![]() |
الجفا مثل الشتاا .. برد وصقيع
والمواصل لـ القلوب أحلى دفاا |
استغفرالله عن كل اللذي قلته
ان كان يغضب اله الكون سبحانه ولوفات شي من الرغبات مانلته فالحمدلله على فضله واحسانه بوحي |
استغفر الله العظيم من الخطايا والذنوب استغفر الله كل ما اركع في رحاب الله واتوب استغفر الله كل مالبس من ثياب الذنب ثوب استغفر الله العظيم... استغفر الله العظيم |
الناس كل على دربه ومنهاجه
وانا من الناس لي دربي ومنهاجي كل يقدي عتيمة ليله اسراجه وانا عتيمي لك الله نوره سراجي ماني من اللي كلامه سبب احراجه ولافيه فعل تسبب لي باحراجي ادل باب الدخول وباب مخراجه والحمدلله اعرفه باب مخراجي بوحي |
مَحْدٍ يِحبَكْ ويِتَمَنآكْ و يِغِيبْ
حتَى لَو ظُرُوفَه علَىَ طُولْ صَصعْبَه ! لَوْ إنْ قلْبَه عَآشْ حُبِكْ بِلآ رِيبْ بِ يِقَآوِمْ ظُرُوفَه لآجْلْ حُبْ قلبَه |
لقيت فـ الصبر خير وفـ اليقين السلام
وسريت نفسي بـ شبعتها عقب جوعها من اول ادنى مايحزني هديل الحمام واليوم اواسي الحمامه وامسح دموعها. |
حرفياً هالشيله خذت قلبي:
https://m.youtube.com/watch?v=dgK3MaBva7Q |
رووعه الشيله
يسلم ذوقك شمووخه ياليت نزلتيها بالصوتيات ؟ |
من هدوء آلليل ياخذنا آلحنين
وعن لذيذ آلنوم يغرينا السهر.. |
ي عُمري تسلميين والله هذا من ذوقكك..
ابشري ان شاءالله بنزلها:).. وصح ذوقكك ي ذوق. |
الله يبشرك بالجنه
وكل خير يآرب |
حيرتني مابين يمكن وياليت
مدري تبيني او بعد ماتبيني ان جيت لك مقبل عن الوجه صديت وان شفتني مقفي تعلقت فيني مدري اصدق دمعتك كل مااقفيت والا اكذب كل شوق وحنيني بوحي |
ايوالله صح لسان العذب دايم
انت يا عذب اكثر شخص احبه في هالمنتدى لا عدمناك و ليتك تنور باقي الاماكن المحتاجه ضوك يالعذب |
اشوف الغير يتهنى بوصلك وانا المشتاق لمعانق عيونك |
عبدالله الصقري ماعليك زود
احبك الله ومشكور على هالشعور الغير مستغرب من اخ غالي مثلك وتسلم على الاعجاب والاطراء وابشر ان شاء الله اكون متواجد دائما تحياتي لشخصك الكريم |
شاعرنا العذب
أضم صوتي لصوت شاعرنا الصقري وأقدم لك دعوه لزيارة سجن الرواسي الاسم يخووف ههههه بس هو مكان جميل كله شعر وابداع وجزاله من شعراء وشاعرات رواسي المبدعيييين |
البرد عابر .. مسألة وقت ويروح
لكن دخيلك لا يجي قلوبنا برد |
جيت اقطفك ياورد وادميت يدي
واللي جذبني لك نسايم عبيرك عطرك يناديني والأشواك ضدي ياللي اسيرالسور وانا اسيرك حتى بوكيه الورد مالم وردي ياباقة الأشواق وشهو مصيرك؟ بوحي |
تفهمك ناس و ناس ما يفهمونك
و تتبع للناس و ناس تتبع خطاويك ناس تفكر كيف هم يسعدونك و ناس تفكر كيف تقدر تبكيك لا تشتري من حاولو يخسرونك و لا تخسر اللي فكر بيوم يشريك |
ياقلب قلي من اللي قدر جروحك
قلي من اللي يهمه يفرح احساسك محدمقدرسهرك ودمعك ونوحك لااحباب قلبك ولا اهلك ولاناسك واعرف ترا النفس معها القلب مع روحك عندك امانة مثل نبضك وانفاسك حافظ عليهاولاتبدي لاحد بوحك بيطيب جرحك مدامه سالم راسك بوحي |
عاد السنين القديمة ما لها مأوى
وبمراحل الشوق ياكبرك وياصغرك ً على كثر ما شريط الذاكرة يطوى مافيه وجهٍ ثبت فالذاكرة كثرك |
نسّيتني روحك وأنا مابي أنساك
عذرك ظروفك والليالي تجيبك لابد شمس الصبح تكشف خفاياك وأشوف لو عن بُعد عيبك وطيبك أما كسبتك وافتخرت بْمزاياك والا ندمت وشمت والله حسيبك بوحي,’’ |
والله مادري ويش ذنب المسافه
مدري ورانا نتهمها بلا اسباب نلومها ونقول والله حسافه انتي سبب قلة مواصيل الاحباب لكن حقيقه من بغى الخل شافه والمهتوي لابديعمل بالاسباب يمشي مسافاته بليا كلافه يجيه لوكانت مشاويره صعاب بوحي |
والله مدري وش يرمي به الفال
والموت ماني ضامنه لايجينــــــــــي انا اشهد إن البعد لروح قتــــــال لاأنا اجيك ولا انت قادر تجينــــــــي لاني ولد عمك ولاني ولد خـــال انا غــــــــــــــــريب بعثرته السنيني لاعاد تسالني وتنشد عن الحال من رحت كل الهم مني وفينـــــــي |
وين اختفوا اهل الهوى هجعة الليل
لاطاب جو اللي بليله يغنون دايم بوسط الليل تحلى التعاليل بين النجوم وسهرة اللي يحبون هم وينهم لازان ظرف المواصيل وش لون لاطاب الملاقا يغيبون ؟! بوحي |
تَركتُ لِرَحمةِ الرَّحْمَنِ نَفْسِي
فَمالي دُونَ رَحمتِهِ؛رَجاءُ لَقَدْ قَصَّرتُ فِيِ عَمَلِي ؛؛طويلاً وَقَدْ أخطَأْتُ والدُّنْيا إبتِلاٌ فإن يَعفوبفَفضلٍ مِنْهُ أنْجُو وإلاّفالحِسابُ هُوَ الشّقاءُ إلهي وَالحَياءُ يُذِيبُ نَفْسِي إذا أدْعُوك ذَوَّبَني الحياءُ أَنَاالإنسانُ في ظلمي؛؛وَعَجْزِي وَأنتَ اللهُ تَفْعَلُ ماتشاءُ |
رفرفت رايات حبك وحبك "انتصر"
وانكسر جيش الحزن لين طاحت رايته . عشت ولا مت طال العمر ولا قصر؟ الغـلا بداااايتـه أنت . . وأنت نهاااايتـه |
ايه انا مع كل صبح يطل يشرق بي امل
واتغنى بالتفائل وارفعه سقف الطموح وارفع الهقوة لشوق ينتظرلحظة وصل وادري ان الحظ في وقت اللقاءعندي شحوح وانتظر ثم انتظر في وقتها نفس المحل يمكن المح في سماالحروة لها برق يلوح وان سرى ليل المحبة واللقاء به ماحصل مالكلمات الحسايف في خفوقي اي بوح ماخذ قلبي على اللي كل ماينزل رحل ومتعود بالهوى صدري على كثر الجروح بوحي |
وش يـقـول الليل ماهـو بالجديد
غير السهر والشوق لملمني دفاه يزورني طـيـفـكـ وأنـا كني وحـيـد أمشي مـع العالم ولـٰكني.. مـعـاه |
عيش الحياة ولا تبالي بما فات
الي مضى ماضي ولا له إعـاده وأستقبل المقبل بخير وسهالات ترا. التفآؤل من أسآس السعآده |
كن المساء هذا عيونه حزينه
من غابت اشفاقه وهو حيل تعبان مدري على نجومه تزايد حنينه والا على نور القمر ليه مابان والا على اللي دايم مواعدينه اللي جمعهم فيه شوق وتحنان اصحابه اللي دايم مسامرينه اللي لموعدهم فتح كل بيبان مدري نسوا والا الوعد جاهلينه والا لقوا عن ساتر الليل جدران من عاف ستر الليل ربي يعينه لأن نور الصبح فاضح لخلان بوحي |
لاعااد تنشدني ترى خاطري شين
وان قلت لي وشفيتس هلت دْموعي لو أنْك تقرأ وش على شاشة العين حَجَزت وأعْلنت السفر والرجوعي |
وفر على نفسك عتاب ، و مضره
اللي حصل واااجد علينا ... وربك لو تعتذر مليون ... مره ، و مره ! ما راح أحبك مثل ما كنت أحبك. |
وتطيبُ دقّاتُ القلوبِ بذكرهِ
فتفيضُ شوقًا دافئًا وعَمِيما هو رحمةُ الرحمن أشرقَ بالهُدى صلّوا عليه وسلّموا تسليما .* |
اللهم صلّ وسلّم على نبينامحمد
وعلى آله وصحبه أجمعين |
بعض البشر ورده على صفحة كتاب
وبعض البشر غيمة امل من نظرها .. للورد انفاس تداعب سما الاحباب وللغيم روح تروي الروح من مطرها |
ليتك بقربي كلما حل ذكراك = ذاكراك دايم .. ليتكم تذكرونا وليت الصدف تولد كما الشهر وأراك = وأشوف وجهك بدر وإلا ترونا وليتك معى وقت السفر وأتحراك = ودي ولكن .. عطلتنا ((كرونا )) |
ههههههه
صح لسآنك شآعرنا الله يكفينا شر الامراض ويحفظ كل بلاد المسلمين |
مما قلت ........
لاصرت في صحتك والحال مستور...يغنيك عن بعض الرفاقة رفاقة منتب على طرد المقفين مجبور ... أما الوصل ولا بلاش العلاقة |
السفينه اللي ما تشيلك تغرقك
والأهتمام بعد الطلب ماهو أهتمام لاتركض ورا اللي بالوصل يسفهك مايراكض وراهم الا رخيص المقام |
الساعة الآن 08:32 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir