ليت قلبك كلما تَعْرض الذكرى يفوع=دام رجلك يم الإبداع تمشي عانيه
أدري إن الهم قتَّال والفرقى تلوع=ناسْ مجنيٍّ عليها وناسٍ جانيه
تجري الأيام قدام مافيها رجوع=عقرب الساعات ماينتظر لو ثانيه
تشتكين من المواجع وراء حدب الضلوع=والمحاجر تنثر الدمع مثل السانيه
اشتكي لله وحده بسجدات وركوع=كل قلبٍ فيه قسوه بذكره لانيه

‎أبعث سلامي والتهاني عليكم بأول العام = وأرفق تحياتي وباقة ورودٍ من تهامه
‎لأهل الرواسي والتحية نعممها على العام = من حزبنا الموصوف بالعاصفة راع الزعامه
‎زعيمنا لا هبت العاصفة تلقاه قدام = وأسمه على البيرق يرفرف كما برق الرغامه
‎واليوم بعزف طرق وأجرّ صوتي له بالأنغام = وأهيّض الهاجوس وأهلّ شعري من غمامه
‎وأسيّل الوادي ويغرق معي من فيض الأحلام = ويشوف كيف الشعر لاهام بالشاعر هيامه
‎ويا علها تروى فجاجه وتبرد فيه الأنسام = والورد والريحان والفل تنفح من كلامه
‎وأرسم على لوح الفضاء صورته وأكتب بالأقلام = هذا خيال الشاعر اللي يشوفه في منامه
‎قوام ما شافه بصنعا اليمن وإلا في الشام = والوجه ماقال المثل بدر في ليلة تمامه
‎والصوت له رنة ويسري صداها بين الأجرام = والذبذبة في قلب هز البدن حتى عظامه
‎يا راعي الصوت الشجي لا تعلقنا بالأوهام =ودي بسهرة وأسمعك في دبي وإلا المنامه