غرد معي جاوب صدى الصوت بالصوت=وارسم على طابع حروفي حروفك
إلى متى واحساسك العذب مكبوت=تعال بدد يا هوى البال خوفك
يكفي غياب وصمت يكفيني سكوت=وين انت لازم في تويتر اشوفك
الموت شفت الموت لو عذرك الموت=( 20 % ) اقدر ظروفك

نديم القوافي

المشاركة الأصلية كتبت بواسطة محمد العواد (المشاركة 468985) صح لسانك راع العليا شرفنا حضورك يا عاشق الحماد ------ ----- يا مرحبا والله بطير الحمادي حرّ خلاوي بالخلا نقّض الريش ما تل من كف الغشيم القيادي بارضه ينتّش صافق الخرب تنتيش عزي لمنهو حب ريم البوادي وعاف المنام ولذّة الزاد والعيش

المشاركة الأصلية كتبت بواسطة عوض الرويلي (المشاركة 469081) صح لسانك وبنانك ندبم القوافي مفرداتتنعش الروح دمت كما تحب

قالوا بقى بالقلب للحب باقي=قلت الهوى كله تركته من العام
وبقى حريفٍ في كلامي الحاقي=يصير به ردي على من سأل تام
به منزلٍ بالصدر قرب التراقي=يحتله ضويحك ذهب عذب وزمام
ادعج غنج مكتمل الاخلاق راقي=يصيبني لا ابطا على شوفه ضرام
تقديم يستكمل عليه السياقي=ما ارتاح حتى الم في ذكره المام
خفير فك القيد مثر بساقي=تسجن هل التقوى تفك اهل الاجرام
ان كان ذا ديدنك عندك نفاقي=استودعك ربي وودعك غشام
علق بمروحة السجن له عراقي=خل الحبال وكلبش النجس باسيام
وجهز من الاشغال مالا يطاقي=بها يكلف كلما حاول اينام

حييت يامن بيرق الطيب حازه=في قمةٍ ياقل من هو وصلها
لو كنت ابا اترك بالجواب احترازه=واراجع الوجهين قبل استلمها
لكل ماضي بالفواد اهتزازه=ذكرى تميل النفس واتدنق إلها
وامرٍ خفي يصدر لهجسي ايعازه=وانا احتفظ باوامره واختزلها
طوحتها يامسندي في مفازه=وانته ذكي قص الاثر وانتسلها