|
يامن يراعيني بعينه واراعيه في عيون قلبي كل مالاح زوله... يفز قلبي لا تبــدت موالــيه واغض عنه الطرف والناس حوله اقعد معه في الناس مااقدر احاكيه اخشى لساني يختلف في مقوله نجديه |
روعه يالخيال
|
|
جميل جدا
ــــــــــــــــــــــــــــــــ يا همسةٍ عذبه لها خافقي فز بعد البطا تزن بإذني غريبه لها الكيان ارتج بالحيل واهتز وعوى لها من داخل الصدر ذيبه علي منها كل ما قد مضى عز والحال يرثى له ونفسي كئيبه ياعين حرٍ شاف من ماكره وز منهن عشا فرخه مقرر يجيبه وياجيد خشفٍ بالنفيد يقمز بالخشم شم وشاف بالعين ريبه قطعت بس الطيف في خاطري حز بنومي يجي واقول ياطيب طيبه |
صبرت صبرٍ صابني منه وسواس
صبرٍ له النفس العزيزه ذليله على وليفٍ حال من دونه الياس و الياس طبٍّ للقلوب العليله من يتبع المقفي مردّه بالافلاس مثل الذي بالقيض يدفق صميله - اللوح ، عبدالله بن لويحان رحمه الله |
ياذالقلم لا تقول وش ودك اكتب
ما ينقله هجسي من الفكر اوده اسمع ونسق ما يجي لك ورتب مالاق واللي مالك يلوق عده مترجم انت لملهم الشعر ما انت بــ شاكي ولا مشكي ولا كنت قده |
اي والله
ــــــــــــــــــــــــــــــــــ ياذا الجريد اللي تمايل مع الهواء وكن الجريده ذي تناجي ذيك تدني سعفها من سعف ذيك بــ التوى ولا اسعدتني في همسةٍ من فيك من جد ما عندك لمن يشتكي دواء حاول وحاول قبل لا يعديك بعلةٍ منها بعد راحو اكتوى بنار الفراق ولا احد يداويك قل للعصافير ان صوت ما لكن لوى وصح للحمام الراعبي يجيك عله بسجعه يطفي الـ جمرة النوى ويمسك بها رجف الفواد بريك |
|
اثر ما اشغل الجوال طول الزمان الا انت
وهــ الحين يا عله يدندن ويا ليته وياليتك تعاود عادتك مثل ما فد كنت ترا شاشته من بعدكم تعتبر ميته الا يا زمنا الزين لو كان بعده شنت لو انك فزعت وكل موذي تلاشيته وبس ههههههههه |
الى هالساع يعني ما حضر بعدي احد
لكتي حضرت ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ وادي مفيضه شرق له جد مشتاق شوق الوطا المجدب لوبل السحابه مالت غصون الطلح من ثقل الاوراق شكله بعد قام الحمى صار غابه اجيه واغرق في هواجيسي اغراق واعود لعهود الصبا والصبابه لو ما جمل لي في حدوده ولا ناق ولا باقيٍ لي بالمدينه قرابه سابق عصر بي موثقٍ قيده اوثاق بجذع سلمه بيدين حضرة جنابه وبعد رحل ما ارسل مواسي ولا واق على الربيط ولا ادرجه في حسابه وين اللذي يقرا مكانين الاوراق ويفزع لمن ما جابت الورق جابه ــــــــــــــــــــــــــــــــــــــــــــــــــ ـــــــــــــــــــــــــــــــــــــــ ـتوقيع حضور |
دفتر حضور ولا استجدت تواقيع
لافوا ورقك وبدلوها ابــ بصمه النفس عذفه والمشاعر مواجيع وعلى جبينك من جفا الناس وصمه |
|
خف النخل من بعد جدوا عذوقه
لكن صدري فيه ثقله ولا خف تشكي بعد زاد خفقانه عروقه من رجفه الحدب الرهايف تراجف لــ شافته يبي المغادر تعوقه تقول له ممنوع يا سيدنا قف ماعاد له في فقد الاحباب طوقه تقول مصفوقٍ على الخد بالكف مساه ينفخ جمرة الوجد شوقه لصبحٍ اشوى من مساه يتلهف ــــــــــــــــــــــــــــــــــــــــــــــــ وبسك هههههههه |
كل ما دار الهوى شرقي وهب … رجّع بطيب الثرى عبقٍ عليل وان تصلّب بالشمالي أو غرب … فاح بن واقحوان وشاع هيل يرفل البلبل بجنحانه طرب … والنخيل يهزها الشوق وتميل يا نخيل الخير يا فخر العرب … والزمان اللي عطا مجد ونخيل يا ملاذ قلوبنا وقت التعب … يا ذرانا يا دفانا والظليل من جريدك غارت بيوت القصب … وازفنت شمس الضحى عرش المقيل |
|
ر
ـــــــــــــــــــــــــــــــــــ لك ما تجي رائعه لا صار مالك مزاج ما تعجب المستمع/ ما تروي الذايقه لكن مالك طرا حطه وسط حِق عاج وبسبَّع الارض لا تلمح لها وايقه يغث شين الفهم والحمق ماله علاج من ذا وذا عن شدادك بت علايقه حتى ترا ان الدعاوي صار فيها انفراج ومشاعرك والقريحه للطرب رايقه |
بحر الغرام الي بقلبي تلاطم
يلعب باحاسيس الغلا مثل الأمواج مشاعر بن المحاني تزاحم وش حيلتي والشوق في داخلي هاج يامركب العشاق والقلب هايم سلم على الي بالهوى طب وعلاج بوحي |
صخ لسانك يالعذب على الكلام العذب
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ ـاسمع ويا ما لي سمعت وما فهمت اللي نويت الى متى والى متى والطق بالميت حرام مالك تهيا ما تريد ولا حصل لي ما بغيت مالك وما للبهذله وماللمغربل والغرام ان جيت اسلي خاطري نوح الحمامه والبويت هو ردني للي مضى وهي حركت في الهيام ولحديث ذو شجون |
تسلم يالهواوي وصح بدنك ولسانك كلام جميل في غاية الروعة ولا يستغرب الابداع من اهل الابداع تحياتي واعجابي
|
والله ان الوضع ماهو معك مثل الاول
حاضر ولاكن ما انته مثل الاول حاظر المـشـاعـر ماتـحـب اللـي لاغـاب يطـول عشقهااللي مايغيب عن النظر والناظر |
|
شآعرنا عذب
شآعرنا الهوآوي مديرنااااا أبدعتو صحت الالسن ودآم الحضور والابدآع |
مساء الخير على الجميع
|
مساااااا كككك مســــــــــــــــكـ .. ابوبندر صحتـــــ الســـــــــــــــــــــــــــــــــــــنتكم جميع
|
مساء الخير مساء الورد يافله مساء الليل وريح الهيل مع الكادي مساء النور تموج بحور من طله مساء المسك وريح العود والأوركادي مساء الورد بكل انواعهن كله مساء الطفل إذا لأمه غدى ينادي |
ما بقت للي سبقنا.....ذا الكلام مقوَّل
وانت عارف ما تعرَّف يالمدير الناظر الليالي كل ما افتر الزمان تهول يبلش بتوضيحها للحاضرين ءمحاضر |
الشوق والوصل من بعد الغياب الطويل
بردني في مكان أغلى من الامكنه |
|
كل ما حاولت تركيد الخفوق شويه
رقق العذب القوافي له وزاد ارجافه وذكّْره في طلته وعيونه الخمريه كنه قباله لو انه له سنه ما شافه |
يارجال الرواسي وينكم غايبين
ارجعو رجعتي واحيو السنين القدام حلوها الذكريات اللي من أربع سنين يوم كان الوصل دايم ولله الدوام |
ابي ردك لو سألتك ما يجيني سالب
الردود اللي تجي مني لك ايجابيه ذا طلب واحد وانا مازلت منك اطالب ولك بتلبية المطالب كامل الحريه |
|
من كثر مايشرد بي الفكر واروح
أعيش غربه موحشه بين ناسي ظروف وصْدوف ومتاهات وجروح واشيلها بسكات من فوق راسي |
قلت نامت رجلي اليمنى وقالوا من لك طاري
قلت هو / لو ذا صحيح ان كان دايم نيمه |
يارواسي نجد وان الشعر عندي كثير
مير بعض احيان مالي على عده طراه |
هات ماعندك تراء الوضع من مبطي خطير
لا يهف من البطاء هفت مقيط ورشااه |
|
احبه وادري ان سلطة الحب جباره
تجيه العرب صاحين وتروح منهبله |
|
تعوذ من الشيطان والنفس الأماره
وسحاب القصيد العذب لا ينقطع وبله على قولة القصمان هاجسك وش كاره؟ اطربنا وحفزنا على ط5ة الطبله |
| الساعة الآن 01:59 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir