شبكة رواسي نجد الأدبية - هنا .. سجن القوافي !!

النجلاء
الله يبارك فيك ولا ندمتي
وبشري بالحذيه ابي ارسلك ارنب مع النقل الجماعي هههه

الملكه الله يبارك فيك وما يحتاج حزب الرعد ماله منافس هههه

ابو عبيد ريم الفلاء
صحت السنتكم
وحي الله الجميع

الناقد/عبدالله الروقي

19-10-2017 05:12 PM

اقتباس:

المشاركة الأصلية كتبت بواسطة عبدالله الدّنّيش (المشاركة 502582)

^^
عبدالله الروقي نعايبه بالفقد = لكن حضوره بين فينة وفينه

&
صح لسانك الهواوي والمشكلة لا قلت ناقدك فينه .. إستفهام إستنكاري؟؟!!
نرحب بك وبالناقد عبدالله وعسى ظروفه تسمح له بالتواجد بين فينة وفينه ولا نقول فينه
وياليت يتحفنا بلمحاته النقدية فكلنا شغوفون بإضاآءته الفنية ،،

يامراحب يابو عامر والحقيقة تو شفت ردك
وصح لسانك دومًا ودام إبداعك يالقرم
وإن شاء الله نتواجد ولاهنت على اهتمامك وأبشر بما يرضيك!

الناقد/عبدالله الروقي

19-10-2017 05:15 PM

اقتباس:

المشاركة الأصلية كتبت بواسطة محمد الـفراج (المشاركة 502763)

ارحب ارحب يالناقد
لا ندمت يابو محمد

والهواوي ودي ازعله ولله يكفينا شره هههه

الله يبقيك يابو فيصل ولاهنت يالأمير
أتحفنا بجديدك وونسنا بأعذب الشعر بعد هالغياب

الناقد/عبدالله الروقي

19-10-2017 05:22 PM

اقتباس:

المشاركة الأصلية كتبت بواسطة ريم الفلا (المشاركة 502767)

يالناقد السجن للابداع يا مبدع
وراك ما عاد تكتب بيت يا ناقد

اصدع بصوت الجزاله يالزعيم اصدع
قدام ناصر يقول المنسجن راقد

تسلية على عجاله وقت البريك (:

أهلا بالشاعرة المبدعة صح لسانك ملايين
وراك ما عاد تكتب بيت يا ناقد!
إن شاء الله الليلة أكتب الكفالة كان رجعت بدري
الليلة مرتبطين في عشاء أنا وأبو عبيد وبكرة كذلك
لكن ييسرها الله وأنزلها قريبًا!
وأنتِ أتحفينا بالتسالي الفاخرة كما عودتينا

الناقد/عبدالله الروقي

19-10-2017 05:26 PM

اقتباس:

المشاركة الأصلية كتبت بواسطة ناصر الهواوي (المشاركة 502772)

ابو فيصل وش عرفك اني ما اهجد الارنب هههههههههههههههههههههههههههههههههههه
شاعرة نجد مابالابداع شك الا انكي تعديتيه في هالدره صح لسانك
العوفي صح لسانك وحييت
اهلا ياغشام عليِّ الملازيم ان قد صليت عليك صلاة الغايب ههههههههههههههههههههههه
اهلا ياريم على رايكم لو فيه شمس بدن امس ههههههههههههههههههههههههههههههه
الناقد هلابك بس انا طالبك ان تفكونا الليله من الاستمراريه ماودي بكثرة الارتباطات
تعينو لبو بندر لايصير عقب الفراج على ام درمان هههههههههههههههههههههههه
خيال مطير صح نقلك ولاهنت بس اشوفك متحشد ولا اعرف السبب هههههههههههههههههههههه

أبشر يابو عبيد أبشر اعتبرها انتهت
وصح لسانك على الإبداع الفياض

ناصر الهواوي

19-10-2017 05:36 PM

تواجد رواعد هالمسا غير ما مسبوق=وغياب الرواعد ما فرق عن تواجدهم
بقول الزعيم لمحتذيه العطا خرنوق=يحسب المجاعه للخزز منه حدتهم
وللحديث بقيه

ريم الفلا

19-10-2017 07:07 PM

تسلية الخميس الونيس ومجاراه لشاعرنا ناصر

مبدع بنظم الشعر كله بتعميم
و خص الغزل شعرك تميز فروقه

تعيش لذة ماضي العمر و تهيم
فاللي سرق قلبك من اقصى خفوقه

و تسجع عليه من القصايد تقاسيم
و تنشد عنه ما بين برقا و روقه

الذكريات احيان نوعٍ من الظيم
تجيب شي الادمي ما يطوقه

و ديرة وليفك جعلها للمرازيم
اللي من القبله صدوقه حقوقه

و تلقى من تحبه ليا عقبه ديم
يلعب مع الوادي و يومي بطوقه

النجلاء

19-10-2017 07:24 PM

اقتباس:

المشاركة الأصلية كتبت بواسطة محمد الـفراج (المشاركة 502803)

تبشر بالجنه يابو فيصل
الارانب مضيقه علينا من كثرها انا ابي من الغزلان ههههه

الساعة الآن 04:56 PM بتوقيت السعودية

صفحة 1849 من 4837