الصبح يطربني ونا اطرب مع الصبح= ياحي ذاك الصبح معك انت ياصاح
بعض المحبه في حشاء من قنب ربح = خص مع الي حطها بالوطا وراح
يسبح غلاه بخاطري لو سلا سبح = يلعب بقلبي لعب شاعر بمسباح
انا اشهد انه ذابح صاحبه ذبح=ذبح المقفي مابها رمي وسلاح

سجّل حضورك في شموخ الرواسي
؛؛
ابيات منـقيّة علـى الكـيـف سـنعـه
::
تلـقى الردود الـوافـيه والحـمـاسي
::
وقـت الصـباح اوراق الاشجار ينـعـه
؛؛
سجّـل فـرح وتـرك علـوم المـأسي
؛؛
بعـض الاخبار تشيّب الراس شـنعه

؛؛
نديم الجود

اجي ولف البلد ودور ذهيبي= ياهل البلد ما وردكم بكرة غنجا؟
ادور اليه سنه ورسل مناديبي= من صايب الرمح والمجروح ماينجا
هقويت هقوه ولاني بعل الغيبي=لكن شفت ارقبتها يمكم عنجا

ليله مـضـة مـاهـي بـكـل اللّيـوله

الطيب الي حط عمري ثمانين = كله على شان الغنوج وغنجها
وقرتني والشيب رسم المحبين = ونا حذير عن العلوم وعوجها

العام اودك وودك ود عن غيرك= واليوم ودك يمد وقاصر مده
علي بين مع الايام تاثيرك= ون جا , يبا يقرب الي ودك ترده
الله يعافيك ويوفقك ويجيرك= ماعاد لي فالهواء يا صاحبي شده
هذي تقارير ونته هات تقريرك=امد كفي وكفك هات وشده
اطلب وتلقا العوايض في مخاسيرك= من راس صاحبك شاور وطلب السده

‏ على طريق المجد حثيت الأقدام
في عيني .. الصلف العسير يتهيا
شلعّت مثل اللي بجو السما حام
ماني موقّف لين "احب الثريا

مدري وش اقول مير الله يسويها= تزين بكره ولوقد شان ناظرها
دنياء من الصبر نكسيها ونعطيها= الله يكفي عباد الله مخاطرها

ياجعل ربي ليا خربت يسويها=ولا عسى الله ليا خربت يدمرها
دنيا شقاها على اللي مولع فيها=ورغد على اللي مقفقي مايدورها

جعل من عاض ابن عمك مثل ماعاضه يعوضك= لا تكدر يامحمد بعضها ماهو ضمان
ولا تلوم الوقت جرب مع دوايرها حضوضك= ياعساء عقب الهراياء يرزق الله بالسمان
اطلب الله جعل ربي يرزقك ومسك فروضك=لاتقول الوقت شين ولا تقول فلان خان
والخوي الي كماهو فالمخوه لا يخوضك= دور الي ماقفه يشفيك لاطال الزمان

تزعل وتتتغنج وتقفي وراضيك = لولا الغلا ماجيت لرضاك راضي
انت الوليف وعرق قلبي براضيك = على عبوسك يالونيس اعتراضي
احب مليانك وفيضك وفاضيك = مشغول قلبي معك ماهو ب فاضي

صباح الخير ياقلبي علومك ياعساك بخير=عسى ماشر وينك يانظر عيني من البارح
عليك اشغلت قلبي واشتغل في راسي التفكير=قضيت الليل كله منشغل قلبي وانا سارح
عليك ارجوك طمني لاتتركني كذا مـ يصير=أصارع في غيابك قل نوم وبعدك الجارح

مدري وراني صرت ماني كما كان= اشوف كل الي منول تغير
العام من جول الطواريق شبعان= من بطرتي بيت الحون اتخير
واليوم احاول فتحت البيت دسمان=وارد وعود كن فكري مذير
ونا ولد شاعر وخالي وعمان =يعني لجزلات المعاني مجير
ياوقت من صدقك ماهوب ربحان=انا اشهد انك يازماني تحير
خسران ياوقتي ونا معك خسران= يابوك راسي شاب ماني صغير

الناس وش في خواطرها مهي بالي= الحزن له مدة مرسى{ن} بواخيره
الصبر لمعقدات احبالنا حلي= والضحك طيب عسى فمر العرب خيره

ياريم شفت الوجه غطى على الشمس
حتى القمر ياريم غطى جماله
هنيا منهو فاز بالقرب واللمس
ومتع نظر عينه وحقق مناله
قلبي ترا ياريم شلتيه من امس
وداعتك ياريم روفي بحاله
ياريم لو تقفين صفقت بالخمس
رديه قلبي قلبك اليوم شاله

ياهجوسي عاونيني على جزل القصيد= ودي ابدع قاف من ضيق صدري وشرحه
ماعلي من الجديد النظر غرنوق غيد= عرق دم قلت اقفي بجرحي ما اجرحه
السعاده يوم تبدي على وجه السعيد=مثل شروايه فرح من يوده يفرحه
وسمع العلم الموكد ومضمون المفيد=اسود الليل ان طرالي طواري ما امرحه