|
|
لله درك يالعذب مبدع
ــــــــــــــــــــــــــــــــــــــــــــــــــ ـــــــ خطٍ يروح ويجي لازم يسوى له مسارين طالع ونازل لمن يقفي وللراجع مساره احيان اسافر معه ما اعرف انا رايح على وين وليا تذكرت بـ اول مدخل احدثت استداره لمنزلٍ لي زمانين وزمانين وزمانين ما شفت ديار من حوله ولا من شب ناره |
تسلم اخوي ناصر ولا عليك زود ماشاء الله عليك مبدع في كتاباتك وفي تواجدك صح بدنك ولاتهون
|
لاهنت يالعذب لاهنت الله يسعدك
ادير الافكار باللي صار واللي بعد بـ يصير واحاول استنطق لصامت احاسيسي بنفسي احيان ود المشاعر للزمان الفايت اتطير وتقيف تقول: بآلامه وغرباله تحسي واقول هذا شعور بموقفٍ قد مر لا غير ذا طبع الايام لو لانت يجي فيها تقَسي |
يضيق صدرك نوب كنك تبي شي
وتبحث عنه بالقايمه ما تشوفه ودامه كذا ياضيقةٍ بي تلاشي ماعاد لي في ما تولى حسوفه بمستقبلك يمكن يصير انتعاشي بيمنى الأمل حزن الليالي تلوفه |
|
صباح الخيرات :)
صحت السنتكم وتسلم يمينكم ، ودام ابداعكم، ماحدٍ مرتاح غير اللي يزيد إدراكه أن من يركض ورا أوهام الحياة هبلته كل منّا في عراك ٍ داخلي . . و عراكه يصنع اعدا من وهم، و هموم بمخيلته يااا وجودي بس يوم وجيهنا ضحّاكة قبل تطلق هالحياة ظروفها المنفلته. |
كنا ولا زلنا حبايب بسيطين
محدٍ على الثاني يطيق الكلافه حنا في بعضنا طيبين ووفيين وعلى بعضنا مانشيل الحسافه.. |
لله درك يالعذب ما اروح هــ الابيات رغم ما تتضمنه صح لسانك ولا فض فوك!!!!!
ارحبي يالشامخه بعد الغياب الطو يييييييييييييل وصح الله لسانك مليار ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ سلام راحل لليال المقيمه=مده وقالت له من همومها هاك تضمنت لوعات فرقاً وخيمه=من وقعها ترثي لما صابك عداك تحتاج لك صبر وثبات وعزيمه=برسن كذا طبع الزمن شد يمناك لاتفرح الشامت بشوف الهزيمه=ولها يغني كل لايم ونماك لعلها من نشو هــ الصيف غيمه=يزعجك عاصفها شوي وتعداك وليا صفا جوك نسوي وليمه=وترضى على وضعك وتشكر من اعطاك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــ مرحبا مافي تهامه نابتٍ من راكه بل كثر قافٍ على وجه الرواسي قلته غيبتك يالشامخه صنفتها فتاكه كم عضو فيك اقتدا بالظاهره ونقلته ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــ كم عام واحنا بالرواسي مقيمين كلٍ على شفه ينوني بقافه من غاب تزعج غيبته من غلا لين كثر الغياب من نشد صار تافه |
مرحبابك مدد بلا عدد ..
وصح لسانك ودام ابداعك.. وجعل هالساحه م تخلى من ابداعك ووجودك، وانت بخير يارب. |
هلابك زود يالشامخه
وجزاك الله خير ولاهنتي ودمتي وسلمتي ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــ اليوم يالعصفور صوتك ظاهر وانا ادري ان قصدك سليم وطاهر ظلك خفيف وبالغناوي ماهر لا تشتت افكاري بكثر اللجه لا تستشيط ان قلت لك رح عني ابا استمع للشامخه واغني وللي حضر ابيه يسمع مني ومع خط سل النفس ابا آخذ سجه ماللغناوي دون ربعي مزه ولاكل حزه مع سواهم حزه لفقدهم بالصدر بانت حزه دجه ولا عقب المفارق دجه |
ياليت رواد الفضاء ياخذوني
رحلة فضاء ماحددوا حد لاقصاه مشوار علمي قاصدينه بدوني تحفظوا ما بينوا سر معناه وإذا انتهى مشوارهم يتركوني في كوكبٍ مجهول بعده ومجراه وان جاهم النشاد مايذكروني يقنع ليا قالوا مكانه نسيناه اببتعد عما تشوفه عيوني عن واقعٍ مظلم مع الناس عشناه |
الهواوي صح بدنك ولسانك وتسلم على المجاراة الجميلة وصح الله لسانك الشامخة اهلا وسهلا بعوتك وان شاء الله آخر الغيبات وان شاء الله انك جبتي كل الغنايم من كتابات وابداعات وتواجد مميز كالعادة اكرر الترحيب بشخصك الكريم تحياتي لكم |
اهلا يالعذب
ومرحبا يالشامخه ــــــــــــــــــــــــــــــــــــــــــــــــــ ـــــــــــــــــــــــ لكل فنان ابجديه ولوني وله ميزةٍ تبين من خط يمناه واحد طفح شبله واحد صار دوني واحد يروع سامعه ما تمناه بانت لي النجمه وابحلق عيوني للشامخه باقصا المجره وبدناه بــَ اجيبها واخافهم يمنعوني رايد فضاهم صعب لا رحم مجناه ياطيبها ما ادري عليهم تموني وياصبرها/ ياهي تعاني معاناه ان ءقسموا من ما منه ياكلوني لها /وصب بترمس الماي من ماه والا النتيجه حق لا تسألوني مصيرها مصير جيلٍ دفناه ــــــــــــــــــــــــــــــــــــــــــــــــــ ــــــــــــــ هههههههههههههههههه |
|
هلابك وجعل المرحب يبقى..
العذب الله يسعدك ويسلمك.. وصح لسانك ابدعت.. غالينا الهواوي ههههههههههه الله يسعدك، على هالمجاراه الرايقه والرائعه،، وصح لسانك ملايين..تمنيت اني شاعره في هاللحظه واجاريك ب الابداع..:) |
صاحبي ياجعلني فيك ما اعين بديل
وجعلني مجموع وياك دنيا واخره من عرفتك مايجي منك ياكود الجميل وكان عندك شي بالطيب منت بذاخره والله اني ثابت معك لا طال الطويل مثل مايثبت على البحر ثقل الباخره. |
|
ارحبي يالشامخه وهلا بك ولا هنتي وصح بدنك ونقلك ولسانك
الله يسعدك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ ارحب يالعذب وصح لسانك مليون ولا يسدون ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ ياضحى يوم الخميس آخر شهر ذي القعده وش تقول لمن تململ فيك قايم قاعد اوعده وقته بشي ولا وفا في وعده قال له صبرك وتفرج وانت حظك واعد كن بين العوج من شوقه يولع وقده وان طلب فزعة مولعها مرده/ ما قد حان وقت الوصل مع من هو يسرح جعده وجلسةٍ بالمل ماهي مثل جلسة جاعد |
لا تكدّر من حياتك وتاكلك الحسوف
لو يضيق بـ عينك الارض و يضيق الفضى كافح الاياام بالعزم .. و الشدّه تطوووف وفكّر بـ مستبقلك واترك اللي قد مضى صاادم الدنيا ولا تطرحك بعض الظروف لو تااطى دون شفّك على جمر الغضى والله يـ شهب المقادير ماتعرف تروف ماااشيه على البناادم زعل ولا رضى |
|
نطحّيني عهنك المنفوش يا غُر السحايب
عوضيني عن كواليس الوطى بالارتفاعه وسعي حريتي ما فالفضاء مخطي وصايب الفضاء ما يعترف بالكثره تغلب الشجاعة |
كرامةٍ .. ماهي معزه و تقدير
تنعاف واللي من طرفها يعافي يكرم وديع المسك عن نافخ الكير لو صار من بين الأوادم تجافي قولو له انّا غير و سلومنا غير نثقل ليا خفّت عقول الخفافي وان قامت الدنيا عجاج ومعاصير نوقف ولا يصعب علينا الوقافي . |
|
أقفى وروح من يشيل الثقالي
اللي ليا كبرت يحل القضيه مرحوم يا نايف كريم السبالي مرحوم ياراعي السطر والحميه.. |
اليوم سبت وقالوا الاربعاء عيد
وهجسي تعود كل عيدٍ يعايد يا اهل الرواسي عيدكم سمح وسعيد رحمه وعفو وصحه وخير زايد يعيده الله للبِني والاواليد ولكل فرد يتم ما كان رايد الطيبين السالمين المناقيد من حولنا واللي به البعد نايد |
|
كل عام انتم بخير وعافيه
يالرواسي عيدكم دايم سعيد ليا تهيت رحمة الله كافيه ربنا عن من دعا ماهو بعيد |
مادام حاضر عذب حبيت اعايده==ليله سعيد وعيده الصبح مبروك
في هالقسم مبدع وهذي عوايده=لو باقي الاقسام مهمل ومتروك ههههههههههههههههههه |
|
منورين ناصر والعذب ..
صحت السنتكم ودام ابداعكم .. وكل عام وانتم بخير .. |
الشامخة صح بدنك ومشكورة على الاعجاب والاطراء الجميل وكل عام وانتي بصحة وسلامة
|
من العايدين يالشامخه وكل عام والجميع بخير
لاهنت يالعذب ومشكور على الاهداء الرائع وصح لسانك ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ خطر تختل هالحدب الرهايف من رجيف القلب وليال العيد كانت من زمان اتزيد دقاتـــــــــــــــه وانا اعتبره على ما قد حصله في حياته صلب رغم كم يوم ما فك الحنين وليل ما باتـــــــــــه وللحديث شجون هههههههههههه |
كثر الطواري تلبس الفكر دوشه
بين الحديث وقادم الوقت ينداش لو حب كوعه ما مضى ما ينوشه ما اقفت به الايام وشلون ينناش للنفس قد كان بطرفهم معوشه سود الليالي من تحدته ما عاش غره تواشي وجهها في نقوشه امسى منه طمعان واصبح على ماش |
لو اكتب الاشعار في عيونك السود
يعجز عن التوصيف بيت القصيده |
يلوفني من لاهب الصيف تيار واضمى على سجع الحمامه واجوعه تجيبني واكتب من الوجد تذكار فريد لاهز المشاعر,بْنوعه تذكار,قاسمته على حفظ الأسرار لو كان فيها من جفى الوقت لوعه من ضيّع الفرصه وكثّر فـ الاعذار ماعاد عيّنها ولو حب كوعه !! |
صح لسانك يابو بندر
وصح لسانتس شاعرتنا مبدعين مبدعين ــــــــــــــــــــــــــــــــــــــــــــــــــ ـــــــــــــــــــــ قالوا سليته بعد طول المغيبه لو ان زعمك صدق ما كان تسلاه بنيت له قبة مزاعم مهيبه والخاتمه تدله وتسلا وتنساه منطوقهم غلف بشكه وريبه محض افترا ما اعرف كنهه ومعناه سري ابـ بير وما يكن بقليبه بسابع ارض قلوب ماهم بوياه عسى وجيه الحقد بالفين خيبه وخمة سواد لكل وجه يتغطاه |
|
من طاول الدمعه تكدر شرابه والغت مرارة دمعته كل حالي وافنى عنا دنياه زهرة شبابه لو كان من بين الخلايق مثالي واللي يبي ياقف لوقته يجابه ينهد حيله,, والزمن ما يبالي |
بصراحه يازقينكم كلبوكم رائعين ومبدعين/ ههههههه(ترجمتها ياحلوكم)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــ متى ووين وكيف وختامهن هل اربع ولا وحده لها صار اجابه ما مل رغم انه يقلب على مل مع ضيق صدر وقل نوم وكآءبه قالو مريض وقيل ذا مفارقٍ خِل فقد بعد طوَّل جفاهم صوابه ـــــــــــــــــــــــــــــــــــــــــــ وبس |
| الساعة الآن 11:54 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir