوقت طال انتظارك
تاخذ لك من الحب رشفه وقرطوع= وتلقى خليلك بالمحبه جوارك

المشاركة الأصلية كتبت بواسطة ناصر الهواوي (المشاركة 510268) اعاتب الحظ والا اعاتب احلامي= والا معاتبك يالمجمول مليته ليا ذكرتك تذكرت اجمل ايامي=وان قلت ودك تعود اقول ياليته البارحه لي طريت وقلت ما انامي=وانا بشقرا وشغلته وسريته احلام ما ادري منى مشتاق واوهامي=ما اشعرت حتى على بابك سطع ليته المشكله الخفير يبي يدري ان امس هارب من السجن ههههههههههههههه