المشاركة الأصلية كتبت بواسطة النجلاء (المشاركة 509161) السلام عليكم ورحمة الله وبركاته اسعد الله مساكم يالرواسي بكل خير بشروني عنكم ان شاء الله انكم جميعاً بخير اعذروني ياجماعة الخير على الغياب والله اني ماغبت عنكم الا لضروف صحيه تجبرني على الغياب وان شاء الله انها تعدي على خير واقدر اتواجد وياكم مثل اول

المشاركة الأصلية كتبت بواسطة شاعرة نجد (المشاركة 509215) تسليه.. تهيضت يـوم الصبـح شعشـع وبـاان النـور=وقــــام الـحـمــام الـراعـبــي يـســجــع لـحــونــه تهيضـت فـي صـبـحٍ سكيـنـه وحــس طـيـور=تثـيـر المـشـاعـر عـقــب مـاهـيـب مسـجـونـه وكتبت القصيده واستهلت بـ .عشر سطور=قـصـيــده مــــن الــواقــع جــديـــده ومــوزونـــه

المشاركة الأصلية كتبت بواسطة ناصر الهواوي (المشاركة 509241) ارحب يابو بندر وتسلم وبيض الله وجهك اهلا يالسجين ماشاء الله الظاهر طول الغياب كنت تشحن الهجس صح لسانك روائع كنا ننتظرها من زمان صح الله لسانك شاعرة نجد اهلا يالجوهره ومراحب بالجميع ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ كديميس السيحاني اغلبكم يعرفه كشاعر وكان معنا من زمان وتغيب عن المنتديات ومستمر يرسل لي كل جمعه موعظه وكلام جميل جزاه الله خير لكن لايسال ولا يسلم وكتبت له بالواتس ــــــــــــــــــــــــــــــــــــــــــــــــــ ــــ يالقاف اظنك عن كديميس مبطي=كم زل لك ما اوحيت صوت ابو منصور لكن حاول معه تاخذ وتعطي=له الكلام الجزل هاته على الفور الشيخ قل له قاطع الرحم مخطي=ومن ياصل لرحمه موفق وماجور وان كان بالدنيا عنه جا تخطي=ماهقوتي يوصل ليا نفخ بالصور وجا رده القاف عن حرف الهجا ما يشطي=ولا تزرع القيفان بارضٍ قفر بور اراسلك وانته تعاين بخطي=وما جت ردودٍ منك واقول معذور صرنا مع الايام شيلٍ وحطي=من عقب عجات الصبا ما خذن دور وان كان تبغى العلم ماسر غطي= صاحبك يابو عبيد له قول ماثور الموج يكسر به على كل شطي=وعقب انكساره يرجع لسبعة بحور ــــــــــــــــــــــــــــــــــــــــــــــــــ ـــــــــــــــــــ وختمتها لسود الليالي هامتك لا توطي= ياذيب نجد ونجل من يرذي الخور لعواك في عال المراقيب عطي=ولا بد يشرق لك بعد ظلمتك نور

بصدتك كم لي وانا اشجب واندد=ولا فادت بكلمة ترمب التناديد
دايم يهدد وانت مثله تهدد=وعليِّ تخطي واعتذر لك تراديد
لحسناتك وسياتك اذكر واعدد=واثرك بي جايب وانا ما ادري العيد
من رجف قلبي جا بحدبي تمدد=واصبحت واهي حيل لا ابدي ولا اعيد
ولك اتحادا وانت عني تصدد=لا يابعد من لي/ كلامك وش ايفيد؟
امحق تودد كان هذا التودد=لو اعلنه شابت رموش المواديد

خفير السجن هالصبح ما مرك العواد؟=وزعيم الحزيب المنخلع ما اهقا مره
البارح لباب السجن ياما اكثر الرواد=واليوم الضحى ما للعرب حولكم جره
الناقد بلش بالامتحانات ذا وكاد=والفراج يمكن للقنص عاود الكره
وغطفان يومٍ جاب خيالهم لاعاد=وبعض البشر موجاتهم حيل مفتره
بمقر الحزب رحيل سردادها مرداد=بلا نفس تضحك كنها فيه مستره
لو الله هداها عانقت شلة الاجواد=حزب العاصفه لو كان ماهيب مضطره

ان قلت تعشقني فانا والله اعشقك=عشق الصمت غزلان والكنقه ونور
تقفي وانا اتابع خطاويك والحقك=حشا ما اجنب عنك لو تاصل الطور
صريح انا لا تحسبني بانافقك=وانا ادري انك شاطر اتلف واتدور

قبل امس وامس وليلة البارحه عمس=وعسى نهار اليوم يطرد عماسي
يامرحبا 500 مكرره خمس=باللي لصوته لا اتصل شاش راسي
ان صاحبي والا همس بالنبا همس=بكهربة مخي يصير التماسي
لا ابطا معاليق الحشا تنحمس حمس=واعد ساعات افتقاده مآسي
الله على اللي دقة السلف باللمس=يطير لاباج المسافه نعاسي
عليه ابا آصل منطقة خاضب الخمس=زيارته لي تعتبر شي اساسي
اقفا بلا رغبه منه وابعد الرمس=وحيد من عقبه وانا بين ناسي
ابو جبين يحالي لحاجب الشمس=ومثل الذهب ينسف على الكتف كاسي
لو كل ما بالذاكره ينطمس طمس=اموت ولهاذاك مانيب ناسي