|
تعال عندي . . أبيك بـ سالفة قرّب
بعلّمك وش يسر القلب ويضره . . الحب تدري وشنهو ( إسأل مجرّب ) الحب قهوة بدو .. حلوة وهي مرة ! إتبع ( حبيبك ) بـ حبّه شرق وغرب ! قلوب الأحباب .. مملوكة وهي حرة إن خَرّب الكون ، خلك مثله وخّرِب حلاوة الحب مرة . . والعمر مرة ــــــــــــــــــــــــــــــــــــــــــــــــــ ـــــــ من مشاركات النجلاء الله يذكرها بالخير ويردها لنا |
مداعبه للعذب وش لك بغبات المحيطات يالعذب كم راح فيها يا ابيض الوجه سباح كم هز موجه مركب الحب وانكب والحب راح ومن على مركبه راح موج بحره لو هو صدق يوم يكذب بمده وجزره فرحه يعود اتراح لريع ابا اسلم كم كما حضرتك ذب وهو كان ظنه بالهوى لعب وامزاح اونس لهيبه بين حدب اضلعه شب وما كان في راسه قبل يونسه طاح تسلم اخوي الهواوي على هالمداعبة الجميلة كما عهدناك اخوي ناصر شاعر متمكن ومافيك حيلة لكن خلها على طمام المرحوم هههههه من خاطره في شي لزم يتسبب وحبل السبب في يديه من وين ماراح والعذب لوانه بوسط البحر طب فاعرف تراه لصفق الأمواج نطاح يسعى لقصده ومتوكل على الرب لعل في قاع البحر يلقى الارباح عذب |
صح الله لسانك يالعذب ولا هان راسك وكفو ثم كفو
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ |
ياقلب هف اللي بقي فيه واكفه
لو ساخن ابــ يبرد ولو بارد احتر مقبلك من مالك مضى اقل واتفه ما بينهن ياصلك به حبله ابتر فلوٍ ربى ما بينكم قرب حتفه يوم العلاقه زاد فيها التوتر |
امس العصر طرا على القلب طاري
ودقيت سلف اللي على جبهته صح وحي لي انه واقفٍ بانتظاري عقلي رفض والعاطفه رايها رح وحركت والمكتوب لابد جاري وحاولت اشيل الصوت والحلق منبح وكل البلد خليتها في يساري ما بين ازور ولا ما ازور اتمرجح واندشت ما عاد الامر بــ اختياري وصار الخلل فيني قبل ما آصل اوضح من هو يدل المنجم بالنهاري ذا قول بخوته واثر قولها صح ومن حيث جيت ارجع قوي انبهاري وكل العروق من المطمه تنادح ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ حقيقه وبس هههههههههههههههه |
ذليت يخصم علي وقلت ابا اسجل حضوري
واوسع الخاطر المشحون والمطعون بـــ ـابيات دام العذب قبل اجي ما قال يارجال دوري وانا قد اخذت عنه الدور في ما فات مرات يا هاجسي كان طعت اليوم قبل تقول شوري جنب عن والوادي وذكره ونجم سهيل بالذات والا الجبل كم معه زانت بهالماضي اوموري لي صحبةٍ معه وحكايات بسنينٍ قديمات يغار نبت الخزامى لو تمشى فيه جوري ولا زلت ارا فيه لو مريته رسوم وعلامات |
ياسلام الله سلام يشرح الخاطر وفوري
من هجوس كل مافيها بيوت صاملات والعميل اللي مثل شرواك نحضرله ضروري القرب فيها ملاها والركايب زاهبات عذب |
يافاقدين أحبابكم وش تسوون
لا مدت الذكرى الحزينه يديها كيف نتجاوز حزننا ماتعرفون ؟ بعض الطواري موجعه مانبيها دايم على بال المواجع يمرون مافيه ضحكه مالهم صوت فيها ، ياليتهم عن ضيقه الفقد يدرون ودروبهم وشلون دايم نجيها من كثر ماصاروا على البال يطرون حتى خطاياهم ولهنا عليهّا . |
هزها ماهزها والقاف غنّى
والمشاعر كلها جابت واجابت إينعم ماجاا لنجد اللي تمنى لو تسلت بالشعر والنفس طابت |
|
مرحبا ترحيبةٍ عطورها كادي وجوري
الجمر يشعم لهيبه والدلال مهيلات قل مرادك مستحيل اقول في لازمك سوري(آسف) المزاهب باللوازم يالعميل مكملات |
هذا وذاك او ذلك العلم سيان
كل الثلاثه فيهن القصد مجهول قسا الزمن معه قسا القلب ما لان ولا تحقق معه ما كان مامول |
توجع الطعنات لاجت من قراب
في صميم القلب طعنات القريب اشهد ان الوقت له مخلب وناب تبطي جروحه بقلبك ماتطيب |
الله لقلبٍ من سنه ما بقى له
مِن مَن لهم يرتاح بالقرب لو زول بكثرة بشر لكن كنه لحاله ولا له بغير الله قوه ولا حول لا راح هم ارسل قبيله وجاء له وطواريٍ في راسه اتصول وتجول |
|
كم واحدٍ طحنا على شانه وراح
يكثرهم يوم اختفى النور اختفو يروح وليا صكته دنياه صاااح جانا يقول العذر منكم والعفو وحنا بعادتنا معااازيب الفلاح ننسى خطاهم واصلو ولا جفو الله خلقنا للهجاد وللصبااااح وفو عيال بليس ولا ماوفو . |
كفووووو شمووووخه
منووره ويسلم ذووقك |
متى يدري الجاهل ويستيقن المرتاب
وتقنع قلوبٍ ذا لها عام مرتابه شاب القاف واللي يكتبه دوك راسه شاب وتدمى اصبعه من كثر ما عضه بنابه للمرزم لهيب وبالصدر يحرقه ملهاب ياوجداه ملهاب الصدر فاق ملهابه لا واتس اب لا هاتف ولا حصله بسناب ما يهتم في من عنه ينشد ولا يابه شبهته بعد ما اقفى بملحٍ بماه وذاب لا الاجناب جابت عنه جابه ولا اقرابه ــــــــــــــــــــــــــــــــــــــــــــــــــ ـــــــــــــــــــــــ وبس ههههه |
اقتباس:
ويسلمك ربي ي روحي:) |
ياللي تقول ( السر في بير ) دارين
( البير هذي سر ) كل الدواهي ..! • الظاهر ان كل الجماعة متكين في قاعة البير > يتقهوون شاهي..! |
عن الناس أغيب شهور واطلع طلوع سهيل
عساها تباشربي مثل:ماتباشربه يازين السعه والبعد عن قوم قال وقيل وعن اللي لسانه يمنع الناس من قربه لسان البذي ماكنه الاّ لسان السيل يجيب الخفيف الساقط اللي على دربه |
روعه يالشامخه هالمقتطفات
بس وش حاشرهم يشربون الشاهي بالبير؟؟!! اكيد القشر هههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــ يا فكري اللي مرهقتك الهواجيس كم قيل وانا قلت لك لا تمادا تسعين بالميه لك يجيبه ابليس وعشره بقت معها الطواري تعادا لمشاعرك تحرق وتتلف لـ احاسيس والضغط تلعب به وتحرم رقادا واللي تحدا البرتقاله ولاميس ما اضحك بعاشور احزنك في جمادا بيس الغلا لو كان هذا غلا بيس بمشب ناره ما بقى الا الرمادا مير افترض ما صار كله وساويس اعقل بدرب العاطفه لا تمادا |
اهلين الهواوي..
ههههه اي والله القشر حاشرهم:) دايمه هالضحكه يارب .. وصح لسانك ابدعت كعادتك. |
اضحك تعجب عسى ضحكك سعاده وانشراحة صدر
يالشامخه يا عسى الرحمن سبحانه يزيدك شموخ لك عندنا يا زميلتنا العزيزة بالرواسي قدر مطنوخ سجن الرواسي لو تمرينه يزيده طنوخ |
صح لسانك الهواوي..
الله يسغدك ويرفع قدرك>>احرجتني ابشر على هالخشم ..وغيابي عن السجن مهوب كره والله.. لان له مكانته ولازم انتقي شيء يليق به.. لكنك اخونا العود وم نقدر نرفض لك طلب.. دُمت بخير |
هم يقولون عليه الشحم
وانا اقول عليه دهن عود كمبودي معنق وما فيه داعي للاحراج الله يهداتس واعتقد انك شاعره لانه على اقل تفدير من يعشق الشعر لابد ما ينوني بابيات ههههههههههههه |
بعد كتمه غصون الشجر والسعف تهتز
رقاق النسيم ينسن برفق ويهزه شرقيه وانا هجسي ليا نسنست له فز يفرح به مثل ما يفرح بصاحب يعزه عن مطلع سهيل العام يادوب ادزه دز ولذاك الجبل والوادى يحوص واكزه مربى من زها ريان عوده رقاق البز فديت الجبل وشعيبه وطلحه وبزه معزة سنينٍ روحت لو يدوم العز حاستها طناخة راس بنفيسته عزه |
كلن يشوف اني مقصر و غايب
وانا مقصر صدق .. مدري وش اقول خسرت ربع طيبين وقرايب أحبهم لكن مابي منهم الزول معي بلا عجزت عليه الطبايب يتكني وأنا ماعندي حلول عيت على صدري تهب الهبايب لا اداني الجمعة ولا اداني الضول ماكن لي بين الحبايب حبايب لو اضحك شوي اتعومس على طول اقرب وصف لي هالايام هالابيات.. نشوفكم على خير. |
ههههههههههه لاحول ولا قوة الا بالله
الله اسأل ان يشرح صدرك ويزيل همك ويشملنا جميعا بعفوه ورحمتهصح لسان شاعرها وذوق ناقلها جاز لي معناها وجاريتها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ هي هكذا الدنيا حظوظ ووهايب ما فات مات ومقبل الوقت مجهول ما راح لا تكثر عليه النحايب واتكل مقابيله على لطف ذي الطول رب العباد اللي يدير الهبايب بلياه ما للعبد قوه ولا حول لااحترت ما بالشور نقد ومعايب يمكن براي لما تمنيته اتنول |
يالعذب وش هالسكوت الحكي يا رجال ببلاش
خذ واعط معنا تراني معجب بقافٍ تقوله حلو القوافي تراها في مثابة دعم وانعاش من غير غرفة عنايه تنقذ النفس الملوله الفكر من كثرة التفكير في ماضيه منداش له في متاهة خيالاته ليا امسا الليل جوله كنت اتحيزم على جور الليال بصملة الجاش واليوم لامحزمي حولي وانا مانيب حوله |
مهب الهواء غربي وانا رغبتي شرق وجنوب
اقفِّي عن النسناس ما ابيه لو انه ندي تغر الاماني والمواعيد باغلبها كذوب يومن بي من سهيل اليماني الى نجم الجدي اعرف الحقيقه لكن اماشي الضبي اللعوب مثل ما يقول النادم اطرفت عيني في يدي عصر لي بعد كوب العسل من عصير الشري كوب ومع ذا ليا جيت ازهمه قلت وينك يابعدي انادي وانا بيني وبينه مسافه لها الموتر يجوب لساعات والرجلي شهر لو بتل يعدي عدي |
ممممممممممممممممم ههههه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــ خيال لو من بعض الاقوال جزنا ماء الوجه يا خيالنا ما دفقناه لو احتفظنا بالذي فيه فزنا وما ضاع منا يامعلم نسيناه ياما لما به يُرفَع الراس حزنا واللي يجي من بعدنا له ذخرناه وهي هكذا الايام فرحه وحزنا وآهـٍ بعد ضحكه وضحكه تعقب آااااهـ |
ودي يزاورني خيالك ليا نمت
وان صار,أنام الليل مع طول يومي مَـ دام مابه غير ذكراك لاقمت وطيور شوقي في سمايه تحومي ومَـ داام تأسرني ظروفي ومادمت مثلي ظروفك في ضحاها نجومي خل الخيال يْحاكي الروح في صمت يجمع شتاتي لاتردّت عْزومي.. |
|
ياسلام ياسلام
لله دركما //مبدعين مبدعين بلا منازع ــــــــــــــــــــــــــــــــــــــــــــــــــ ــــــــــــــــــــــــــ اكيد يحصل بالحودث تزامن بالوقت والمعنى وبالعرض والطول والسر ما احدٍ يعرفه وين كامن ويكثر به التخمين والظن والقول ولا فيه احد من سود الايام يامن لو هو شديد الباس ويصول ويجول خل اليسار وفي طرقك تيامن تراك عن نوضيح ما ابهمت مسؤول |
ناصر الهواوي بحجم الكون مشكور ولايكفون وتسلم على التواجد المميز والحضور الدائم لك كل التحايا مني على الاطراء والمديح
|
تسلم لكن انا ما اجامل اقول الحقيقه
سؤال احيان يغدي هـ القسم وين القاه؟؟ ههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــ اليوم شرقي الهواء بارد وصلف يهز لدنات الجريد ابــ صلافه يشجي فوادٍ كن به تغرز الشلف ما اخطن صميمه طاعنه به وذافه من له يراعي بعد ما لافه الولف يا وجد حاله كبف قرر ولافه رماه رمية محترف لاعب القلف يبي الذهبيه بطول المسافه |
رسالة الجوال تشرح لك الحال
كنْها تجاوب عن سؤالٍ طرحته طرحته بنفسي من البال عـ البال واضح وانا في ذمتي ماشرحته أحتال في قلبي وانا كنت مـ احتال ياما وياما غصب عني جرحته,’ |
اوكد حضوري والا انا من زمان هني
في بيتين والا قي ثلاثه ان امداني وين البلسم؟ يداوي جريحٍ بقلبي ني كلش بلطمه حتى الشبه فيه/ واوذاني انا اسرج خيول القاف لا امسيت واعني واتعبت الهجوس وطاري الولف عناني اسأل نفسي بنفسي عسا ما بدر مني ما كان السبب للهجر وأحلِّف لساني |
شيبني وفيه ومنه عيا يشيب القاف
هجوسي رغم ما صار ياتي فتا قافه لياليه تفرش من همومه عليه لحاف حتى صار من سطح انهياره على الحافه |
| الساعة الآن 01:36 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir