ياللي تحيزم بالسلاح وطبا= علتك ماتنفع بها الاطباء
السيف رده فالجفير وعاين=قدمك خطر ركبتك لا تنجنبا
ولاتحتزم باللي مجيه لحظه=حصان الربع لاجا الطلب تغبا
لو فيه شمس من امس قدها بانت=وعند العزاوي بان كل مخبا
والعاصفه يالذيب جنب عنها=ما انته بماقد تفعله تنبا
وجداه ياذوق الحلا والقشطه=وش ينوكل منها وويش يغبا
ياجعل عذبات النبا يفدنه=لو جام هجره هالشهر منصبا
مانيب يمه لا تذكرني به=ما اشوف غيره بالمها ينحبا

يـ .العاصفه غيري عليهم وهبي=(....) عيون اللي غزاك بعجاجك
من نادرات الشعر جيبي وصبي=تبكي عدوينك ويضحك حجاجك

يازعيم العاصفه لايشحنونك=احتزم بي لو بحر شعرك عميق
غن خل اللي جوارك يسمعونك=من جديد الشعر واحلا من الرحيق
أطرب الزوار لاهاضت شجونك=جر موالك لو النايم يفيق
كلنا يالعاصفي حولك ودونك=عزوتك يالقرم صدرك لايضيق
ان بغيت الشعر صغناه لعيونك=والتسالي برقها يبرق بريق
وان بغيت نْشنّها هجمات,عونك=والله ان نحرق عدوينك حريق
كانهم يالعاصفه مايعرفونك=علمي لَـ .احْزاب منهاج الطريق

العاصفيات لو شنن علينا الهجوم=غبارهن كل مارش السماء يذبحه
حضورهن نص ساعه مايسبب هموم=بريكهن كل ماغارن نبا نكبحه
العود ساعه يطيح وربع ساعه يقوم=وحنا نغبقه عصير وفالضحى نصبحه
والشاعره من هموم الوقت قامت تحوم=الوقت كثرت صواديفه واغار شبحه

الحمض فيه انيس يالراعديون=غزلان جتكم مردفه شاعرة نجد
حنا عواصف للقا مستعدون=اللي سلم منا صبح نهجده هجد
عان المدمر من فعل نجد مغبون=وحزب الرعد نبجد دفاعاتهم بجد
بايماننا سيف السطر لاتهونون=بسجن الرواسي فالنا بيرق المجد