|
حتى الطريق اللي جهتكم يودي=يكع جيبي عنه ماعاد يعطيه ولاهوب ذا وده ولاهو بودي=يبين لي ما يضمره في تباطيه والسبه انت اللي بديت التحدي=وكبير قدره في تغليك واطيه ولاودي إلك اقول مذلاف جدي=ادمنت ارحب بك لكثرة تعاطيه واقول يمكن هالعواصف تهدي=ومد البحر يرجع وتهدا شواطيه ان كان ما عندك لما اوحيت ردي=راسي ومن فيك ابتلاني ما اوطيه واعرف ترا للصبر بالحب حدي=مهما بلغ تاقف بحده مواطيه |
^
^ الله الله يـ الهواوي راائعه راائعه,صح لسانك ودام الابدااع والمبدعين تقديري لـ هكذا شعر,’’ |
لوتعضين اصبعك في حد نابك=من مطيحك بالرعد والحظ غافي وعاصفتنا مع حزب حضرة جنابك=لو وصلتوا للقمر مابه تكافي حزبنا ياحزبنا كلٍ يهابك=المره بك وافيه والرجل وافي |
كفو كفو العاصفه:smile:
وصح لسانك يـ الزعيم لاهنت,’’ |
صح لسانك وبدنك شاعرتنا تعلمنا الابداع على ضفاف بحر ابداعك لاهنتي ودمتي وسلمتي
وخفي عن ريم لحالها ومسجونه وعاد وش تسوي نصيبها كذا هههههههههههههههههههههههههههههههه |
تسلم وصح بدنك شاعرنا وزعيمنا المبدع
ياكبدي لها والله اني ماقصرت ياما نصحتها بس طاحت ماسمي عليها وتبشر بالتسالي وسعة الصدر, مهما تكابر كل شيء واضح حزبها منتهي الله يردها للصواب وحنا فاتحين الباب لاستقبال سمحة الجناب:smile: |
زوار ياريمه وجينا نسليك=ان عفتي المعروض جبنا تسالي من حبنالك سامرينٍ حواليك=قاف انتجاوز به وقاف ارتجالي خبرك بحزب العاصفه طبعنا هيك=رفبقنا نقلب له المر حالي واشوى العرب رحيل يمكن تقهويك=اشوفها مرت ومعها الدلالي والا كبار شيوخ ربعك مماليك=للعب البلوت ونصرهم والهلالي وهي هكذا الدنيا تقلب دواليك=مره تحط ونوب في راس عالي |
لاعدمتكم ياخصمي اللدود ههههههه
حتيش لوني لحالي شاعرة نجد صح لسانك البقا يا شاعره فأول جوابك و الدعاوي هينه و الستر ضافي حزبي مجمل و حزبك عن غيابك ما درا و اللي حصل فالوقت كافي عارفه حزبي بجزل الشعر صابك و الهواوي منهم يعود خلافي زادكم ما ابغاه لو كان متشابك و التسالي من جهة حزبك تعافي شعركم ما نظلمه بادع و سابك مستواه اللي وصل عنده خرافي ابتدى فيك التفرد و انتهابك لين صرتي للشعر مثل المرافي و طابت اوقاتك و دق الخير بابك والله اللي يعلم بكل الخوافي |
| الساعة الآن 03:13 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir