لعيون غزلان ابااجيب القصيد وله يشيلون=اعضا الرعد والمدمر مهنتةٍ ما احدٍ لقاها
اليوم وامس وقبل قبل امس ياهل العرف تكفون=لازول شفته ولاصوتٍ سمعته وش بلاها
لوصحت قال الخلي العود يوم ايصيح مجنون=لهم قلوبٍ فراق الولف ما يثر علاها
عليه انا امون قبل وهو عليه دايم ايمون=عدد نجوم السما اكثر منه انا عندي غلاها
لو الرعد والمدمر والمطنخ لي يلومون=لا اناوح الورق واجيب الذيابه في عواها

غشام حطك ي الهواوي بـ مخباه=حتى ولو انك بـ نفسك توّرا
منته بـ قد لـ حزبنا لا عدمناه=دايم يشوتك شوت ي العود برا
ناصر نعرفه زين مـ اقرب معشاه=رجله على درب المقابر تجرا
هرش ً من الايام طاحت ثناياه=وفارق هل الدنيا بـ خير ً وشرا
لو يرفع لـ صوته لـ حزبه وينخاه=يزيدهم همّن وغمّن وحرا

سلم على ناصر عبييد الهواوي=حبه على خشمه وراسه وقلّه
انك بحكم العز مثل النداوي=حرٍّ على روس الرجوم المطلّه
لاهنت يالوجه البشوش الحفاوي=ارق لسماك وهرج غشام خلّه

طالبك يالمهره لاجيتي تروحين=يم الديار المبعدات اوصليني
لللي هواهم وسط قلبي من سنين=يزيد لازادة عليه السنيني
وان كان يابنت الرجال الموامين=ماجاء ببالك يمهم تاخذيني
اخذي سلامي واوصليه المحبين=سلام واشواق وغرام وحنيني