شبكة رواسي نجد الأدبية - هنا .. سجن القوافي !!

شبكة رواسي نجد الأدبية (https://www.r111n.com/index.php)

- سجن رواسي نجد لشعراء الابداع والجزاله (https://www.r111n.com/forumdisplay.php?f=154)

- - هنا .. سجن القوافي !! (https://www.r111n.com/showthread.php?t=29193)

انزل واطالع من اللي معي ما اشوف احد=واطلع واقوم اتهجا كل ما جيت به
اضحك على ما كتبته وانتبه وارتعد=لذكرهم قلت سلمت ملهمة كيتبه
اصدق بشر لكن اكذب من عشق بالوعد=بالصدق جا المبتدا وبكذبها انهيت به

صح الله لسانك يابو عبيد
وياهلا ومرحبا بكل المتواجدين والزوار حياكم الله الله ودوم
ريومه تركدي قبل توهقين بحزب الرعد تراهم يوم حضور والغياب عدي وانسي هههههههه

اقتباس:

المشاركة الأصلية كتبت بواسطة الناقد/عبدالله الروقي (المشاركة 493946)

ريم الفلا

البدايه بالسلام اللي نقوله=للجميع و خير ما يبدا سلامي
جيتي لا جيت ما هي بالسهوله=لكن الدافع معزّه و احترامي
كل واحد له نظام و له ميوله=و اشكر الناقد على جزل الكلامي
ارجعي للحق يا النفس الجهوله=و الحذر قدّام تكسير العظامي
بنت شجعان المواقف و الرجوله=و احمد الله و اشكره و احفظ مقامي
يوم جاني صوت من ولد الحموله=ينقد الشعار ب النقد النظامي
الصدى مافيه من يمنع وصوله=و الحقيقه لا احراج و لا ملامي

ردي على الأبيات

مرحبًا بالقاف في ساعة نزوله=عد برقٍ لاح في جوف الظلامي
وافيه والمحترم يَفْرِض قبولِه=والرواسي منبر كبار الأسامي
منتدانا سوق والشعر العموله=نشتري ونبيع والميقاف حامي
من يطب السوق ماعنده سيوله=مثل من صَدَّر من الميراد ظامي
يوم وِصْل الصوت ثم نوَّخ ذلوله=جاتكم ريم الفلا معها الخطامي
ماشيه حَسْب النظام وفي أصوله=في نظام الشعر ماتبغى محامي
شاعرة تِخْرِج من المحَّار لُوْلِه=في نحور بيوتها مثل الوسامي

سلام عليكم

الله يسعد صباحكم
وحي الله الشاعره ريم الفلا منوووره رواسي

ابو عبيد ابو بندر حمد الحربي شاعرة نجد
صحة الاسنتكم وبيض الله وجيهكم
خيال مطير
دام حضوركـ

النجلاء رحيل الجوهره المهره الملكه
دام حضوركم

اما القصيده اللي اقتبستها اعجبتني بالحيل
صح لسانكـ يا الناقد وصح لسانكـ يا ريم الفلا ولله ابداااع قليله في حقكم
الله لا يضركم

مساء الورد
ماشاء الله ابداع وجزاله
صحت الالسن والاذواق
لاهنتوا

عطرك كسرته وانتثر فيني الشوق
قلي رعاك الله واشلون المه
كلك عسل والذوق من تحت لافوق
واسلوبك المجنون جاب المطمه

اقتباس:

المشاركة الأصلية كتبت بواسطة الناقد/عبدالله الروقي (المشاركة 494112)

صح بدنك ياريم وصح لسانك ولاهنتي
أنا قريت انضمام ريم لحزبنا في رد لها سابق
وراك شبيت عليها يالعود هههه
أتركي حزبهم ياريم وخليك معنا نبي ننتف رموشهم!
-------------------------
أبو بندر جهازي اللي أشارك به في السلاطين هو اللي أشارك به في رواسي
يعني كنت أشارك في السلاطين ورواسي بنفس الوقت ومع ذلك هناك منسقة وهنا لا
يعني أقنعني كيف تكون المشكلة من عندي؟!
وبالنسبة للفكرة المطروحة ونسخ التنسيق من قصيدة مشاركة أي شاعر
قديمة وسبق وضحتها للإخوة في سجن السلاطين
دور أي قصيدة يعجبك تنسيقها واعمل لها اقتباس ثم انسخ تنسيقها عندك بالمفضلة واستخدمها في كل مشاركة لك بوضع قصيدتك محل قصيدة الشاعر المنسوخة من الاقتباس
لكن أنا ماعندي مشكلة بالجوال عندي مشكلة من اللاب تب
لأن الجوال المشاركة منه متعبة ولاأستخدمه إلا نادرا
ولاهنتوا جميعا وصحت ألسنتكم وأبدانكم!

هلا، والله يالناقد
والله يابو محمد المشكله ماهي من السلاطين ولاهي من رواسي
المشكله فيك انت ههههههههه الهواوي ينسق قصايده في السلاطين وهنا
وانا شغال عندي التنسيق ولافيه مشكله بعد محمد فراج ينسق وشغال عنده
النجلاء تنسق القصايد ولاعندها مشكله بعد وجميعنا من متصفح الاكس بلور
شف الخطاء اللي يصير عندك ولا نزل القصيده وحنا نشيك عليها وننسقها لك
بس الموقع ماله علاقه فالتنسيق التنسيق خاص بالمتصفح

كل عاذل ردني عنك يالطرف الكحيل** ياعسى الله يقلعه يا عسى الله يقلعه
يامعرض قلب الاحباب للدرب الطويل** السعه لا بارك الله بالضيق السعه
ـــــــــــــــــــــــ

اشتكيته للرفوف وللبراويز الهزيله **وانذعرت من النياح اللي سمعته في صورها
رحت اسولف للجبال الصم عن قصة رحيله** ماتركت متونها الا ينحت الدمع بصخرها
ـــــــــــــــــــــــ

ياكبري بعيني وانا توني شاب..وأهم كتاب الشعر حاربوني
حتى ولو يهوي على نجمي شهاب..يكفيني إن اسمي كبيربعيوني
كد قال ابوي ان هبتهم قول ماهاب..ولو يقدرونك قول ماتقدروني
ـــــــــــــــــــــــ

اقتباس:

المشاركة الأصلية كتبت بواسطة محمد الـفراج (المشاركة 494198)

الله يحييك شكرا لك
صح بدنك ولاهنت يالفراج