مشاعرٍ هاضت وفاضت من صميم ليا صميم=وجات المشاعر للعيون الناعسه متراقصه
يومٍ جديد وحبٍ اقواء منه فـ اليوم القديم=زادت وانا احسبها تجي عقب البطاء متناقصه

اليوم عندي غير واخلاقهاغير=تظحك عساني ياعرب ماعدمها
قالت صباح الخير وهي مقدم الخير=محلا صباح الخير من نطق فمها

فر فكري يامحمد مثل فر العمود=يوم فره ترس واحد وهو في ماقفه
داس بنزيمه وقدام تمثاله نفود=صافيٍ فكر الدريول وقام يلاقفه

هذي الدنيا ونا شف هجوسي فالقيود=صاحب يبذل جهد والوليف مناقفه
عدها عني طلبتك مراسيم الحدود=يوم شفتك ياخويي عصير مواقفه
ومن يلومك جعل عرفه لك الله ما يعود= بيت عشق بالوفاء والموده ساقفه

العام قلبي يجر اقدام رجليني =واليم رجلي تحوم ضيعت قلبي
اثر العماء ياعباد الله في عيني =مافرقت بين الايجابي من السلبي
عاينت ب أمراية القربوع وش زيني = ماناقص الا مسدس ولبس الخلبي

يامحمد جبت وصفه ونا قلبي طروب = والله انه وصفها قبل موت احلامنا
خابرك ياولد عمي معي منت بكذوب= هي كذا دلت طريق الصحيح اقدامنا؟
والله انه ماجبرني على التوبه وتوب = غير خوف يوم تبعث بقايا عضامنا

الحلم عياء يجيبه نعنبو جده=لي عام وانا اترجاء الحلم ماجابه
لي مده احايله وانخاه واحده=وراحت حياتي مبادي معه وطلابه
لوهو مغير امسكه واسلم بخده=واقطف من الزين خوخيه وعنابه

لعلها خيره وماصار خيره=ياجاذبن من لبة الصدر ماراق
اكبر كبيره لك تعود صغيرة=هذي هواجيسي ليا جات الاذواق
القاف يلعب معي لعب الغريره= لملاعب الرمان تضحك وتنساق
وش فيك ياقيفان ذوق المديرة = ذكرتي الروقي عنا طول الافراق
صدره ترا بعض القصايد تثيرة= تشعاه من راسه شعي لسفل الساق

مايجيب الي تبي كثر العنادي
داعي الأشواق للعاشق طبيبه
لابغيت الي عشقته قوم نادي
قله ان الشوق بك زاد بلهيبه
بلغ الأاشواق مفهوم المرادي
صادق الاحساس لابده يجيبه
العطاملح الغلا والوصل زادي
قم وصب انواعها واشرب سكيبه

ان كان ودك كلام امجرب اسمعني = هذي نصيحة وفاء من الي مجربها
عليك بحساس صدق القلب طاوعني =كثر الاحاسيس لو زانت تخربها
خلك على وحده وحذر تنازعني = طاوع صدوق الهجوس وطل كاذبها

ماعاد لي بالهواء لا عاد من يومه = مدام مثل السراب يموت ضميانه
تلقاه طيب مزبرق زانت علومه = في كل يوم تشوف وجيه عربانه
لاصار ماهو ببين خل مدفونه =المدرق مايكسب مد خسرانه

ايو الله اني من محبتك مجنون=وراك تستغرب تراها حقيقه
مفتون واللي كون الكون مفتون=وفراقك الله لايجيبه مطيقه
سكنت قلبي ماترخصت وتمون=طريقتن مامثلها لو طريقه
لاكن عساه فداك قلبي وممنون=اخذه عساك تشب فيه الحريقه

نادو لي المهره ونادولي سهم=ومحمد الروقي وعبد الله طلال
ومن يزهم النجلاء تلبي من زهم=وتنوب عن رجال لاحان المجال
واهم شي ان كان تبغون الاهم=قدام اطول ياجماعه بالجدال
الوضع ماهو زين جعله بالوهم=مايل ولاضني يجي فيه اعتدال
قلبي خذته اليوم راعية البهم=عقب العصر يوم ان ظل العود مال
والحيين قلبي ياسرى ولا جهم=مع درب بنت العود زاهية الجمال
بنت ومراء وخيولهم صفر ودهم=ومعربة جدين عمان وخوال

قدمت بمناداك والمطلب ولم =وط العدول المايله يابن الحلال
وليا سكت راع البدايه قلت سم = لو ان ودي مجلسي عند الدلال
لاتشتكي شاوية تتلي غنم =وحنا نشيل حمول مبركة الجمال
دور على الي كم وكم وكم كم=جوها الشيوخ ولا رضت لو زيد مال

المشاركة الأصلية كتبت بواسطة محمد الروقي (المشاركة 331996) قدمت بمناداك والمطلب ولم =وط العدول المايله يابن الحلال وليا سكت راع البدايه قلت سم = لو ان ودي مجلسي عند الدلال لاتشتكي شاوية تتلي غنم =وحنا نشيل حمول مبركة الجمال دور على الي كم وكم وكم كم=جوها الشيوخ ولا رضت لو زيد مال وعذرني الواهس ماهو الي وصح لسااانك لين ترضاء

افرح ليا هزت طواريك جاشي= وتضيقبي لا غبت كل الوسيعه
صدري لك الله صار عضمه هشاشي= وين انت عني يالطبيب الربيعه
الجرح بين واخر الوقت ماشي=دنيا لفقاد النقايد فضيعة