الصمت حكمه والحكي مــصدر إفلاس ..
........... ولقيت في صـمـتي يزيد احترامي
الصمت له معنى وله ذوق وإحسـاس ..
........... مركب نجاتك في بحـور الظلامي
الله خلــق خلقـه علـى عــدة أجـنـاس ..
........... وكلــن يسوقـه مذهــبه للأمـامــي

ياجمرة الحب لا تكوين لي خاطر
يكفيك منى لهيب الشوق حسيته

يمرني طيف مايطري على الخاطر
وان غاب عني خياله .. كم تمنيته

عبدالله

اقتل ظنون الأمس ، مع طلة الشمس
وإشرق بروحك لين ، يغرب وهمها
.
النفس وإن كتّم نسمها من الأمس
الصبح ينعشها ، وينعش نسمها

‏فيك الرجــاوي يـ إلهي ما تخيب
انت الستر يا خالقي وانت الذرا

اغفر ذنوبي كلها عن ظهر غيب
انا - وابي - وأمي ومعنا من قرا

صح لسآنك عذب
بس ناقص الشطر الاخير
ليكتمل الابدآع
اكيد سقط سهوا
ههههه

يا رب ../

لآ منِّي ذكرتك وصليت
وذكرت عفوك وإنك لا ضقت " عُوني "
ضحكت ...
ضحكة طفل لاهي وسجِّيت
وما همنِّي ,
لو الجميع [ خذلوني ] ..!

يا عيون اللي من ظلاله مذيّر
مايداني لمحة العين البصيره

من قوانيص الضبا قدهو مطيّر
شايفٍ شحن البنادق بالذخيره

فيه من عنقه ومبسمه الصغيّر
والعيون الناعسات المستديره .

ودي لك ابوح سدي يابعـد حيـي
لكن نفسـي تعارضنـي بعزتهـا

محدا سهر ليله و غنا بـلا شيـي
اكيد يشكي من الظيقـه وحزتها

جرحك .. هو اخر سالفة هبّها الريح
‏في ليلةٍ ما للعتب ( صوت هادي ) !

‏تكفى من عيوني و هقاويّ لا تطيح
‏ما أرضى تصير بعمري إنسان عادي

عامل الايـام غير مفاهيـم الحـروف
والسحابه ضايع(ن)عرضها فى طولها

دارت الايام والوقت طبعـه مايـروف
البقـا لله و النـاس حسـب عقولهـا

‏ياللي عطيت الشوق زهرة سنينك
‏لا تاخذ الماضي على محمل الجاي

‏فـ البرد .. ما ينفع تسامر حنينك
‏فـ البرد هذا ينفع تْكون نسّاي !

ما يجعل الأحرار مثل المماليك
الا معاريف الرجال أبّعضها

عكاش العتيبي

من معطيات التجارب واختصار الكلام
انجح عقول الخلايق ..... فالزمن اربعه
من فضل الصمت لا زادت هروج الانام
ومن ينثر الطيب لا شاف العرب تجمعه
ومن شاف زله رفيقه ...في طريقة وشام
ومن بر في والدينه ........... بره بينفعه

الشوق من نظرة محاكأة العيون
يذوب مثل الثلج من شمس النهار

انتي لنبض القلب منـــي قريبه
نبض" سكن قلبي وعاش وتربا

يا نبض قلبي يالعروق النجيبه
اللي على ساس الغلا مايكبا

تدللي و اللي تبينه نجيبه
والطيب كاسه يالغلا لك يصبا

‏
حي راس (ن) مـن طناخـة شاعـره يقـدح جزالـه
الجـزالـه مـوطـن(ن) لــه بالـوفـا يـقــدح شـــراره

مايشـاف الا مــع اهـل المعـرفـه واهل الرجالـه
صيرمـي (ن) بالوفـا والطيـب مــا يـعـرف قــراره

حنا ماندخل ساحة البيع والسوم
ولا نطبها من يوم ربي خلقنا

شيٍ على الفطره ولا يدخله زوم
حنا بدو يعلم بنا من عرفنا

لآ تقول آبغى , وفآء وآبغى حنينْ
( الهـوى ) كلّـه دروبِ عآآتمـهْ ..

(لآ طلبت آللّه ) . . عليك بِـ/ حآجتينْ
آطلب آلجنّه / وحسن آلخآتمهْ

كلبش زعيم القوم لا ينحـاش لـو بدقـاق سيـم .. حظيظهـم مـا ادري عنـه مـا فيـه حـظٍ واعــدي
بعد درست اوضاعهـم هـذا هـو الـراي السليـم ,, لـكـن غـطـه فـروتــك وانـطــل عـلـيـه الـجـاعـدي

ياشاري الورد لا تجرح شعـوره ..​
...............مابين ريحـك , وذوقـك , والأناقة

الورد لاجيت له تلغـي حضـوره ..​
..............معروف / من يهدي الباقه لـ.. باقه ؟ !!

جايز تموت الهقاوي والخطآ وارد
وش حيلة اللي شعوره دايم مخيّب

خلّك على صدتك بشعورك البارد
مثل صدود الردي لا واجه الطيّب