|
هذي قصيدة إرشيفية من سجن السلاطين الله يرحم أبو مشعل رحمة واسعة ياراعي العد القراح اشرب من العد القراح=الناس تارد جمَّها مير أنت ذودك ماضوا سنحتنا كم مرة وصحنا يالين الصوت باح=وأقفت ذلولك ضاميه وأفلست من عِد الروا أقفيت مدري من زَعَل مدري تغلي أو مزاح=الذيب ماندري علامه دار حوله ماعوا أنا أدري إن المرجله تبغى لها عزم وكفاح=لكن على حَسْب الأصول وغيرها مالك لوا هو ليه يومنك تجي ياصاحبي وسط المراح=وتنَزِّل اذهيبك وتِقْفي بالبعير وماحوا أنشهد إنك مخطيٍ لو تعتذر لين الصباح=منك القطاعه حاصله لكن قلبك وش نوا حظي بري من نيِّتِك ياحر خفَّاق الجناح=واللي دخل في نيِّتِك ظني يبا ياكل هوا لكن تراك مسامحٍ من قلب واللي راح راح=تعال عطنا من علومك خلنا نهيجن سوا نذكر مآثرنا القديمه قبل تدفنها الرياح=يومن حزبك من فعولي لاحقه خوف وطوا عقب التغطرس والكبر يلبس من الذِّلة وشاح=عاداتنا لامن دخَلْنا بليس ملعون الثوا أحْدٍ نشيله وسط عين , وأحْدٍ من الثنتين طاح=واللي مكانه في كلا العينين عال المستوا |
اقتباس:
اقتباس:
مساء الخير صحت السنتكم ودام الحضور والابدااع قريت آخر الصفحات وشدني الفراج بـ هـ العباره وجت هـ الابيات عـ الطاير والجايات اكثر:smile: لاصار حزب العاصفه مايحملون=بالله يالفراج جاوب سؤالي أجل على حزب الرعد وش يقولون=اللي مكانه بين الاحزاب خالي يومين موجودين,شهْرٍ يغيبون=ولا لهم فـ .المجد معنا مجالي خلوا لنا القمه وقفوا يجرون=ذيل الخساره مع طريقٍ هيالي ياهيه يالفراج لازم تقرّون=والاعتراف افضل على كل حالي نسيت يوم انّك قبل كنت مسجون=مَنْ طلعك من عقب طول اعتقالي؟ وحزبك ولاكنهم عن الحال يدرون=بزنزانتك طالت عليك الليالي, |
هالأبيات ذكرتني بأخينا العزيز كديميس السيحاني أبو منصور الله يحفظه ويجيبه سالم غانم ! أبيات قديمة تقبلوها كما هي من الإرشيف الله يحفظ الحي ويرحم الميت,وعدلت اسم الحزب! حزبٍ جديدٍ تو ثوَّر عجاجِه=مثل البحر لاثار تيَّار الأمواج نبا نعَدِّل روس فيها عَوَاجه=بأفضل قصيدٍ جزل تصوير وإخراج حلو اللبن ماهوب مثل الخداجه=والمشكله لاهنت في صنف الإنتاج وقصيدنا ماهوب رطن الخواجه=أعذب من القرهود في بير هداج وإن كان أحد مغتاض عندي علاجه=لايدخل الميدان منعًا للإحراج هذي وقايه كان يَعْرِف خراجه=واليا وصله العلم ماعاد يحتاج حزب الرعد ضابط مقصه وتاجه=معها الجدي وسهيل فالليل لِعَّاج رتبة فريق أول وكب السماجه=مكانته يهرج بها كل هراج لاهنت ياكديميس بقول حاجه=نبا نحط أحزابهم داخل سياج جذايبٍ تطْلَع قممها الدجاجه=صارت تشَرِّه فيك ياقمة سواج أحذِّرِك ياللي تحب اللجاجه=إخذ الحذَر لاتَقْرب الموج لاهاج حتيش لو ناصر يعقِّد حجاجه=يطويه صلف الموج في وسط الأدراج وإن كان عبدالله يحب المواجه=يقلط على نارٍ توهَّج على الصاج |
اقتباس:
وريسك قـد فكه وحطـك بداله لاتتهمني ظلم ياطير حوران انا موحد ماغويت استحاله ابا اشتكيك ان قاله لسلمان الا ان ناصر حاطك في سباله |
لو اطمع انك تراني كان لك مومي =ولو تسمع الصوت كان ارسلت لك صيحه حتى تعرف ان قلبي معك مظلومي=طاح بيدين القسا والطيحه الطيحه اخذت الاقشر سطو واحرمتني نومي=ياويح من منك يرجي عطف ياويحه |
من امس يرقص بين الاثنين شيطان=ما ادري؟ولكن حالة الربع حاله وبالصدق انا مانيب بالعلم فهمان=وان ماعناني قلت مالي وماله فن ورسم من غير برواز والون=معرض يضمه ماهقا ينعنى له |
اقتباس:
يالعاصفيه درجيها على الهون حملك على جنبك من الثقل مالي طشتو وقمتو كل ساعه تغنون شي هماج وشي كنه زلالي حنا تركناكم نبيكم تعيشون لانا ليا جينا غديتو ثعالي نحزم خنافركم حزم بالشرطرطون ونسوقكم للسوق سوق الجمالي بالروس لازم لا انتهضنا تطاطون وتحولون من الرجوم الطوالي يالعاصفه بالهون بالهون بالهون تريحو لا تطولون الجدالي حزب الرعد صيتدكم اللي تمنون اليوم ولا فالليال الخوالي |
عـ .الصمت والا ودك انك على العام=كــــذا كــــذا فكر وانـــــا المـسـتـفـيـده بالهون لاتحكم لـ .روحـك بـ .الاعـدام=لازم تـــدقـــق فـ .الــخــطــاب وُتــعــيــده رح والــوعـــد يـاتــايــه الـفــكــر قــــــدام=خـــذ لـــك مـــع الايــــام دوره جــديــده وتعـلّـمـك وشـلــون تحـقـيـق الاحـــلام=وشـلــون تـوصــل للـنـجـووم البـعـيـده وتعـلّـمـك وشــلــون تـرتـيــب الارقــــام=وفــرق العـقـول الصاحـيـه والبـلـيـده! |
| الساعة الآن 05:07 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir