|
يعطيكم العافية ولا هنتم
|
صح لسانك شاعرة نجد
صح بدنك هماليل ربي يسلمك عالية المقام |
/
ماشاء الله إبـــــــــــــــــداع الله يحفظكم صحت ألسنتكم وسلم بنانكم ولاهنتم ع جميـــل بوحكم |
اقتباس:
لله درّك يا نجد ............ |
السلام عليكم ورحمة الله وبركاته.. آل الرواسي وشكرا لك من الاعماق شاعرتنا المبدعه هماليل على هذا الموضوع الاكثر من رائع مشاركات جميله من شعراء جزلين صحت السنتكم جميعا... ولا هنتم ابداع يعانق ابداااع تحياتي للجميع ؛ ريوف القوافي |
يـاللي مـلكت الـقلب بـاسلوبك الـذوق اســألـك ويــنـك ؟!والـحـزن مـمـتليني لا تـقـول مـتـكدّر ولــك قـلـب مـحروق جـمـر الـمـشاعر منـخمد مـن سـنيني مـاهـزّك إحـسـاسك ولا حركك شـوق! تـكـسر جـدار الـصمت بـينك وبـيني! أشهق وصوتي من عنا البعد مخنوق وآشــوف طـيفك مـنطبع وسـط عـيني ؛ ؛ هماليل............أكملي...... |
صح لسانك شاعرتنا الجميلة ريوف
ممتنة جداً لتواجدك الجميل وتفاعلك مع الموضوع ويشرفني اكمال نصّك العذب تقديري وودي لسموّك غاليتنا |
اقتباس:
كنّـــه ســرابٍ لوّحت يمّه عــذوق قالت: علامك بالجفـــا تحتوينـي؟! مثل الحماد الّلي من القيظ مفهوق كنّـــي وهمّــــال المـــزن ما يبيني آنشهد إن البعد محقوق محقـــوق فـــي ذمّتــه علّـــق بقايــــا حنيني أدورك يا متلف الـــرّوح واتـــوق والقاك من حــسّ البطـــا معتريني |
مساء الخير
وصحت السنتكم جميعا وصح حضوركم ابتدا نظم القوافي على اللحن الحزين وابتدت ذكرى الليال الخوال الماضيات ودنا نلقى سبب نلتقيكم كل حـــــين مير حطوا حاجز أكبر من جبال السراة أن بغيتك من يسار أو بغيتك من يمين يا عذاب دون موت او عذاب مع ممات ما بقى لي بعد هذا سوى صفق اليدين قالها اللي ما لقا درب مع كل الجهات بدون قصور بشعرءنا الأفاضل التكمله من الشاعر القدير ناصر الهواوي |
صح الله لسانك ياسجين وفي انتضار تكملة شاعرنا ابو عبيد
|
الله الله
سجين الرواسي صح لسانك واعتلا شانك نص جميل وعذب وفي انتظار ابو عبيد لاكمال النص سجل اعجابي وتقديري المستمر |
ســــجــيــن رواســي
صح لسانكـ مليوووون ولا يكفوووون وننتضر ابو عبيد |
بصراحه توي دريت ان فيه موضوع معد من هماليل وهي سباقه لكل علم جميل المفروض نبهتونا لذلك انا تراي ما انتبه بالحيل لكل شي
يعني لازم اطلع من اول صفحه الى اخر صفحه ان شاء الله ــــــــــــــــــــــــــــــــــــــــــــــــــــــــــــــــــــــــــــــــــــ ابتدا نضم القوافي على اللحن الحزين =وابتدت ذكرى الليال الخوال الماضيات ودنا نلقى سبب نلتقيكم كل حين=مير حكو حاجز اكبر من جبال السراة من بغيتك من يسار وبغيتك من يمين=ياعذلب دون موت وعذاب مع ممات ما بقى لي غير هذا سوى صفق اليدين=قالها اللي ما لقى درب مع كل الجهات ابتدا نضم القوافي وفال القرم زين=كل ضيقه تنفرج بالليال المقبلات وكل قلب يجيه للي مضى دايم حنين=والهموم جموع تاتيه واحيانا شتات ودام تقدر تدرج حول وضاح الجبين=الفرص ماهيب دايم تجيلك دوك هات والصبر محمود والله على مابك يعين=وكل ذيبٍ مسه الجوع ماوالله يبات قبل خافية السوالف لمفهومي تبين=جا لدقات المعني تدابك وخفقات وانتسلت الاجرب اللي معلق له سنين=وقلت قبل الصبح والخيل عندي مسرجات لكن الفتنه كفاها الولي المومنين=والسموحه كان عبرودها صار بحصات(ة) |
اقتباس:
|
الله عليكم
سجين الرواسي والهواوي مبدعين ورائعين صحت السنتكم |
الله الله الله
صحت السنتكم الهواوي وسجين الرواسي ابدعتم رائعين تقديري لكما واحترامي |
الله الله
ابداع في ابداع صحت الالسن لله دركما ،، |
صحت الالسن جميعاااااااا
وصح لسآنك سجين الروآسي وصح لسآنك الهوآآوي أبدعتوووو يعطيكم العآآآفيه |
صحت الالسن ودام ابداعكم شعرائنا وشاعرتنا ،، ولاهنتم
|
صحت السنتكم واحياكم الله
اولا ارحب بالشاعر حمد الحربي وارجو منه اكمال هالبويتات بما يراه مناسبا وهذا من فرحتنا بتواجده مساك من وبل الروايح غشيني=ياسجن ياللي كل من فيك سامين حتى لو ان حضورهم لك دويني=مهما حصل يالحبس يبقون غالين عدو غفوات الجفن منتويني=ما ادري علامه يحرم الغفوه العين لكن ابا اقدم جوابي لسيني=قبل تصير السين يالسجن سينين جفوة سنه عقب التواصل سنيني=عرفت منها ويش يعنون بالبين اثر البعد قتال والهجر شيني=عزي لقلبٍ واقعٍ بين الاثنين |
ارحب ياجراح تراحيب المطر واكمل هالثلاثه لاهنت
ليا ناض براقه طرت لي طواري=وان جا برد ذكرت لي مبسمٍ زين عليه اجاوب نايحات القماري=واعاوي العاوي بروس الضلاعين واكبر مصيبه كان ماهو بداري=انه هو اللي بالفراق اسهر العين |
موضوع يطل من الافق
راقي جدا وممتع وبه من الفتن مايسرق نور المقل .. يحضره الجمال ولا يغيب عنه الابداع والالهام .. لله دركِ ي ناصية التميز ⚘❤ تقيييمي واتمنى الا يخذلني ⚘ |
الله عليكم مبدعييييييييييييين
|
اسري على فرقاه مسرى الضواري ـ ـ ـ ولحدن درى عني وعن حضي الشين
وش لي بسوق الحب بايع وشاري ـ ـ ـ خسارتي من يوم حبيت ثلثين هذا ونا فالحب كاتب وقاري ـ ـ ـ وعمري تجاوز فوق تسعه وعشرين اخوي الغالي الهواوي صح لسانك يالجزل وتشرفت بمجاراتك |
اقتباس:
لامــرته ذكــرا غــدالـــه ونـيـنـي=كنــه عويقٍ فاقدٍ شــوف والــين يومه يشوف النار حوله تبيني =والجسم لا يسعف ولافيه تمكين الصحب راحوا ماتركوا له عويني=ياكود نوحٍ من صميم الشرايين محــدٍ فطن له لو عذابه يبينـي=لو نظــرة عيونه تسوق البراهين لو صرخته باحت وبان الكنيني=لو ينشطر قلبه لو يصير قسمين ليت السجن باسباب طلبه وديني=ماهـو بسبــة صدةٍ للمصـدين اللي باثرها لاعبٍ بي حنيني =ماغير اجر الصوت واكتب دواوين اثر الهوا غلاب طبعه يهينــي=ويهــد هامات الرجــال الــشـواهين منه البشر مارقدَّوا مهتنينــي=كــلٍ من اسبــابـه غدابــه براكـين لاهنت يالامير وصح الله لسانك وبيض الله وجهك على هالجزاله ويسعدني ويشرفني تواجدي بينكم اولا وتكملتي لهالجزله ثانيا واعتذر عن التاخير |
الله الله
الهواوي صح لسانك واعتلا شانك جراح تكمله جميله صح لسانك |
ابو عبيد صح لسانك مليون نص عذب وجميل
حمد الحربي صح لسانك يالجزل نص مكتمل بالجمال الله لايهينكم شعرائنا الجزلين |
اهلا ياغنج بالله من اي كوكب نزلتي فاقدينك مبطي لاهنتي ودمتي وسلمتي
الاخ الشاعر جراح صح لسانك على الابداع وروعته دائما اتمنى اللي مثل ومثل غشام وكثير من اخواننا المبدعين ان يكتبون باسماء صريحه مجرد راي حمد الحربي الشاعر المتمكن صح الله لسان ك حتى ترضى بصراح ماخاب ظني لاني لم اقرا لك وقد مر علي اسم جراح لكن اسمك ما اعتقد اني رائيته هنا لاهنتوا وبيض الله وجيهكم يالغالين ابو بندر حياك وصح بدنك وفكرك |
وين المعزب ابا اساله عن علومه بعد هالغياب=اليوم حنا يابو فيصل ضيوفك وانت راع المحل البارحه ياولد فراج لين اتلى المقابيس غاب=النوم بعيون اخوك العود مما فيه عيا يحل ليا انقفل باب طاري ينفتح يمه ثلاثين باب=وانا مع اسياب هالبيبان احل بدورها وارتحل الجو يصفي وينشي غيم ويلابس شموسه ضباب=وجيان قلبي على كثر المطر والسيل دايم محل |
الله لايهينكم جميع وصح لسان الشاعر جراح للمجاراه الطيبه واشهد انه جزل جاراله جزل بيض الله وجيهكم
،ناصر هذا من طيبك يالامير ومن جزالتك و ابشر راح اغثكم بالمواضيع والله يعينكم علي هههههه |
مساءكم سعاده ياشعراء الرواسي
ابدعتم وعلى راسكم الشاعر القدير ناصر الهواوي الذي زاد من جمال هذا الموضوع الملئ بالنوادر والروائع ننتظر جديدك شاعرنا حمد الحربي وفعلا ليت الاسماء المستعاره توثق قصايدها باسماءها الحقيقيه لانه الشعراء الرجال لاضير من اسمه الحقيقي بالعكس هالشي سيكون له ولقصائده ك حفظ حقوق رسمي لكتاباته وجهة نظر لا اكثر وانا مع اخونا الهواوي بهالكلام تقديري لكم ول صاحبة الموضوع ذات الفكر النير الغاليه الشاعره هماليل يسعدكم ربي دووم |
الهواوي ؛صح لسانك شاعرنا لين ترضى .
جراح ؛ صح لسانك الى مالا نهاية . ابداع غير مستغرب منكم .. |
الهواوي ، حمد الحربي
الله الله اكتملت صورة الابداع .. لله دركما . |
اقتباس:
يا مرحباء يابو عبيد صح لسانكـ مليوووووووون ولا يكفوووووووون سمعت صوت المنادي يوم نادى جيت ارد الجواب ويا مرحبا من هجوس الشاعر اللي هاجسه ما بحل سلامتكـ من صواديف الزمن يالعود سمح الجناب لا تـسـهر الـعـين ونته لـحـتما الميـقـاف تبقى فـحـل دورة رحـاة الــزمن يبيد يـابـو عبيد مـنها الشباب وحلاوة الـوقت فـالوقـت الشقي عياء عليها النحل ون طعت شوري لاعاد اتخيل براق الحياء والسحاب ومالكـ ومال النجوم اللي مابين الارض وكوكب زحل |
ابو عبيد , ابو فيصل
صحت الالسن . ابداع منقطع النظير , |
صحت السنتكم جميعٍ
وصح بدنكـ يا رحيل لا عدمت هالحضور |
اهلا يابو فيصل والله اني عارف انك ما تبحل بشي
وصح لسانك وبدنك بس حبيت اتاكد ان موجود لان لها عندي مدلول ههههههههههههههههههههه اهلا يارحيل وصح بدنك وسلمتي ع الحضور الفاخر تبارك الله وماشالله لعله ما يجيك اكتيئاب=اللي مع اسفلت ينقد مشية اللي طابعٍ بالوحل والله ما ادري هي مضبوطه والا مع حويد الانضياط ؟؟ههههههههههههههههههههههههههوشلون اغمض عيوني عن بروقٍ مثل بيض الثياب=وش بك تحرم على صاحبك شيٍ لك بعرفك يحل مطاع شورك وتطبيقه متى ماشاب راس الغراب=او قررن العذارا لا يحطن بالعيون الكحل وش عاد اسوي بقلبٍ كل ما اكبر سن عوَّد شباب=وعينن سحل رمشها ضوح البروق اللي تخايل سحل |
هههههههههههههههههههههههههههه
صح لسانكـ يابو عبيد مليووون ولا يكفوووون ونت ما تجيب الا المضبوط لا عدمتكـ |
/
الشعراء الأفاضل صحت الألسن جميعا وبيض الله وجوهكم على هذه الجزاله والروائِـــــــــــــع / هماليل صفحتك رائعة ومميزة وممتعة .. سلمتِ يانقاء حفظكم الرحمن |
ارحب يابو فراج والمضبوط تواجدك وان شح
اهلا ياشيخة الغيد وكما قلت صفحه ثريه لو هناك من يثريها وكل صفحات منتدانا رائعه بس وين الروائع ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــ من اراد اكمالها يفعل ماودنا نحدد ممنوع الاحراج والرزق على الله هههههههههههه الجو صافي وشامس بالنخل لجة عصافير=وفي مثل هالوقت صمت الورق به ماكان عاده لاذعذعت من جنوب الهاديه يعزالي اطير=لي في جناب الغلا يامن تحب ترد راده شغل لي اللي تشوقك لاتحرك خنة السير=ياعبيد انا ابوك راسي لاطروا عاف الوساده عليه اباصل وليفي لو وقف دونه طوابير= اجل لويش انتخي من روق باصحاب السعاده |
| الساعة الآن 01:44 AM بتوقيت السعودية |
Powered by vBulletin® Version 3.8.7
Copyright ©2000 - 2026, Jelsoft Enterprises Ltd.Almuhajir