بو عيون ماهوب البصل والا المقلقل والبهار=لو شافته عينك تنازلتي عن الاملاك لي
ذي نور باسبابه تهكم فيِّ في وضح النهار=وانا من اجله لو تعايرني نويره ما عليِّ
وانا احمد الله ما بعد راجعت مستشفى شهار=مازلت ادير اعمال مزرعتي وريس في هلي

اقول نايب عن هجوس البنيات=اهلا بزوار السجن حين حلوا
ثنتينهن في خرمس الليل لمبات=جرءه بهن يوم الرياجيل ذلو
بريه وتمرة جلكسي وكتكات=عقب العشاء يالمعتقلات حلو

حزب المدمِر عود اسمه مدمَر=وصرتو عقب ما انتم رياحين حنا
من عام الاول في مكانه تسمر=ولا اذكر بتاريخه نهارٍ تهنا
العاصفه حزبٍ قديمٍ معمر=في كل دوره دايم البيرق النا

المزون اللي تحدر ومنشاها سنود=العيون اتخيلها لجل مرت دارها
اتخيل في وجيه الطخا وجه العنود=واتطعم حلو منطوقها بامطارها
وان فضح براقها ليلها يخز الحسود=المحيا السمح لاطوحت بخمارها
وان تزبر مزنها ثم لجت بالرعود=رجف قلبي في ضلوعه لكثر اعذارها
وعقب جمعه لانبت عشبها واخضر عود=والفياض من الحيا فتحن ازهارها
وهبته نسمه بريحٍ تقوم إله الرقود=يمكن يشابه عبق ما ستره زرارها
بجيدها لون الذهب ذاب والعينين سود=خادره والرمش طوله يزيد اخدارها
اسم برجٍ فيه عارضتها سعد السعود=وثور اسم برجٍ بنجمه خلص مشوارها

المشاركة الأصلية كتبت بواسطة ريم الفلا (المشاركة 505905) لازم اشاكسكم ي أحزاب شوي ______________________________ عقب اجتماع العاصفه و المدمّر في سجن واحد يالله انّك تمنّـــا تحالفوا و الكل منهم تــــذمّـــر في وسط سجن و كل منهم تعنّا يبون منّا نجيب شاهي مجمّــر ويبون ندفيهم بنارٍ تسنّا و حنا عليهم من زمان نتومّر حنا ليا من عوّد العلم حنّا

صح لسانك ريم,ماقصر الهواوي,مجاراة راائعه
لكن شوفي,العاصفه وصلت القمه بلا منافس
بسطنا نفوذنا واستوينا على عرش الابدااع وكسبناه:smile:
لذلك معشر الاحزاب خلونا نتحالف افضل ونقلبها شعر عذب
والا قصه وقصيده خاصه بنا يـ اهل الرواسي
وهكذا,وانتم بصركم:smile:
ترى السلام والاستسلام افضل لكم
والا رجعنا للحرب وقصفناكم من جديد
اللهم اني بلغت اللهم فـ اشهد:smile:

يالسجن لو بك تهيالي اربع واربعه=مبدعين وخمسه وخمس يهوون القصيد
ما باقوللك موتر ابوك حيل مقربعه=بل ابا اسليك يالسجن عذبات النشيد
من كتب اسمه بطابع وبالقلب اطبعه=ومتلابه خافقي ما يبي غيره مزيد
راح واقفت فيه سود الليالي واتبعه=من يبيه وكنت اعذله ولكنه عنيد