بلاقع رحاب السجن ما مرها ديار=ما ادري وين راحوا ربعنا يالله الخيره
االا وحده تبكي على حزيبها المنهار=ومهره تزغرد حزبها طايرٍ طيره
مع العاصفيه حق لوهي تطق الطار=ومع الراعديه حق لو صارت بحيره
ماتنلام يمكن غرها لون عشب الغار=والا هي ملكة المنتدا صدق/ وأميرَه
وحزب المدمر ذاب ما كن شيٍ صار=على باب كوخ الحزب لجت عصافيره
مزاحمته اقفو واعطواته ماهم حضار=وغشام من شهرين ما شيف له ذيره

شايبي ناصر على مذهب ومله=مير ما ادري ياعرب وش عاد دينه
كل ما اذن قال صل الفرض صله=والتقى مشيوف عاما في جبينه
وان بغاء شوف الحبيب ولاحصله=مابقاء ياكود يلعن والدينه
والهنوف تطول الحبل وتتله=لين بان الصوت في جوف المكينه
شاربٍ سحرالهواء من جوف دله=من يسار الزين مدري من يمينه
المهم اني بزيد الطين بله=قبل لاناصر يزيد الطين طينه

ياخفير السجن ويش الوضع بالله=السجين اللي وراء القضبان وينه
انت متأكد!هو اصلا في محله=الوكاد انه سجين وفاقدينه
العضياني نبا نشطب سجله=كل حزبه من زمان مشطبينه
مير رح للعود يالسجان قله=في رواسي نجد بمري ساجنينه
كان عيا كتفه غصبا وشله=والكلبشه بالرجول وفي يدينه
وانتبه لاتكسره تراه عله=منكسرمدري مكسرته سنينه
مشيته لاجاك واضح فيه خله=الله يعين العرب والله يعينه