يا النايفه جرتي على القلب بالحيل=ما ترحمين اللي غرق في غراامك
يا فاتنه يا شوق يا وردة الجيل=كن القمر و أطلالته في مقامك
عز الله انك بنت من يذبح الحيل=اللي رفع سمعت ذويك وعمامك
ذخاير اللي يشربون الفناجيل=من مجدهم ناش السحابه زمامك
أصلاً شموخك جاور الجدي وسهيل=يحق لك لو تبخلين بسلامك
مفروض تحتقرين حتى الرياجيل=ولا تنطقين الا الفخر في كلامك
شيخه وترفه فيك من قامة الخيل=أتشوقين وتفرضين أحترامك
منّك نشوف الجور ونكابد الويل=صرنا ضحايا للوله في هيامك
نبي نحط ألك العمايم مناديل=و نلحفك جوخ العقيد بمنامك
لأنك بدون مبالغه مثل ماقيل=محتكرتن زين الصبى من فطامك
بستأذنك في بوح بعض التفاصيل=حتى لو التعبير يعجز أمامك
ما عاد تحتاج الموده مراسيل=عطي جريح الخافق من اهتمامك