|
ياربع ابو بندر وراه , حرمتين وورعان , اطلقو صراحه , وحطوني محله ’
|
اهلا يابو فيصل
اهلا يالخيال الا انت ان شاء الله مبروك ما انت اقشر وان بغيت تقول شي قله مادامني اجودي وانتبه ان الحيايا وان لانت ملامسها= عند التقلب في انيابها العطب وان بغيت تكفل ابو بندر بعد يومين لاباس والله يقويك ودوك هالتسليه لبو بندر ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ روح مع الدرب مجنب لو ربع ساعه=مشيك مناحر لخلي يطرد الضيقه النفس من عقب ليل فات ملتاعه=لي لازمٍ رحت له ماتم تحقيقه ماصار لي منه لايمكن توقاعه=حتى الشفر منه عوَّد ناشفِ ريقه يامدرج الحوم طمني عن اوضاعه=ان صار لك فوقهم ياطير تحليقه فرحت في شوفته وانكفت في راعه=صكات بقعا على خفاقي امويقه فرقاه يابن عوض الله مبتدا الضاعه=وفي سد وجهك اسلوب اللوم ما اطيقه |
اقتباس:
نفتك من سداح يجينا ابو عبيد امرنا لله وش عاد نسوي تبا لكم مليون يالعاصفيون=من يعترض للهيج ماترحمونه صحت الالسن جميع وصحت ابدانكم زعيمكم شايب وضالع ومجنون=ترامش عيونه وتبلص سنونه يضحك ولو انه من العام مغبون=ودوه لا اهل الطايف يعالجونه لا قامو الاجناب فينا يوطون=لحق على اللي عقبهم يتركونه خيال بيض الله وجهك ماوقف معي وقدر وضعي غير انت يالذيب |
مساالخير
صحت الالسن والاذواق ماشاء الله ابداع وجزاله يعطيكم العافيه مبروك السجن ياابو بندر ماعليك السجن للرجال اجلس فيه هههه خلك تفتك شوي من حريمك وورعاتك هههه |
بالهون ياللي تصخر القاف بالهون=سجن الرواسي ما به إلكم مهونه نبيكم ليا امسا مساكم تغنون=ولاودنا الطرقي كذا تكسحونه وافضالنا لاحاش له راعديون=شيخ المدمر ما قصرناه دونه به تصبحون ووسطه الربع يمسون=وليه عليكم من الاهي معونه |
ياهلا يابو فيصل الله يسلمك ويعافيك أنت وسداح والقارئ الكريم! أبو بندر لاواحليلك وأنت تزالم عيونك في السجن على قولتك ,رجالٍ جاينا ضيف وترد كفالته؟! لكن علمك الهواوي وأبشر بالتسالي يالقرم! أبو عبيد صح لسانك يالأمير دوما ,أبياتك الأخيرة رائعة ,وعز الله إنك حركت قلبي يوم قلت عليكم من الله معونة تعالى ربنا عز وجل! وتحية للجميع إخوة وأخوات! |
اقتباس:
طيب استلم من حزب الرعد يامدمري! خل المداحم يالحويشي لا تحرّش بالزمول=كم هاج قبلك شاعرٍ ثم عِقْبها راح امرقه النقد وضَّحْه الهواوي قال يازين الذلول=بس المدرعِم يَحْسِبِه من باب تجديد الثقه مانجلب التمر الحسا , كلَّا ولادار الرسول=ندري بسعره يختلف من منطقه لا منطقه ياصاحبي ترى الهدف ماهوب تسجيل الدخول=فالمنتدى من شان نَقْلبها طِلَاب ونقنقه كل الهدف من نقدنا صَف المعاني صَف لُول=يِخِيْطَهَا الشاعر على ديباجته واستبرقه وأنا تراني مااهتويت النقد لو عندي ميول=واليا اشتهيته أرسم أهدافه وأزَهِّب بندقه يمكن تكون أنت الهدف حتيش لو إنك زعول=انصبحِه عقب السَّحَر وآخر نهاره نَغْبقه |
الله الله
صح لسانكـ يابو محمد رد كايف مبدع قليله في حقكـ |
| الساعة الآن 05:34 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir