|
يقول محمد السكران :
من كثر ماني فاقدك ودي اغيب يمكن أصادف في غيابي غيابك. ⠀ رد عليه بدر عبدالمحسن : بكره إذا هلّت عيونك من الشوق خل الغياب . . اللي بغيته يسرّك |
وانا اقول:
يا قو قلب الرفيق اللي مخليني ماهوب معذور لو يشرح لي ظروفه. |
واسوّي لك من خيوط الأماني لهفتين "وريق"
عساك تصحّي اللي نام فيني قبل اصحاني ذخرتك ل السنين المقبلات ورحت كلي ضيق تغنّى ل الدروب الموحشة وقلوب خلاني انا مبطي دفنت الأنتظار وموعد ماذيق وسط حضن الورق حتى تخيّل جفت الواني ! اخاف اصحى وانا حزني خبل يشره على هـالريق" واخاف التيه يلقى له عذر لاجيت القاني ! |
|
حنيت
يا شين الحنين موحش جفافه بالصدر يا قلب ابلاه الانين يا تايه بسكة سفر نمشي خطاوينا لوين انا وشوقي والعمر ماهي سنة كل السنين ماهو صبر مر الصبر نعتب على اللي ضايعين ألين ضيعنا السهر |
|
مبدع عذب
صح لسآنك بعض البشر تغليه لو ما تشوفه يجذبك له شيٍ غريبٍ بالأحساس تسمع ( كلامه ) ثم تقرا حروفه تبحر معه تنسى مشاكلك والناس |
الجوهرة صح بدنك وماعليك زود اشكرلك اعجابك واطرائك الجميل تحياتي لك |
|
ناس ٍ تضيْع بـ طردها خلف الأحلام
وناس ٍ من أجل أحلامها ضيّعت ناس . |
لو تموت ، آحلآمنآ تبقى آلسوآلف ،
مآتنسينآ : آلليآلي .. وش حكينآ ! . نبتسم ... حتى لو آن : آلحلم تآلف ، نزرع : آلآآمآل ... لكن ، مآجنينآ ؛ |
مهما تغيب وتبتعد مقدر انساك
صورتك دايم ماتفارق خيالي |
|
يا لطيف الروح وش عندك سوالف؟
قولها لو كان معظمها سخيفه هي سخيفة؟؟قولها لي ما يخالف السخيفة من فمك تطلع ظريفه :) |
الـتجـاهل .. والتـغلي .. والـغيـاب
ضيـقـت صـدر الـمواصـل وامـتحـق ان بـخلـتي مـاعلى المقـفـي .. عتـاب وان عطيتي ( من كريم لـ مستحق ) |
فـ الذاكرة ياما وياما من الناس
ظلت مـلامحهم رهينة وراحـوا البعض كان أجمل تفاصيل وإحساس والأغلبية ريـحـوا وإسـتـراحـوا |
|
لفاني السّهر يسحب ردونه على المعتاد
وقرّبت له مُركى السّوالف . . و حيّيته |
رضينا بالقدر يوم جمعنا ويوم فرقنا
ضحكنا للهوي مرة واشوفة صار يبكينا لبسنا من الفرح ثوب وعاد اليوم يلبسنا من الوان الحزن ثوب وبدد كل امانينا |
البخت مقفي يارفيق احتيارك
وزودٍ عليه هموم بالقلب ناخت مرٍ تلوم الوقت ومر اختيارك وملامحك شِفها حزينه وشاخت عابـر |
لا تقبل تعيش المحبه .. بنقصان
اما الكمال ، او البعاد وهمومه إبقى وحيد افضل من مواصل انسان يسدد بوصلك . . فراغات يومه |
سآمح وغـض الطرف لـو كآن ما كآن ..
عـمر البحر ما ضآق من لـطمة الـموج ! لـو تلـتفت فـي كـل زلــه من انســــــــآن .. شفـت آلبشر من حـولك ارقابهم عووج |
ماهزك الشوق ولا ماجذبك الحنين
انا ترى ما بقى بي حيل وانا انتظر . واقف واناظر مكانٍ منه عاده تجين مجيّك اللي يذكرني ب جيّ المطر . ماباقي الا اتهور وانشد العابرين ما مرّكم عود موزٍ في علوّه ثمر" |
|
ما أعتقد .. فيه أقسى من شعُور
كنت أحسب إني ما أهون وهِنت . |
|
مصير الأحزان تنساني وتفتكره
ماكل الأيام بيض وسمحة محيّا . . ياليتني لابغيت أكره.. قدرت أكره ماكان قلبي لياجيت أكرهك.. عيّا . رآآآقت لي لـ متعب التركي |
|
الحلم له نافذه والرزق بابه كَبير
لاتقفل البابّ وتعود على النافذه لايشغلك طيّر غيرك وأنت طيرك يطير ياتيك رزقك ورزق الناس مَاتاخذه . |
" غافلٍ ما ينتبه لك .. وإن تنبّه
يبتسم من طيب روح وطيب نيه لا تدور له شبه، ما ينتشبّه نادر اللي يسرقون القلب زيّـه .." |
بعض العرب ودك تجنب طريقه
اللي يتهبد لا زعل هبدة الثور ما هو بهمي يا عساه بحريقه مير البلا من عسته زادوا العور |
يا سحابة في فرحنا والسرور
جودي بظلك علينا والمطر ازرعي في حلمنا ورد وزهور!! يوم شالتها عواصيف الدهر!!! و عبري عن كل ماتخفي الصدور وقدميها بالوفا باقة زهر!!! |
هلت على خد الوله دمع الأهداب=دمعة وفا جارت علي وطريتي
صوت الشعر ينده يدور للأسباب=ليتك معى حلو القوافي سريتي ما جارت الفرقا على غير الأحباب= ياليلة الفرقا علينا فتريتي |
هلا بك هزاع
عودا حميدا وصح لسآنك للشعر ذويقه وللبوح كتّاب ولليل بعيون السهارى تفاصيل وبعيني لعينك سواليف وعتاب اطول من شروح الغلا والمواويل .. |
وش للخفوق ان تآه في ليل ٍ اعمى
و البوصله طيف ٍ لـ محبوب سالي |
|
ياصبـاح الخـيـر يانجــد العـذيه
يابعــد بيروت والغيــم بسمــاها ان بغــوها عشـق والا عنصـريـة لآيمــي في نجـد مايسـوى ثـراها للشاعر عايد بن ضلعآن صح لسآنه مليووون |
|
لاتطري الفرقا على من يودك=القلب من فرقاك يالترف منصاب
أبحرت في حبك على كيف ودك=وسلمتلك قلبٍ شغوفٍ ومرتاب ودربي مشيته لين وقف بحدك=والشوق في قلبي مقيمٍ وغلاب ونصحت قلبي بالوفا لا يهدك =لجلك حياتي والملا عندي غراب أنا معك والله مانيب ضدك =لجلك جفيت القرب من كل الاصحاب |
عذب ، هزآع
صحت الالسن ودآم ابدآعكم |
| الساعة الآن 06:16 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir