|
شكراً على حبك حبيبي ومشكور = على المحبه والغلا الي لقيته جبرة خاطر فالزمن كان مكسور = يشكي عطش دنياه حتى سقيته جمعتني وانا الذي كنت منثور = ومسحة دمعٍ في حضورك بكيته كتبتني قصه على سقف معمور = مضمونها ما ينمحي لو محيته فتحة الي قلبك وجيت الك مخمور = من بعد حبٍ من جنابك جنيته وقعة في حبك حبيبي بلا شعور = وادمنة حبك يالغلا واهتويته واليوم بفراقك ترى بفقد النور = ويصعب علي انسى زمانٍ قضيته لاكن بما انك ودك تروح معذور = ولك الشكر عن كل شيٍ عطيته ويا الله عسى حياتك افراح وسرور = ويعين قلبٍ بالمحبه بليته سامي الرقيب |
أروح وأرجع ومهما تبعد خطايه=إن رحت وإن جيت جوالي على حاله أناظر الشاشة أرقب للوصل آيه=لا فيه مس كول ، ولا حتى به رساله أقول يمكن يمرّه طيف ذكرايه=يمكنّ الأشواق هزّت قلبه الدّاله يمكن يناظر صوره العام ويّايه=يمكن يحاول ولكن ما تهيّاله يمكنّه يحنّ ، يمكن للجفا غايه=يمكن ظروفه ، ويمكنّه يورّى له لكن أشوفه تمادى لما له نهايه=وتمرّ الأيام مانطري على باله نسّته الأيام ، والأيام نسّايه=وهذي عوايد طروق الحب وأحواله ومع ذلك ألقى لصدّه عذر وحكايه=وأقول عذره معه مادامه لحاله ومهما يطول الجفا والصّد والسّايه=مانيب ناسيه دام القلب يبرى له ولانيب سامع بحبه لوم ووشايه=مهما يقولون فيّ وفيه عذّاله لي في غرامه قصيدة شعر وروايه=باقي على العهد والحاله هي الحاله ومن لامني في هواه بذمتي تايه=ماجرّب الحب في الدنيا ولا ناله ورغم انقطاع الوصل واعداه واعدايه=القلب باقي على رجواه وآماله باقي لعلّه يغيّر في الجفا رايه=وأجي وألاقي مِنِه مس كول ورساله حسين السبيعي |
|
بتسهرون وتشتكون وتنامون
الذكريات اجراح لو كانت افراح ㅤ تفائلوا بالجاي يا اللي تحبون اللي تحب لو إنه يحب ما راح |
في شرفة اليوم كان الصدر ماله زفير
يكتم هوى الارض ليه الارض ماتعذره ؟ ماكان هاليوم ! هادي كان شر وشرير متبعثر اليوم ( مدري عاد من بعثره .. |
|
لو لقيت لجرحهم عندي سبب
ما لقيت لـ عذرهم عذر البطا ما على المخطين شرهات وعتب كانو أدرى قبل ينوون الخطا ! |
ياعاذلين القلب ماهي طلابه=لوهو مطاوعني من العام ناهيه
خلوه يبتل في عناه وعذابه = ماينعذل قلب برا جسم راعيه |
يا سلامي رفيق ٍ دون همِّي خطرت
يوصلك من فؤاد ٍ يحسبك جنبه وانت غايب اقهويك بقصيدٍ بَهَرت خامست كفَّه لقلبك عقب جاضي |
لا تلومني يوم الهوى صآب فيني مَـ اقدر أردّ الموت من عين حورا |
هذا السهر ضريبة أشواق و هموم
يعني على ما قيل سهران سهران . وحده من الثنتين ما تجلب النوم يا من همومك أو مشتاق لـ إنسان |
اقتباس:
والا مـدآوم طول هـ الليــل كـ البــوم وليا اشرقت غطّت على العين جنحآن هههههههههههههههههه |
ههههههههههههه عبدالله صح لسانكك..
الله يعينكك ويوفقكك يااارب. |
صحت السنتكم (:
لي صاحبٍ جاله مع الوقت تغير ادرو و لكن كنكم مـا دريتو ! من قبل مشروبه حليب المصاغير و اليوم اشوفه طايحٍ فـ الموهيتو (؛ |
صح كلك يالشامخه واللهم آمين ويآك و السآمعين و صح كلك رحول بس وش الموهيتو و المصآغير لي صآحب ٍ عنده نيآق ٍ مغآتيـر بعد الهجيني مع أليسا بـ دويتـو من بعد ما هي له صباح التباشير جتها مجآهيـم الزمـآن و سـريتـوا |
قالوا غرامك؟! قلت شوف المغاتير
شوفاتها تشعل فتيل الغرامي الوضح شوقٍ غير ومقابلٍ غير هي منتهى شوقي ومبدا هيامي |
عقب اتساعة خاطري صرت حساس حتى الرفيق الكفو ، مااقبل منه شيّ ؛ أخفقت واجد ،، فالتعامل مع الناس مدري البلا فالناس؟..ولا البلا فيّ ؟ |
|
ياطير حملتك وصيه بلاحد = تاصل بها اللي كل عرق يتله
تحية عطره من الخد للخد = تسليمة اللي خافقي مايمله من عقبها تسليمة الراس واليد = تسليم غالي في غلا الكون كله أحفظ غرامه حفظي لسابع الجد = ويعرف غرامه بالغلا وش محله |
آلـلہ يسعد مسآ آلگل بـ آلخير..
من غربي هآلگون لـ شرقي مدآره.. آنتوآ مسآگم خيـر ووجوهگم خير.. آللہ يسعد گل غآلي بـ دآره. |
لو لقيت لْرحلة أيامي؛ ثمن
ما لقيت لْنظرة عيونك؛ بديل صامتة، فيها كثير مْن الوطن ! موجعة، فيها كثير مْن الرحيل |
ياموطني جيتك وانا كلي الهام=من غيرك أحيابة وقبل ترابة
|
|
ما للغياب أعذار ياللي تغيبون
بلّوا معاذير الجفا واشربوها |
ٱلله ٱلله يالطواري ونسناس الهبـوب
كل ماهب الهوى داعب طيوف المسآء . يشتعل بي هاجس البوح والجو اللعوب بـيـن شـبة نار ودلال وخـلاص الـحسآء |
نامي فقلبي و اسهري في عيوني و انسي عذابات الجفا و الملام |
مالي آراكَ كاعاشقٍ مغبوني=اضناكَ حبي أم سهاد عيونِ
اغراك قلتَ حيلتي وتوسلي= رفقاً فأنتي دريَ المكنونِ |
أنا و اللّيل خلان ورفاقه
اخذني عشق واخذته عشاقه ابيح له ضناين ما بروحي ويفتح لي على الغياب طاقه.. (خلف بن هذال) |
ألا يـــا قلبي المجــروح غَنِّي
وشَكِّل صورتي بـ دموع عيني و يـعلــم قآضي الحآجآت إنِّي سعيت و ما وصلت الغآيتيني يلـومـونـي ولا يـــدرون عنِّي و يجزوني بدال الطيب شيني و يرجوني و فيهم خآب ظنّي و منهـم زآد تغـريمي و ديني سـبـب حـيّ ٍ و انـا حيّ ٍ دفنِّي تحت مآطــآه ثم ٍ قـآل : ويني ! و ذآك اللي و هـو دمّي طعنِّي و ضحَّـى بالّـذي بينـه و بيني أنـا مـانـي بــ دنيــآي مْـتَهَنِّي و لـو مَـدَّت سعـآدتهــم يديني غريبه ! كيف يزهي الضّيم فنِّي و لا يدرون من مدمين عيني ! |
لا تضايق يوُم خلاك جحاد الجميل
الكسير اليا تعالج تخلى عن عصاه لاتضيق الوقت دوار والدنيا تميل واللي مثلك يابن الاجواد مايبغي وصاه |
تبقى حبيس الذاكرة والحنايا !
ماكنت واضح بس ماكنت مغمور تكفيك عن كثر الوجيه : المرايا وعن نار خذلانك يكفيك : ديجور تحكي تحت جنحه قديم الحكايا وتستاذن الظلمآ وتآخد يد النور اوتيت سُؤلك ياحبيس الحنايا استاذن الظلما وصافح يد النور ! وانفض غبارك مابقى بك بقايا ماخلف هذا الصمت غير ارضه البور سود الليالي عذر بيض النوايا لاتعتذر حتى ولو قيل معذور مديت للماضي يدينك عرايا وتخطَّفتك يدين الأيام بالدور ! تصحى وامانيك القديمة سبايا ! ويصحى الزمان وساعد الحلم مبتور تقاسموا جملة جروحك هدايا خيبات وآمال وسهر ليل وشعور عبدالله البديري |
|
اصدق مشاعر .. بين كل المحبين
مشاعر الأحياء .. في حُب الاموات تشتاق تحضن شخص ميّت له سنين و هذا هو اقسى نوع فالاشتياقات |
ظَميآن شِعر ,, و مرتوي فَرقا
مَوتور حُب .. و ضآيق ٍ خلقي |
احب اسمه ولا احب البشر تطريه
احس اني ملكت الاسم وحقوقه. |
ادري انه ياخذ اخباري وينشد عني
ويتحرى جيتي من مده الى مده والعمر قفى لاقابلته ولاقابلني والامر ماهوب في يدي والافي يده علموه ان صدتي ماهيب ضعف مني كبر معروفه علي ولا قدرت ارده . |
مايتوب النحل من قطف الرحيق
ولا يعـيب الورد .. لو كثر النحل بالنهايه ...كل... حي.. وله ..رفيق ينعرف طيب الزهور من ..العسل |
يطري علي في حزة الشوق طاري=وعيش ذكرى حبنا أول العام
وستجدي الاشواق و اجيك ساري =أنا بقربك داخلي كله الهام حرام يالمحبوب لا تبيع شاري = متدري إنه حرم بشرع الاسلام |
إذا إحترقت بشوق ولا تعبك همك = تذكر الي مع الخطوه تحرالك وإذا سواد اليل بهومه لفى وضمك = تذكر الي بصدره دوم منزالك |
تساهلت الفراق و غبت كلّي
وأنا قلبي كبير و عذري أكبرㅤㅤㅤㅤㅤ . لقيت الحب ما يصلح مع اللي " ليا ليّنت له قلبك تكبّر " |
| الساعة الآن 07:00 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir