|
يسعد ظهيرتكم وصحت السنتكم (:
ماشاء الله عليكم مبدعين شرايكم تنقلون الموضوع لقسم النقد عشان يستفاد منه اكثر (: |
تسليه
لا تقول اني ذكرت .. ولا تقول اني نسيت كيف يعني يذكرك .. انسان لحظه مانساك ادري اني صدق احبك .. وادري انك مادريت اني حتى ضد نفسي ... صرت ياعمري معاك لو اقول اشكثر احبك ! ما تصدق لو حكيت داااام حبي فووق والله مستواي ومستواك (كل حرف ٍ لك كتبت ) و (كل حرف ٍ لي قريت) (في شي ٍ من عناي) و(فيه شي ٍ من غلاك) في غيابك ... ياحبيبي ياكثر ماقلت لييت وياكثر ما قيييل عني في غيابك وش بلاك مو مهم اللي جرى لي... المهم انك رضيت دام يزعلني زعلّك ... ودام يرضيني رضاك انت دمع ٍ في عيوني .. مابكيته لو بكيت وانت كل اللي كتبته ... وانا بس اللي قراك وانت درب ٍ من بديته في حياتي منتهيت وانت تعني لي بهالدينا نجاتي والهلاك جيتك أتأسف حبيبي .. وأعترف اني خطيت جيتك اسبق لهفة اشواقي ويسبقني غلاك وانا مدري ( شلت قلبي لك) بعدعمري وجييت والا ( قلبي شالني لك) يابعد عمري وجاك جيت اقول ( اني احبك) شفت عينك استحيت في عيونك قدرة الله . واشهد أن الله عطاك لا تقول اني ذكرت ولا تقول اني نسيت دام قلبي ماذكرك .... ودام قلبي مانساك راقت لي |
مساء الورد
دام ابداعكم وحضوركم لاهنتوا غيابك الله يمحقه لايعيده لازاد زاد الجرح اتساعه جاعت عيوني شوفتك ياعنيده ماترحمين الي بلتها المجاعه غبتي وسميتك قريبه بعيده والعين تحسد خافقي عالقناعه |
العين صارت بالدموع تلالي
لين استوت من تحتها ماريه والبال مشغول وزاد اشغالي سارح ولاكن به عرب حوليه |
العفو ياريم ولاهنتي وأتحفينا بجديدك الشيق! أهلا يابو عبيد صح لسانك أنا قايل لك في موضوع ريم الله يذكره بالخير (وهل لقلمك مثيل مع شاعر رقم 4) أن الشعر الفصيح والنبطي سِيَّان في أمور) ولعلي أنسخ اللقاء وأنسقه في قسم النقد وهذي من بركات ريم! أبو فيصل صح لسانك يالأمير قصايدك واجد انسخ لنا منها لاتعاين فينا حنا مُقلين! السجين ليتكم ماسجنتوه ماله أثر حتى بصح لسانك يادافع البلا! |
الأخوات رحيل والملكة والمهرة لاهنتن على التفاعل يارائعات يارحيل أنا نسيت البيتين تو ذكرته يوم شفت اسمك لكن تصرفي يارائعة |
ابو احمد ارسل لي ابيات جميله شكله يتشره وماهيب له عاده
ابو احمد حربي صدبقي وزميلي وابناخي لنا وله حق بس والله اني مكلمه ومرسل له مراسيل ورديت عليه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــ يامرحبا ما زغتن الرعابيب=بحفلة زفاف ونقضن الجدايل ترحيبةٍ يفوح منها شذا طيب=ومطرزه باجمل ورود الخمايل بابن هليل ما تذعذع هباهيب=وما لاح برق وهل وبل المخايل ياشيخ واللي يعلم السر والغيب=قدرك بقلب اللي يحاكيك هايل من امس اتلفن ما اسمع لصوتي امجيب=وبالواتس ما استقبلت منكم رسايل وانت تعرفني دون شكٍ ولا ريب=ويكفيك خبرك بي ولانيب قايل |
ابو فيصل صح الله لسانك وفكرك ابيات فائقة الجمال ولاغرابه بس ليه بالقطاره
رحيل وابوك منين جبتي هالتصالي الله يحفظك اهلا يالمهره رائعه هالتسالي بارك الله فيك ارحب يالناقد لاتثقل علينا بالحيل تونا تحت التدريب ماوصلنا هالمواصيل مجرد مقادا حكي هههههههههههههههههههههههههه ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ يا اهل المدمر زعيم حزيبكم دوروه=في وسمه اللي نعرف او وسمه المستعار ياما سقوه بقهاويهم وياما اطعموه=وفي غفلةٍ من خفير السجن بالليل نار يالمعتقل من يلوم اللي جفوه ورموه=يوم اكبرو بالجفا جزو وصال الصغار وقعه مروع ولا ينلام لو ردد اوووه=اول سنه يونس بوسط المحاديب نار بعد الصفا والوفا منهم ومنه/ اقطعوه=بسلم المواليف هذا الفعل عار وشنار هام بهواهم وظنوا به هيام وكوووه=ياليتهم قبل كيه شاوروا مستشار |
| الساعة الآن 02:06 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir