يالربع ليش العزوف اليوم وش جاكم=اليوم انا مجتمع كلي وابا اجيكم
نوبٍ مدحدر ونوب اضغط على الباكم=والزبده اني هنا يالساده ابيكم
يا اهل اصفر الدار جعل الرب يرعاكم=راعو بعين شفقه من هو يراعيكم
وتبصروا بالتغلي وين وداكم=وانا من العام ما ادري وين اوديكم
واصغو لصوت المغربل يوم ناداكم=حرام سفهانكم للي يناديكم
ايضيق نفسه بنفسه يطلب رضاكم=ان ما رضيتوا بذا وشلون يرضيكم
ان ما شفا جرح قلبه بلسم .....اكم=من غلكم ما هقى شيٍ بيشفيكم
جمالكم غركم بالحيل واعماكم=كما توقعت قبل انه بيعميكم
ماعاد ابي عطفكم شحوا بلاماكم=عقب الغلا اليوم ما ادري ويش اسميكم

الله لا يرحم مصمم جلكسي=اقصد جهازٍ علقوه اسم بسكوت
عن مسمعي دايم نحاياه عكسي=اثر العرب تزهم ونغماته سكوت
بالكف اماري به واظنه لركسي=واثر مقامه يحذف بخبنة الكوت
ان عاش راسي في عجلات تكسي=تدعيه فيشارٍ على القار منكوت

باسم فخامة حبٍ اقفت ضعونه=مع سكة المجهول سيقت مطاياه
قفا به اللي ناعساتٍ عيونه=وحاديه غنا يوم شانت نواياه
وحالت جبال الياس دوني ودونه=دربه وعر وزمالة المغرم الااااه
جداه عضة برطمه في سنونه=لين انقلع رمسه وشاحت نحاياه
تكفون بالهجران لاتذبحونه=ما اظن يمديكم نسيتوا سواياه
من عزكم ترضون له بالمهونه=من هوسبب ربي يسود محياه
ربي يسامحكم ومنه المعونه=يشفي فوادٍ راح معكم بعمياه

ـليش العتب دام من ودك تعاتب ما اشتقى فيك=طنش لو النار تسعر فيك ما كنك بيمه
واصبر ترا هالليالي طبعها دايم دواليك=مثل ما نسته همك يمكن تنسيك همه
وان ضامك الصبر سل نفسك هذاك اغلى من ابيك؟=سلتك الايام عنه وهو سلى جدك مع امه
ياكامل الزين رح مبيوح جعل الله يعافيك=اللي بنيناه بسنينٍ مضت يهدم بنمه
طاوعت من تجهله في صاحبٍ ماهوب خافيك=ياحيف محييك فيما تعلمه ترجع تسمه