![]() |
اشتقت له ب الأمس واليوم مشتاق
وكل ماذكرته يزيد اشتياقي غلاه عندي عن غلا كل البشر فاق مهما ابتعد مكانه داخل اعماقي |
|
اثر نعمة النسيان ما تنتقيم بالذهب
في حالات لو تنباع بفلوس لشريها الذكرى كف الله شرها تنهب السلوه نهب وتقفي وخافق من طرت له يباريها يحاول مخاواها وترميه في مهب ريح الشوق يسري به من الوجد ساريها |
يامل عين عليها من زمان اهل الهوى ميل
تسهر من اسباب غروا شاقها واليأس دونه دونه حوادي صعاب معقده بالحيل بالحيـل ظرف الزمان الذي دون الغضي ياقو كونه |
لمشاركات الخفير اقول انا ياليل ياعين
والجوهره ما تجيبه رايع ويشجي هجوسي والشاعره ما سمعنا صوتها وايضا نهر وين والظاهر ان السجن من غقبهم حظه مسوس |
|
سجل حضورك بــ بيت من الشعر بفتح العين او بكسرها هههههههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــ اقول انا اللي صار عندي قناعه والظاهر ان الغير بالمثل قنعان ان الأماني ما اهي اربح بضاعه ومن حطها له مال خايب وخسران قلبك بثلج الصبر برِّد اوجاعه ان كان من جمر الجفا القلب وجعان الفكر لا تعطيه سمعٍ وطاعه لو حاول الرجعه الى كان ما كان وقاف الغزل مادام ما اثبت نجاعه خله مهف مقيط ورشاه يا فلان واجعل بتفكيرك ركود ووقاعه ترى التسرع ينطلق معه شيطان |
هم يحسبون المسأله كلها سلك
إذا انقطع تقطع معاه المسالك ما دروا إني بالإحساس أبادلك مو شرط أشوفك وأسألك كيف حالك ! أحس بك لو كنت ماني مقابلك وتحس بي و لو كنت ماني قبالك .. تدري وش اللي بس يقطع وصلك الموت بس الموت.. يقطع وصالك |
|
العام انا اقول وانته تسمع لقولي
واليوم ماعندى ولازول يسمعني |
العام انا اقول وانته تسمع لقولي
واليوم ماعندى ولازول يسمعني |
ياصاحبي مال المشاريه داعي
قدام تفرض شرهتك شم يمناك مشاعري ماهيب نقل جماعي أجمع بها حكيك واسوي سواياك العام قلت انك طويل الذراعي واليوم أبسحب كلمتي واتحداك دافعت عنك ولا نفعني دفاعي وسويت لك قيمة وكبرت مركاك |
كثرت حكاياكم عن العام والعام
وما فات مات وش تقولون بكره تزعجني طيوفٍ لها بنومي إلمام حيث انها تجيب ما احب واكره الجفن عن نومه لتاثيرها شام وافتر لفلام الهواجيس مكره بخصله وسلسال ومعه قلب وزمام ومنتوق جيد وعين من غِز وكره وباقي بويتٍ بايمن الدرب منهال عادي// ولكن لي ابــ باقيه فكره لقلبي قبل رجلي قبل فيه مدهال للعين به زوغه وللفكر سكره الهجس يلقى في طواريفه إلهام وعنده يقلط لي من الضيق حكره وبسسسسسسسس |
يالعذب قل ما ودك اتقول في سرع
اشوف باقوالك هــ الايام رقه تستاهل البيرق وتستاهل الدرع وما فوق مبدع من لقب تستحقه |
لابد ارش القلب لايهايف الزرع
حتى الثمر ياخذ من الماي حقه امشي على القانون وامشي على الشرع من خوف لا يلحق خفوقي مشقه عذب |
صح لسآنك مديرناا
وصح لسآنك شآعرناا الهوآوي وشآعرنااا العذب ويعطيكم العآفيه |
يوم انت يا هجسي بقيفانها برع
ماش العذب لو كاد بالحيل طرقه شفت السحاب اللي لمع بارقه فرع والوادي اللي شاقني صوت ورقه وردتني الذكرى لعصري وانا ورع وبمقارنه باليوم جا في شرقه وللحديث بقيه |
|
اثر الحديقه تشرح الصدر ياسعود حتى لو اجلس كل يومي لحالي بالذات لـ صار السماا غيم ورعود وجبت الحطب فيها وصفر الدلالي وشبيت ضو وجت على الكيف والمود لو خاطري ماهو من الهم خالي |
ترتاح صدق ونوب الغصب ترتاح
امحق ليا صارت بالاكراه راحه للطير في وسط القفص صوت وصياح ويطربك تغريده ليا اِطْلِق سراحه لا ياس لكن كل ما يعجبك راح وجه الليال السود ما به سماحه |
استعن بـ الله ، تشوف الدرب قدامك وسيع :
الله اللي … ( قادر بـ ليلك يسخر لك .… قمر ) ! و خل خيط الوصل بين العالم و بينك رفيع : ما تعرف اليا انقطع بكرا .. ( يدخلك بـ جدر ) ! لا تخوّن بس حرّص .. ( لا تسر سير القطيع ) : اعطهم وجهك ( سلام ) و لا تلقيهم ... ظهر ! و انتبه مليون مره تفشي ( السر ) … و تذيع : سرك اولى فيه صدرك ( بيرهم مملي غدر ) ! التحف ( صمتك ) ترى داخل ( سوالفهم صقيع ) : و لا تثق في شكل مُطلق ( خوّن فـ موضع شبر ) ! و لجل تأمن خطوتك حاسب و لا تمشي سريع : ( ما خبرت اللي على مهله مشى .. صابه كسر ) ! |
ياسلام الله على كل الحظور
ويا سلام الله سلام الله علي يارواسي لو تبادلني الشعور حبك بقلبي مثل حبي هلي |
تموت بداخلي خيبة مشاريهي على الأحباب
ولا شافوا سوى وجهٍ سموح .. وبسمة محيّا |
في ضايع الوقت شدتني بيوت القصيد
ومنها انفتح كل قفلٍ صار فيه انغلاق من القريحه وهاجوسي يقول المزيد حيث انها تعتبر بصمة حضور الرفاق |
|
العمر غفوه طويله و النعَم ما تدوم
واَحوال الانسان ما تبقى على حالها . الايام تمضي مضي البرق بين الغيوم وش يمهل اعمارنا لا حانت آجالها . يالله بـ قـلبٍ سليم بـ يوم مافيه نوم في ساعةٍ يغفل الجاهل عن اهوالها . للنفس حاجات لو يبقى من العمر يوم " يموت الانسان يطردها ولا .. نالها " |
|
إييه ماندري وش اللي نبندي به
كل شي نشوف له فينا اولويه ذا نقوا القلب وان راح يغدي به وذا نوي القلب دايم من نويه لو تصبرنا الفراق اكبر مصيبه لحظة حدوثه لها صدمه قويه |
الحظيظ اللي يشوفك كل حزة
سعد عينه يوم وجهك له تهيّا . |
إذا انتصرت أصير للنصر تذكار
وإذا أنهزمت أرفع مقام الهزيمة . |
لا تعتذر مادام هذا قرارك
عن اقتناع وكن ماشي يعنيك وبك طالت النجعه رغم قرب دارك وعجزت رجاوينا تحنن معاليك على خفوقٍ ذاب من حر نارك بالرخص بيع وبالغلا كان شاريك لك ما استجد نقول جعله مبارك منك ابتدا ونهايته عادت ايليك |
|
للورى عِد بتفكيرك شوي
لا تطول رجوعك للورى وتجرح القلب في ما كان سي لقولة الذاكره هو ما ترى |
شايبٍ في جمجمة رأسي رزين
مايدانيّ ورعٍ في جُوفي شقيّ |
|
صح لسانك يالعذب
ــــــــــــــــــــــــــــــــــــــــــــــــــ ــــــــــــ يالقلب لو لك قيل هاليوم كيف انت واجابتك جت موجبه قلت كذاب عطهم حقيقة واقعك صح لاهنت بالصدق قنِّع ناشدك واقفل الباب مع الزمان اللي قسا ليه له لنت وعزيمتك خارت بعد فتل الاشناب يومٍ هدم يوم اللقاء فيه لا كنت القاف شاب وعارض الهجر ما شاب |
الهواوي صح بدنك وتسلم ولا عليك زود شاكرلك الاعجاب والاشادة لك كل التحايا
|
بدوٍ حفايا ما انصفتنا المقاسيم
وبصدورنا عزٍّ تطارخ فحيحه نرعى رفيق البرق في ساقة الغيم ومن يستبيح حدودنا مانبيحه |
ادور انا وانت مثل السبت والجمعه
يا قربنا والصحيح انّا بعيديني |
|
الساعة الآن 02:09 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir