وإياك وأحبابك

في صداك
بحةٍ تضفي غلاك
لونها صبح الشعور !
،
لملم شتات الحنين اللي سكن روحك
لاتشتكي ضيقة الأيام وامسحها

الوقت لو غاب صمته ينتبه بوحك
في داخله قلب يرثيها ويصفحها

.
ميعاد غربة
والرصيف
آخر محطات السفر !

بعض التفاصيل تجرح خاطر السجة
ترمي حمول(ن)ثقيلة بين أياديها !

ياخاطري خفف الهوجاس والضجة
وارفع همومك لربك هو يداويها

حزمت أمر القوافي وانتبه دمعٍ غشى عينك
على خاطر بنات الفكر والمعنى يفيض بحور

أحسب الوقت بغيابك شتا واضم كفينك
على صدر الغياب اعذار صمتك والأسف معذور

لمحتك صدق بأعماقي أنادي والصدى وينك ؟!
تموت الأجوبة في داخلي وألقاك دون شعور !

محيت بضيقتي كل الدفاتر غير حرفينك !
بصفحة تجمع أوراق المشاعر والغصن مكسور !

سلام ،،
‏لطيف العابرين وهم وجوم !
‏سلام ،،
‏لنظراتهم الذابلة !
‏لدموعهم التي لم تجفّ بعد !
‏لذلك الأثر الذي غزى ناصيتهم عمرا وصبرا !

المشاعر بين حرفين ونغم
‏ضجة أرواحٍ تهيم وتستكين !

‏ما تفرّقنا ..
‏تباعدنا .. نعم !
‏حسّ قلبك في مسافات الحنين !

المشكلة لا صار قلبك مع انسان
‏بالحيل غالي ، وابعدته الليالي !

مترفة والحزن يرويها سنين
‏والليالي تحتويها بالشتات

‏كنها يوم اكبرت حسّت أنين
‏بين طيات الأماني والرفات

‏واحتوت اخر غصون الياسمين
‏وانكسر غصنه من الفرقا ومات

‏كل يوم يموت معها هالحنين
‏تكبر وتكبر معاها الامنيات

‏في مواعيد الفجر علمٍ يقين
‏ماتضيق الا ويعقبها حياااة