الهروج اللي تجي من مليمت الهروج=ماني بشاري ولا بايعٍ في سوقها
من يطب العوج ماهوب جايب غير عوج=والعقول الناقصه من يصك حلوقها
ماستفدنا من سوالف مفتشت الدروج=غير سب الناس لناس وهضم حقوقها
وكثر اصحاب الرخى حزة الحاجه يموج=كن ربي ما خلق دم وسط عروقها
لو ماسج الرجل ودله مع وساع الفجوج=ضحكتٍ من خاطري ما قضبت سبوقها
ليت الي جنحان مثل الطيور اللي تروج=كان اخلي ضيقة الارض للي فوقها
ودي اخاوي سحابٍ حمولتها الثلوج=اتمتع في رعدها ونوض بروقها
خير من شوفت ردين على النمه يدوج=والرجال محاسبه في ردى منطوقها

تليته وناحر لليماني يشوق عواه=وعقب ما قطع نصف المسافات رديته
بعد شلت صوتٍ تشرح المختفي فحواه=وسوس لي ابليس بماتوقع وهبيته
بسبة طرف علمٍ وصلني وانا ما اقواه=ياليت المعلم كاذبٍ فيه ياليته
كان ابارك لقلبٍ شفوقٍ على لاماه=وكانه صدق فيما روى عنه عزيته

ان كان اكلت اللي لفت فيه غزلان= رح للطواري خذ تنفس صناعي
ياشيب راسي تبي كبسه وطليان=ماللشراهه يابيض الوجه داعي
بكره ابا اقنص للحمي فيه ضبان=يمدح مرقها للبطون الوجاعي