![]() |
يالله صبحهم بالخير والعافيه
صح لسانك يابو بندر وبدنك ولا تفقد غالي انا ارقد الى الضحي وش يجهمني هههههههههههههههههههههه ابو سيف صح الله لسانك وبدنك وقعدة الدار وين لقيتها الله يغربل ابليسك ههههههههههههههههههههههههههههه اهلا بالملكه والله يصبحها بالسعاده ويمسيها ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــ اجلس وخل الكيف يسكب ويندار=وسل السجين اللي نسيناه سله وعن ماتبي بسبابتك يكفي إشار=ومالا يوافق من كلام استزله يخزي ابليس اللي ذكر قعدة الدار=بهقوته اقول ليته وعله يمد فيما يسنده قبل ينهار=ويصير له مقزيه بكره مدله وياصل لبو بندر بوتسه خبر سار=ويكتب لنا قيفان تصلح صدىَ له وراع الهوى لوهو نوى جحد وانكار=اتشاف بمحياه سيما مذله |
صح لسانك يالهواوي
ياسلام ياسلام المهم انّا هيضناك وابرجع أهيضك عقب الصلاه هههه |
ابو سيف/ابو بندر وراهم علينا اليوم=من اشواق من به شوق اثاروا هواجدها العواد اظنه ما كحل ناظره بالنوم=مقزيه من طيش المشاعر توجدها والغنامي اللي ماسلم واتسه من اللوم=حتى الاجهزه يسب ابو من يوردها طيور الوله من صبح تدرج عليهم حوم=تعرض من سهيفات المحيا اموردها وانا صرت في متياهةٍ بينهم منجوم=يحدر بفكري من سببهم مسندها وانا سيف حظي بالشقا من قبل ملحوم=وكبدي فراق اللي تبيهم امقددها لولاها القراده كان ماني بهم ملزوم=اوقع على قبض الفسايم واسددها |
أنا وين عيني يالهواوي ووين النوم=وطواري هواجيس المودّه ترددها من العام وانا من لذيذ الكرى محروم=لين اصبح سهر عين الشقاوي عوايدها ألا وا عذاب اللي من العام لين اليوم=ونفسه بميعاد التلاقي يوعّدها يهنّي قرانيس الهوى بالهوى والحوم=اللي لا اشتهت جابت عشاها بصوايدها |
صحت السنة الجميع على الابدااع والحضور الفاخر
الهواوي,العواد,صحت السنتكم على هـ الدرر الممتعه والمجاريات العذبه لاهنتوا,’’ |
يسعد مساءكم
ولا هنت جميع |
الله اكبر يابو سيف انا عاد معزوم على عشاء ولي رجعه ان شاء الله
اهلا بشاعرة نجد وصح بدنك اهلا ياملكتنا وصح بدنك وحيالله ما جانا |
|
الساعة الآن 03:56 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir