|
خيال مطير الله يبقيك ومشكور الاعجاب وتسلم على الاشادة والتواجد المميز اتشرف دائما بتواجدك تحياتي لك
|
|
من العايدين يالعذب وجزاك الله خير والله يقبل دعواتك وصح لسانك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــ ماشا الله على الاجواء تهبل /على ما قيل مزارع على مد النظر نحمد الواهب مابه وادي الا ضاق ما يتسع للسيل سحاب وتراكم وابله للوطا ناهب اغرق مزرعتنا نحمد الله ثاني ليل لعيد الفطر بعد العِشا والعشا زاهب |
|
كاس الصبر فايض ولي عام اغطيه
واشرب واقول الحلم يالحالمه زين واخاف بكره كان مـ احتلت اعديه ومعاد يفرق عندي الزين والشين ردة فعل مارااح من طيب تنهيه ضربة جزاا من قوها سدد الدين |
|
بين الشاعره والعذب يالهجس تاقف وين؟؟
تعلى مدار الجدي بالحيل بيرقهم لكن قول لافض الله افواه هالاثنين ويصح السنتهم صار بيِّن تفوقهم |
تراك انت ياناصر تجي راس على المتنين مكانك ترى معروف في وسط ماقفهم ترى اثنين مع واحد يجي واحد مع الاثنين والاثنين لو فاقوا فلاهان ثالثهم عذب |
تسلم يالعذب وصح الله لسانم ترليون مبدع الله لا يضرك
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ دقيت سلفه وعشق واحترك ثم اتجه صوب الديره اللي لو اطلق طارته وجه نحاها بي فز فزة مروع قد قرصه الداب مرعوب الاربعين وميه ما هاد صوته لين جاها وقف بجنب البويت اللي من الايام منكوب تشيد العنكبوت بما بقي واهي بناها قد كان هذا المكان بما مضى للقلب مرغوب وللروح راحه قبل يصبح بعد راحوا عناها |
تسلم اخوي ناصر وصح الله بدنك ولا عليك زود تحياتي لشخصك الكريم
|
اسلم وسلم واستلم مني رساله يالاثير
شلها على متنك وسلمها وجب لي ردها ضعها بكفٍ ملمسه مغري وناعم كالحرير بالهون لاتجرح بزاوية الرساله يدها لو تنتظر لك نصف ساعه عند بابه وش بضير لو تنفعل وتقول كلمه ما تعجبك عدها فكر اللبيب بما يجي منها وما يسمع يحير تاه بتصرفها ما يعرف مزحها من جدها وبس هههه |
غياب صار انتشاره مثل فيروس الكرونا
العذب ما اخذ لقاح(احضر)مبكر والمرض جاه ما فيه قولتك اظنه يوم قفوا وتركونا العلم شي امتوقع من قبل ما به مفاجاه |
كنت احسب اني بطل في حال ما قفا وقفيت
ولي اتضح عكس ذلك حين خارت صملة الجاش ياليت كم قلتها لو كان ينفع قول ياليت السالفه حلقةٍ داخل مسلسل طاش ماطاش احداثها اعدها فكر المولف داخل اليبت نسج خياله ما كابد ما جرى فيها ولا عاش يعصر مخه يبي فيها يحصل كيت من كيت سمعه وميلان ولاعلام يحدث شرح ونقاش ما جرهد عواه مثل عواً بصدري لا تراكيت ولا باع والا اشترى في سوق يا وجداه بالكاش |
الكرونا يوم اخذنا جرعته ماعلمونا ان له تأثير سلبي للمريض اللي خذاه لكن احنا يالهواوي بكل جرعه اجبرونا والأمر امر الحكومه مايصير انا نعصاه لكن احنا ياعميلي نشتري من يشترونا لا ولا ننسى الرفيق اللي يوافقنا هواه عذب |
ما ينعذل من طفح شبله وذا رايٍ لبن عون
صحيح/وانا معه واخالف اللي يعذلونه ويوكد الراي من له فكر وسمع وعيون يميز الصوت في سمعه ويبصر في عيونه ــــــــــــــــــــــــــــــــــــــــــــــــــ ـــــــــــــــــــــــــــــــ توقيع حضور فقط هههههههه |
|
الحمد لله جونا غيم ورشاش
يعني رومنسي مثل ما ياصفونه وضعٍ جميل ووضع ياصاحبي ماش تعجب بـ لون وباهتٍ نوب لونه موج الخيال يشوت فكري على الطاش وكلٍ يرى ما حاولوا ينقذونه |
صح بدنك يالهواوي وصح لسانك
ولاهنت على هـ الابيات,وصح لسانك عذب وسلمتم ودمتم,’’ |
ليه تشكي وتبكي ماضيٍ فات ليه؟
ليت صندوق سرك ماكشفنا غطاه كل ماراح رااح ومـ اتحسّف عليه كافي الحق على قلبي وباقي عطاه |
يا خاطري علِّم وقل وش مزعلك
لا تحترق من داخلك وانت زعلان مع واقعك حاول تحدث تفاعلك قل ها انا ذا مانبي ذكر ما كان ما كان لك دايم يحرك مواجعك انسه ودور طب جرحك من الآن ما فات مات وما يجي لا يروعك لاهنت يالخاطر وصاحبك لا هان |
|
روعه يالعذب روعه
ــــــــــــــــــــــــــــــــــــــــــــــــــ كبرت وصغرت وكبرت هــ المنى من جديد لكن مجرد اماني حلو توصيفها ارسال عن بُعد مافيها إيد جت جانب إيد لها العنان ارتخا ترثع على كيفها لو فيه رغبه وتصميمٍ ورايٍ سديد بعد غدت عمد ما احدٍ قال يا حيفها |
صحت السنتكم,الهواوي والعذب
أبدعتوا وامتعتوا,’’ |
ياحظ من له أم ويقول يمه
ولاقطع من دونها ياسه الموت ولامسح دمعه عليها بكمه عايش ربيعه مابعد فاته الفوت بكفوفها لاضاق صدره تضمه وتجمع شتاته بالمشاعر وبالصوت |
صح لسانتس وبدنتس شاعرتنا
الله يغفر لوالدينا جميعا وللمسلمين والمسلمات وهي هكذا الاقدار وسنة الله سبحانه بخلقه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ التلفاتك للورى كل ما يكثر تدوخ وان تركته تبتلش ما تعرف اللي وراك نوب راع العقل من عقله يغبط الدلوخ بداخله مابين عقله وعاطفته عراك |
|
اللهم آمين
وصح بدنك وصح لسانك,’’ |
ياسمو المشاعر ناشد الليل قلّه
ليش يجلب همومي كل مـ اسدل ظلامه فيه قدره عجيبه تذهل الكون كله تشعل الشوق والمشتاق ترفع غرامه يستثير ويثير وكل كوكب محله من بعيد لْبعيد بهيبته واحترامه لو يلف المولع محتواه ويفله مايبي لـ سرى الهاجوس غير السلامه |
روعه روعه
صح الله لسانتس وسلمتي ودمت ــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ واهس هجوس الشعر ماهو كماه امس ارخى حزامه علم من عقب مسه له قال لا تشعب ذلول الشقا واِمس وطنَّب صياح الرفض وانبح حسه يصفق من زعاجه له الخمس بالخمس يبوح في شيٍ وشيٍ يدسه بالعين له صوره وله بالاذن همس ترسل لذاكرة المغربل تجسه هل هو نسي؟ والا من مفارقه عمس وش لون؟ يجهل منه اساسه مع إسه |
شاعرة نجد صح بدنك وصح لسانك وتسلمين على الاعجاب والاشادة ناصر الهواوي تسلم وصح بدنك وصح لسانك لكم مني كل التحايا
|
شاعرنا الهوآوي
شاعرنا. عذب شاعرتنا نجد صحت الالسن ودآم الابداع |
الجوهرة صح بدنك وتسلمين على المرور الجميل وكل الشكر على الاشادة والاطراء ارق التحايا لشخصك الكريم
|
|
فايق هجوس الشعر والفكر رايق
والقلب وايق ينظر خلاف وايتوق لما فات لو دونه سنينه عوايق النسيان نعمه عل ما دونها عوق اقفى ولا فادت عهود ووثايق بـ هالوقت يمكن مابقي شي موثوق سنين وشهور وليال ودقايق تمشي وما جاء تحت الاقدام مدقوق |
قم مدّ باعك يا طويل الباع
كلٍ بعرفه .. يشتري ويبيع عبدالله المشعلي |
انا ليت لي جنحان واطير مثل الطير لا ضاق المكان ابدّل الديره بديره عبدالله المشعلي |
يا الله بصبـرٍ على الدنيا .. جـميـل كل يوم اكتب جُمل وامسح جُمل لا ني مجامـل .. ولا منكـر جـميل لــو .. مـا لـي نـاقــةٍ .. ولا جـمــل عبدالله المشعلي |
خاطره فقط
من يوم ان ابو عامر معود على المنقول انا انحت صخر ما اجيب الابيات منقوله مادري من عيا والا بخل ما يحب ايقول لو انا ليا ابطا ما حضر ننتظر قوله ذا تقديم وهجوسي عن اللي كتب مسؤول ابي ارجعه للي عن القاف مسؤوله الا ياعيون اللي كفخ يوم مره جول وش تقول للي سبتك طق به جوله بشبه الجزيره يالغلا لو بغيت اجول لو انك شويري ابتدي وين هالجوله اليمه محددها لكن الهدف مجهول ونوايا الليالي يا اريش العين مجهوله |
اقتباس:
^^^^^ صح لسانك يالهواوي ......... ^ هلا يا الهواوي عد ما همّل الهملول وعدد ما سقى وادي الشواعير هملوله أنا لا حضرت أخفِت هجوسي لها وأقول تبنّي بيوت الشعر وأحدِث لها صوله وهيمي على الوديان في عرضها والطول ونادي على ذات الظفاير ومجدوله وقافي ليا هزت طروقه غدى مسلول يبارز بشذرة حد .. كنه مع خوله وأنا أدري بما في خاطرك وأنت لي مرسول ويا بخت من يحظى بفزعات مرسوله ويا زين جولة تبتدي وأنت حول الحول وصدق النوايا لا سرت جات محلوله ^ وسلامتك ،، |
إن قلت للهجس اسعف ابـ بيت لي قال
ما عاد لي واهس لكن هاك هــ البيت اثر الجفا ساس القلق كل ما طال وما كان حي ان مر به ينقلب ميت هـ البيت لا يصلح لشيله وموال ولو زدت واحد ثرت ثورة ديناميت |
| الساعة الآن 11:58 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir