![]() |
جعل اليمين اللـي لـلا نـذال تنمـد تبتر بحد السيف من مفصل الكف لـصـار تـرخـص هامـتـي يـا محـمد انـــا غـنــي بـدونـهـا قـبــل تـنـكـف الغيـث ينشـي و البـحـر مــا تجـمـد وشعيل يرزم والحمل شاله الخـف مايبـلـش الـبـحار فـالجـزر و الـمد لــو الـبـحـر قـــدام مـوجه تـراجف وانتـه حبالـك جزهـا المد و الـشـد تــارد ولا تـرويـك دلـو(ن) تـواكف هـذي حقيقـه و اخذهـا يـا محمـد الـبـاب لـطـاحـت عـراويــه ينـدف نايف الناجي |
يالي بدنيا الحب تنشد عن الحال
هات اليدين ونترك الناس ونروح ماشفتني عن زحمة الناس رحال شايل معي اشياء من باقي البوح ماشي وادور بالفضا راحة البال يمكن الاقي بالخلا حاجة الروح انا هناك بغربة مالها جال جالس واساهرعلة القلب والنوح صحيح انا محتاج للروح منزال قلب يبث الحب ويداوي جروح لكني اصبر لوتعب خافقي طال واكتم عظيم الشوق لوروحي تروح بوحي |
اقتباس:
صح بدنك ولاهنت تحيتي وتقديري |
الصبح هذا من بياضك كساني .. بسمه لها عامين مامرت شفاي !! كن النسايم من شذاها أغاني .. كن الأغاني من شذاها/ هداياي !! هات يدينك مابقى لي مواني .. فيني من اللي راح مايخجل الجاي !! ودي معاك ارجع/ ونرجع ثواني ! لـ جروح طابت / للتناهيد / لـ غناي |
أنطـر منــآي و تــآه منِّي و غــآب
يوم انتشت بالـروح جمـرة غـلاتـك |
تعبت أخاوي في مشاويري الخوف
وأستعجل الخطوة .. إذا الليل ليّل يكبر معي حلم و معاناة و ظروف و جروحٍ أسقيها دموعي .. تخيّل ! انا بسيط أحلام .. يا المملي غرور و " ليالي الوحدة " قديمة ملامح ! اليوم اروح و خاطري منك مكسور وبكره تجيني تبتسم لي و أسامح :) قلت أسافر عنْك و أتناسى شحوبي و مرّ ( جرحك ) بين غفلة و إنتباهة ! ضعت أنا بعدك .. و تاخذني دروبي من : متاهة في : متاهة في : متاهة ! |
بعلمك وش لون تخسر حبايبك
حتى ولو صاروا قريبين منك تقعد تغلا لو الأشواق تجذبك وتكتم مشاعر بالهوى يذبحنك وتعاند الإحساس في حب معجبك لوهي هواجيس الغلا يسهرنك كذا يعدون القطاعة سبايبك وكذا يصدون المحبين عنك بوحي |
ما تبآت العين من فرقا حبيب
لا رعآك الرب يا من لامها |
سبعة الآف عثرة بين وصلي وبينك
والمسافة بعيدة تتعب الي مشاها من يذلل طريق يوصل القلب الينك والأماني دعاها ياعساها عساها بوحي |
جَنيت مِن اَلأَدِيـمْ جْـرَامْ فضَّهْ
وُ لَامونِي عَليه وُ حَاسَـدونِي |
للعيد فرحة وابتهاج ومسره
وتكمل بشوف احبابنا فرحة العيد ياعيد ياللي كل عام تمره قله على لساني ولوانه بعيد جعله يعود العيد مره ومره وجعله على الغالين مبروك وسعيد بوحي |
إن قلت سآلي فـ انا في جوفي الجمره
و ان جيت افيِّض همومي و ين اودّيها |
كنت احسبٍ الغلا زال و اثره لا يزال
فالحشا ما كنه الا دخيلٍ فالوجيه ساقني حبك على الموت وسنيني هزال والظروف اقسى من الظلم للعرض النزيه |
يا ضايق الصدر لاتشكي ترى صدري
يشكي من الضيق ماتاسَعْني ثْيابي يروح يومي ويسرقني وانا مدري كم فرصةٍ رااح فيها الوقت ماجابي |
يا ضيقة الصدر وش باقي على بكره يا طول الساعتين وطول غربالي الليل كله وانا فكره وراء فكره ومن دلة الهم ماهزيت فنجالي ما كنت اضن الحبيب اليا عشق يكره الين جربت فرقا اللي شغل بالي |
يا عين لا صآر من دمعك صفى خمري
أبـ اشربك لين ما شوقي يسكرني |
خلّ في صدرك ..على الدنيا قبول
واعرف ان الشمس تشرق لو تغيب وعوّد لسانك : ليا ضاقت .. يقول الأماني في رجا الله ما تخيب |
انا بسيط أحلام .. يا المملي غرور
و " ليالي الوحدة " قديمة ملامح ! اليوم اروح و خاطري منك مكسور وبكره تجيني تبتسم لي و أسامح :) |
كنا بلا جنحان واليوم طرنا
واثر السما يا صاحبي برد وغبار ياما حلمنا نكبر ومن كبرنا صارت اعز أحلامنا نرجع صغار..!" |
لاتسكرباب خدان السعه والحياة اليوم تفتح بابها اي باب بيسعدك ادخل معه لاتهاب اللي على اعتابها صار كل كيف راسه يتبعه ماعلى الخدام من اربابها مابقى ممنوع والحظرارفعه عن خفوق رغبته ادرى بها لاتعذر بالظروف وتمنعه من بغى الراحة سعى لاسبابها بوحي |
لو يتهنَّى كل واحد بحلمه
ما كان ذاق الغير صافي شفاته |
عسى قبرك عليك أوسع من حدود الفضا والغيب
وعسى نوره مثل شمس الضحى في أعلوّه وقاعه. âپ§â€« |
هز يالوجداان بركان القريحه
خل يطلع ثايره فووق السحاب كمّل الباقي على رووح الجريحه واحْسب لـ غامض هويتها حْساب لين تستوطن مشاعرها الصريحه دولة الحزن ومُعاناة الغياب بين حال المُجهده والمستريحه حايرهـ . والصمت يَجْرَحْه العتاب |
الا ياوجودي ياقصيد{ن} على معناه
يحرك ضلوع الصدر ويشب واهجها ليا مالت الفيه وجا للحن مشهاه هذ يلجم المهره والاخر يسرجها |
قمة الاخـلاق .. والذوق الرفيع
لاتركت الكـبر وأرخيت الجناب وأعتبرت الخلق في عينك جميع كلهم لادم وادم من تراب |
الذوق ذوقك وانتي الذوق كله
وشلون ذوق اللي لها الذوق ذواق انتي كما نجم السماء في محله وانتي كما الورده على كف عشاق |
دآمها عذبه نهآيآت العذآب
خلَّها تقرا جروحي خلَّها كل جرح ٍ خط باب ٍ في كتآب و كل حرف ٍ تلّني ما تلَّها دونها ليل ٍ و نجم ٍ فيه غآب ما سترها لين بآنت كلّها للشفايف دَلّني برَّآق نآب و لا سريت الا أبي أوصل لها |
يا ضيّ قلبي و يا مشعل بذاتي ظنون
يا نازع ٍ من بلابلنا رقيق الشجن ساعة تغرّد تصير اْظلوع قلبي غصون دنى عليها هجير الفكر حتى قضن صحيح ما كل ما يخطر يسمّى شجون لكن أكيد انّ صدق الحبّ لاهله كفن هي كلمةٍ جت من اعماقي و حسّي لحون شهد بها من تعلّق مثلي و ما ضمن و انا على حسّ رجواي انتظر يا حنون معي من الشّوق غير الّلي تشوفه علن |
واذا شاب الغياب وشحّوا المقفين
انا اعرف الليالي طبعها جاحد من اول كنت ادوّر عن لقى والحين اشوفك ما اشوفك .. " كلها واحد " |
يحق لك يامالك القلب والروح
ماغيرك احد ساكن كل روحي بالقلب باني لك بنايات وصروح وسكنت حبك عاليات الصروحي محد قبل عرفك جبرني على البوح الا انت خليت المشاعر تبوحي بوحي |
يا حياتي من هنا لين التقيك
باعتبر احساسنا جرح ٍ وفي |
اشتاق له ويبث شوقه لغيري
وانا على لاماه ميت من الشوق يومي بنيت الشوق باقصى ضميري قفى وخلا بيت الأشواق محروق بوحي |
في أمان الله يـ اغلا من خلق ربي علي
لو تغيب الدهْر كله انتظر ساعة حضورك للظروف احكام وانت ادرَى بحالي من هلي لامتى الترحال وانت تزورني والا ازورك ياوليفي لو قسمت وقلت لك ما عاد لي فـ التشتت أي طاقه كيف وش بيكون دورك |
هلا وغلا بك لو مع الحلم مريت..
لو زار طيفك ناظري يوم صدفه.. ياواحد فوق الأماني تعليت.. قدرك بقلبي ياحبيبي تعرفه.. لولاك في دنيا البشر ماتهنيت.. الناس في كفه وحبك بكفه.. |
اللي طيوفه شاركتني - الاماكن
احزن على ذكراه*ويضيق / بالي |
آه من حبّ عين تشوفني و مـآ تشـوف
ويلهـا مـا وصـل فيـهـا الـمـدى للـفـؤاد تذبـح الّـلـي لـتلـويـع النـواظـر لـهـوف حآنيـه , عشقهـا عشـق الجمـر للرمـاد ياحياتـي . تـرى للّيـل همـس ٍ عطـوف ما سمع به أبـد قلبـك .. ولا بـك سهـاد لاتخـالـف شـعـور ٍ دايــم ٍ لـــك يـلــوف مـنّـه الـحـبّ زآد . و منّـه الـوجـــد زآد شوفني شوف من جرّب عذابه صنوف بـيـن شـرهـة فــؤآد و بـيـن لايــم وداد الليــالـي رمــت يـآمـا ألــوف و ألــوف و الـزلـل جــوده لـيـا قـيـل زلّــة جــواد المحـبّــه سـمــا فـيـهـا أمـلـنـا يـطــوف و الوطـن بالقلـوب اللـي تـقـود و تقـآآد لا تجـرّد مـن اْرمـوش المجافـا سيـوف روف بـي قبلـمـا يسـهـرك لـيـل البـعـاد يــا حيـآتـي تـعـال ولا تـقـول الـظـروف لو زهمت اْمتـوفّي مثل ماازهـمـك عـآد خـل قلبـك عيـون ٍ هآيمـه .. ثـم شـوف و البـلا كـان مثـل العيـن أصبــح جـمـآآد |
اجي عاني على حروة لقاك وفي يدي ورده
واحث خطاي لدروب الغراب وخافقي مسرور على شوق يسيرني على طرياك من مده مشيت الليل لعيونك ودرب معتم ومهجور وهوجاس الهقاوي يطرق الخفاق وارده اخاف اوصل عتب بابك وارد وخاطري مكسور بوحي |
يا ليل خبرني عن امر المعاناة
هي من صميم الذات و الا اجنبيه هي هاجس يسهر عيوني و لا بات أو خفقة تجمح بقلبي عصيه أو صرخة تمردت فوق الاصوات أو ونة وسط الضماير خفيه أو عبرة تعلقت بين نظرات أو الدموع اللي تسابق هميه أعاني الساعه و اعاني مسافات و اعاني رياح الزمان العتيه |
الضحك عند الي مروق مزاجه
والا انا ضحكي اجامل به الناس حتى ولوالقلب يضحك حجاجه تبقى عروقي والمعاليق يباس ماني من اللي يكثرون اللجاجه لوكان جوي من عنا الوقت منحاس سبة خفوق صار مثل الزجاجه مثل الغريب اللي مع الناس حساس يخاف من شي يسبب احراجه ناس تلوم وناس بتقول لاباس بوحي |
•
وش حنينه ؟ لا تسولف بالحنين لك زمن غايب ولا همك أحد لا تدور وين هذيك السنين انتهت لا احساس باقي ولا وعد صرت انا وقلبي لبعضنا عاشقين كل منا يصون ويحفظ العهد خلنا .. ما دام حنا سالمين ليه جيت ؟ اشتقت تجرحنا بعد ؟ . أسوأ انواع المشاعر تدري وين ؟ لو تحب انسان . ما يشعر أبد ! |
الساعة الآن 09:34 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir