|
همسه
الغلا شرعه معزه مع معزه = والهوا سلمه صدوق مع صدوق دام لك حب ملكني كل حزه = مالك إلا طيب يبل العروق رحت روح مابقا للقلب فزه = رح فمان الله لو كلي حروق ماني بتابع غلا الي مايزره = خافقي مابين ضلعين وخفوق |
أخر همس الغلا
حييت ياوصل ذكرته مع الناس = كل ماذكرتك ذكرياتي زهتني منت بعلاقه للغلا تحني الراس = أنته خفوق اللي هويت وعنتني مكسب خفوق وغايه بعز نوماس = أحيا وتحيا بالغلا من حيتني وصت خفوقي لايجي كل مجلاس = بأطيب وصيه فالوداع تركتني نبذه فقط عن راعية شوق وإحساس = اللي قبل تنسى الغرام ذكرتني ولا الزمن هذا زمن بين الأقواس = ياكثر مابه من مصايب نصتني ولا أنت يامقصد قصيدي على ساس = مستودعك لو شرهتك ما لحقتني |
مااستطيع لشي ماهو مستطاع = بين رغبات الغلا والذكريات إن ذعنت لرغبتي بالإنصياع = خفت لا ضيع مقامي بشهوات وإن نضرت لذكرياتي بأقتناع = أذكر سنيني وأخاف من الفوات وجد قلب يبست عروقه وجاع = لاوصل جمه ولا ذاق ثمرات لا ثنيه تنطحه لا لا رباع = منقطع ماحوله مقيم الصلاة حافيه رجله برمضى وسط قاع = تحت شمس تحرم الطير الحياة ماأحتسى في طرقته بأدنى متاع = يحتري موته من أيات الجهات ذاك أنا أشبه خاطره بالإلتياع = منتضر موتي ولا ذقت الوفاة ضايع مابين عشق وإنخداع = خاطري مابينهن صاير شتات هوجسة خاطر على ذكرى وداع = كل ماقلت أدبرت حنت وجات |
أنا حبكتك للهوا طرق طاروق = حبه وحبه وإبتدبك محبه ثم إنشيتك للغلا بلة عروق = يبتلبك خافق غلا ماتشبه وأبا أتذكر عاشق لجله أروق = أبا أتذكر مالحقت بمسبه تكفيك يالله والغلا كله فروق = حبه وحبه ماعرفنا مغبه |
أص ياقلبي مشينا وأص ياقلبي رحلنا أص ماتسوى المناعه دام مافيها قناعه خذ بيوت طروق شعرك خذ خواطر كل همسك خلها بصمة مخاوي في غريبين الهقاوي |
حشمة الرفقه وحشمة كل طيب = وحشمة لأسمك وحشمات لغلاك هذا أنا ماخاب ضني لو تخيب = دامي بضن الصدوق اللي بغاك صدقي اللي ماخبرت إنه يعيب = هو بلا تفكيرك وسبة بلاك لو قريب من خفوقي ياقريب = ماوليتك كان ماتضهر ولاك
لا تخاف قربت الرحيل وتركت إلك = شي يذكر كان تبغى تذكر وصية ماهي تسبب تخاذلك = إشكر بها طيف لوصلك تشكر |
هلوسة وداع
إن تكن أو لم تكن أو لن تكون = بي كذا أو هكذا وشهو بلاك وإن أمن أولم أمن أو لن أمون = بك كذا أو هكذا قصدي غلاك بك كفا قلت إكتفا كافي ضنون = كنت أو ماكنت يامكبر خطاك |
الحب لو تقلب حروفه غدا بح = والبح حب تنتهيبه الولايف بوح ومشاعر زايفه مابها صح = صح بعلاقه تنتهي وبحسايف صحيح نعتب والعتب فاهمه شح = وماشح يعني بالغلا شي كايف نح العتب في خاطرك والغلا نح = نحه لروس ماتعرف الضعايف وأخر حروفي ينطقه صوتي البح = بحيت صوت مايبي فيك عايف محد مكلف خاطرك شي إرتح = إرتح وجاذب صوتك لكل نايف ومدام لك هيبه توجس للأصلح = أصلح أمورك وينها وأنت شايف |
صحيح أشواقنا تأتي تباعآ تحت مبدأ معزه مع توافق لما نحتاج نحتاج إقتناعآ بأن العشق عنوان الخوافق رفيق فيه تحلولي طباعآ به للعشق أشواق دوافق متاعآ فيه يانفسي متاعآ إلا أن ينجلي موتي موافق لأشدو فيه ياقلبي وداعآ وداعآ أنت ياقلب أرافق |
إلى من ساوئت بالعشق ضني = وضنت غير ضن كنت أضنه وإلى من ضنت بأني وأني = ومالت بالحنين اللي أحنه لها شعري يرد القول عني = بأني كنت أو ماكنت إنه زهاوي طيب في معنى يغني = يطيب بطيب منهو يستضنه عزيز بعز مايعرف تدني = ولو يهدي خفوقه مايمنه يبادل صدق مايعرف تأني = لعشقه عز مسنونه يسنه ولا يجني ولا يعرف تجني = ولو جور الهوى قلبه يعنه تمنى وإندثر وصل وتمني = وشاش لراس دندونه يدنه وإذا من ساوئت بالعشق ضني = قنعت من الهوى اللي تستكنه ماأعشق بالهوا كني وكني = ولا أعطي خافق كنه وكنه |
إن جابها الطيب أجيها مندفع كلي = كلي بكل الوفى في غايته كله وإن جات رغبه عن الرغبات أنا أولي = ماني بلاش على رغباته أقبله أبنتقيله غرامي حر يهلي = حر على هيبته محد وصل ضله |
همي اللي في مغباته سجني = غمي اللي ماتقاويت أمنعه إمتحني بشي لو شالوه عني = صار قلبي مدمنه له يتبعه عادته عني مع الوقت متعني = دايم وصدوف وقته تلفعه كل مالديتله غصب طعني = طعنته كل الرجا به تقطعه إن لعنته له صدا صوت لعني = وإن رفعته طاح ماأحتلت أرفعه ياغرام فيك ياكثر التجني = في قضية خاطري مع مطمعه إن صبرته يوم هاجوسه شحني = وإن وصلته يوم عشت بمعمعه أشهد إني مبتلا عشق إمتحني = وأشهد إنه مبتلا بالزعزعه أه ياليته يخيب كل ضني = وأسهره عمر مع إحساس أجمعه ويتغنى شاعر لجله يغني = يجمعه ديوان عشق ويطبعه |
أعلم
وأتجاهل وأنا أعلم ولكن هو أنت من إعتنق ذلك المبدأ فكم من كثير يغني عنه القليل وكم من قليل يعني لك المستحيل فهل ستجيب بما أسأل من أنت وكيف أنت ومما تكونت ومالذي تبحث عنه وماهو إسمك وكيف هي قيمتك وتقييمك لنفسك هنا أقف وهنا أودع علني اجدك غير ماأنت ياأنت |
تكذب علي واقول عادي ومسموح = يمكن مع الأيام يصدق ويوفي لني أبيك بهيبة تبني صروح = هيبة وفى وتبدد أحلام خوفي |
جنبت عن رفقة رعاع وخثاريق = وعن واحد طيبه ردا مادرابه وقفيت عن وجد الخطا والمطافيق = وعن من تجنى بالردا من هقابه [align=center] |
إكتفيتك عشق قلت أرجع رفيق = يمكن إني أقنعك وأكسب رضاك وأرجعك وأسترجعك قدر وصديق = ثم أوضحلك صحيحك عن خطاك وأبعدك عن خاتمة غل وحريق = وأستثيرك شوف هذا اللي زهاك وعنك أعيق اللي خفوقه لك يعيق = ثم أقربك الغلا وأطرد بلاك ماأرتضيك تعيش في واقع غريق = مازهابه عز لو كثر حلاك ولا أرتضيك بحلم في صدمه يفيق = صحوة ماعقبها إلا لك هلاك هذا أنا ولا أنت ماذبلت ريق = دايم وكذبك بداياته عطاك رح فمان الله ياوسع الطريق = خاطري بالشيمه اليوم إكتفاك |
هيه يلي قستك بذكرى قديمه = وشفتك أطمن من شموخ الذكريات لنها ذكرى على قدر وحشيمه = ذكريات بس تعنيلي حياة عشتها حب عرف معنى وقيمه = وإنتهت بأصدق غرام وأمنيات بنت حر تنذكر قيمه وشيمه = تنذكر بأطيب عناوين وصفات ماتعرف الكذب وأنواع النميمه = وأصلها في وصلها سكر نبات ماتقسم عشقها مثل البهيمه = عزها عاشق تعزواها وجات ولاتجاري بالغلا عقول سقيمه = حرة متربعه فوق البنات كلها ذكرى وفى عز وغنيمه = محتفض فيها مثل حفض الوصاة كيف لا وأنتي عن المعنى غشيمه = مكسبك كذبك على كل الجهات |
لاتحزن على من لايريدك ولاتذهب لمن يقطع وريدك ففي حياتك حاول أن تكسب ماهو جميل وتتجنب ماهو يميل فأن ماتجده اليوم صعب أن تجده غدآ فأن لم تجد تقديرآ لما تفعل فخير لك أن ترحل |
ناكر المعروف أنا منك إكتفيت = وإكتفائي عنك يعنيلي أمان إنتهى كل شي حتى أنت إنتهيت = مابقالك قدر ماباقي مكان دامك أنت اللي عن الحشمه سهيت = من يلومك لو تحديت الزمان كم كذبت وكم حلفت وكم شكيت = وكم فتحت الباب لكلاب رمضان رح فمان الله لكن ماهقيت = يارفيع القدر ترجع للطمان |
هذاك صدقي كاسر عين كذبه = لاجيت في موقف تلاشى وقفى لنه حياوي منتهى الكذب لعبه = مايدري إنه بالخطا دوم وفى |
ياحظ عين أمك روت من حلاياك = وأنا أموت وخاطري بس شوفتك هي تنظرك ماهمها لحظة رضاك = وأنا أنظرك لهفة غلا في محبتك |
إن تكلمت بغلا لافظ فوك = كم على هرجك خفوقي بك سرح وإن تمايلت بدلع لارحم أبوك = هالدلع في كبريائي كم طرح وإن ضحكت الله يالريم الضحوك = زانت الضحكه لهمي وإنشرح وإن ضميت وضمني لك كلبوك = ضمتك تبديد حزني بالمرح كني صغير معك يعني أخوك = مشتريله لعبة فيها فرح |
فعلآ أنا أكبر خطاي وغلطتي إني = دعيت نفسي لمن لايدعو إحساسي وأكبر مصيبه على إحساسي غلب ضني = يوم إحتضن خافقي مع لهفة أنفاسي سقت الغلا والعتب له مندفع كني = مستوطن اللي شرا عزي ونوماسي جاوب وكنه برمح الود يطعني = مالك مكان بغلاي ولا بمجلاسي قولي بعد ماإكتفاني يسمعه مني = أبحسبه بالوفى من عارض الناسي وإن كان جاني بدعوى عشق يسكني = إذا إرتضيته تراك اللاش ياراسي |
أفضل شعور إنك تعيش وتختلي = لافلسفه لا كذب لاعشق وخداع وأطيب شعور إنك تخاوي معتلي = في قيمتك مايوم يلبسلك قناع بتعيش به واقع جميل وممتلي = حشمه وتقدير وغلا ماله ضياع تقرب منه وتشوف صدره يصتلي = فايح غلا ماحط قدرك في متاع ولا الردي غيمة سواد وتنجلي = ياخذ مراده وأخرت كذبه وداع أقولها ولكل حر منزلي = إن ماأرتفع ولا ضرب في وسط قاع |
بحثآ عن الحب يقولون إن لم تعشق فأنت لاتحمل قلبآ فتعجل العشق كي تنعم به وأنا أقول إن لم تعشق فأنت تحمل قلبآ فلا تتعجل العشق كي تحرم منه فهم بالقول تعجلو وأنا بالقول تيقنت بأن لا أطقس للعشق سوى في عبارتهم ولا حرمان من حب إلا بتفاهاتهم فأنت تحمل قلبآ وهم يحملون قلوبآ فأي القلوب أنت في عباراتهم وحضاراتهم أم في قولي وعبارتي فهم يريدون أن تعيش العشق مع كل كائن حتى يكون لك ذلك القلب المشعور به وأنا من يريدك أن تتأنى العشق كي يشعر به قلبك فهل تريد أن تشعر بالعشق أم يشعر به قلبك فمقولتهم لك إتباع رغبات ومقولتي لك وضوح قناعات فعشقهم ضياع وعشقي إنصياع فلا ضير بأن تعيش دهرآ باحثآ عن من تعشق لا أن تعيش يومآ مع كل من يعشق ومع كل من يرغب |
أقفيت عن منهو تناسى وجودي = وهونت عن رفقة متاع وفضاوه أما إعتنق منهو بذكري يجودي = ولا أبتعد عن من يكيل بغبـاوه طيبي معي متوارثه من جدودي = ماقد أكلت بعقل مسلم حلاوه |
أستخلف الله في بقايا بقاياي = ولا الردى عنه أمتنع بالكسوفه دام العطايا وافيه من عطاياي = ماني بملحق من عطيته حسوفه |
حكمه
اللاش ماكبر مقامه كلامه = ربحه دنائه لو نطق در وألماس
مقبـــاس
اللي عطاهم دايم يسود الوجه = ياليتهم ماتو بليا عطاهم
|
إقتباس القول ماهو مثل بدعه = كان تفهم في مضامين الكلام والكلام اللي بديت وبان صدعه = في مضامينه كتبنا لك ملام |
إليك روح بدم القـــــــــلب قد كتبت = عجيب شــــعر لقلب فيك هيمــانا وفدتك عين على فرقاك قد سكبت= أحـــــــــر دمع تأذت منه أوجانا كأن في داخلي نيــــران قد نشبت = والدمع موقد هذه النيران أحزانا |
الخاطر اللي تحرقه جمر الاشــــواق = والفرحه اللي موتها في وداعك والذكريات ونخوة إحساس مشتاق = وأغلى محبه ذاقها عمر جاعك هي مختصر شوق مع النفس حراق = حبيت أبينها وأشوف إنطباعك |
أطيب قلوب الناس حنا سكنا = بأطيب أحاسيـس الغلا والأماره بين الضــلوع مشيدينه وطنا = عنوان عشق وطيب مابه خساره ماقد كذبنا والدموع إفضحنا = ولــو هـو فقدنا مايجينا جساره مايشتري عمر الغلا غير حنا = ولانشتري غير الوفى مع طهاره لا تصدق اللي قال عنا وعنا = ردد معـي ردد صـريـح الـعباره كنا هنا بس الـزمان إمتـحنا = وذوق خواطـرنا الرحيل بمراره |
ياساقي الحب كأسآ لست شاربه = أما إستقيت بكأس الحب حرماني كررت لائي بوصل لست أعرفه = فلاء وصل بغير العشق ترعاني فذاك كأس بغير الحب تملؤه = لا ترتوي منه غير الجن والجاني لاأشتري الوصل إلا والغلا معه= قلب ينادي وإن فارقت ينعاني |
السالفه طالت ولا باقـي إحتمـال = يالغايه العذبـه وياكـل الغـرام قد طال صبري بس ماجالي مجـال = لانلت شف ولاحصلي مـن مـرام تعبت أضمـك وأتضموابـك زلال = جميل حلم وينتهيبي فـي حطـام مادام مالله جابـك بنـص الحـلال = هي خاربه ليتك تجين وبالحـرام أحسن من إني أنتظر شي محـال = وأحرق خفوقي في مضامين الكلام ياأطهررفيقه عشتها واقع خيـال = لاعادت الشرهـه ولاعـاد المـلام |
يرطن وأنا ذايب غلاه إليا رطن = مجنون همس وخافقي متولههـ ياحيلة الله كيف في همسه شطن = قلبي وأنا قبل الغرام مدلههـ ياليت صدره لي مدا عمري وطن = ماكان صدري له هموم تشوههـ وليته فطن لي مثل ماقلبي فطن = كان الذي فوه خفوقي فوههـ يعطي ولكن الليالي ماعطن = مخطي وحبيت بخطاه أنوههـ |
إن كان ماني لك على كل طاري = روح بامان الله لاتوجع الروح هذا الغلا ماله طبيب إستشاري = يوزع الأشواق ويشافي جروح ستر الغرام بعاشقه وانت داري = لو رحت غيرك مالنا فيه مصلوح |
أنا وقلبي في بداية إصتدام = عسى الخساير ماتجينا فادحه دام المشاعر ناويه بالإلتحام = ياخوف قلبي من نتيجه كاسحه |
ماني براعي شعر يهوى المنابر = ولاني بشاعر جاهل في مقامه أنا القصيده وأنتي إحساس شاعر = يكتب بلهفة خاطره في مرامه عدد جماهيري فقط شخص حاظر = كله جماهيري يالبى غرامه |
أقرب تراني من محبتك أقرب = لو بيني وبينك بعيد المسافه مادام لي عين لشوفتك تطرب = لو ماوصلتك ياكثير الحسافه |
تعال أنا مافيه غيرك نخيته = خلك أسير الشوق لعيون مشتاق مافيه غيرك بالحنايا لقيته = واحد وكنك عن ملايين عشاق |
| الساعة الآن 08:40 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir