ادوج لوكان مارجلي بدواجـه
ادلّه النفس لين الله يفرجها ��

يالله يالي بيدك الضيق وافراجـه
ياخالق الخلق ياقاضي حوايجها

افرج لعين ٍ ليا غضت بسوهاجه
تجهز عليها الطواري لين تزعجها

عبدالله بن عون


ذائقة مساء (:

الهواوي يشتكي فرقا وليفه
و المحبه مالها دايم مداوي

يتحيزم للثقيله و الخفيفه
و يطربه صوت القبايل و العزاوي

يا بناخينا عسى الدعوى طفيفه
انتبه قلبك يغشك يالهواوي

لا تحب الا من اوصافه نظيفه
مختلف عن غيره و لا له مساوي

كن ماله غير تقديرك وظيفه
ياصلك لو دونه السرحان عاوي

اذا حسيتوا اني جبت العيد مرة من المرات
نبهوني >>>>هع

مساكم خير وشعر وتقدير
وصحت السنتكم وداامت جمعتكم,’’

مذكور يالشاعر كديميس بالخير
ما دام جاء لك بعد ما غبت طاري

شاعر و متمكن على الشر و الخير
اقولها و يقولها ناس غاري

و ان كان تاصل لك بيوت الشواعير
نبيك معنا في رواسي مباري

و حزب الرعد يدعيك من غير تاخير
و العرض يبقى مجمل الوقت ساري


ارجع و شارك من نتاج التفاكير
لو كان ترجع بالقرار الوزاري