|
الله يا بعض الناس فيها لقافه
تبحث امورٍ ...مالها خص فيها طفاقةٍ ... ياكبرها من طفاقه متعوده انفوسهم ... تشتهيها . |
يامساء البعد ياليل الصدود مجتمع في ليلتك برد وجفا جيتك وكف الغلا يحمل ورود جيت لك والقلب محتاج لدفا مالقيتك ليل توفي بالوعود والقمر ليلة ظلامك ماوفا بوحي |
البعد لو به خير ماكان خلاك ,, تقطع من عيون المحب اتصالك
مااكثرك فالصده وفالوصل ما أشواك ,, الكبر لله (لآيغرك جمالك ) خليتني للبعد والبعد قساك ,, خلاك تنسى وآحد قد وفالك |
يابادعٍ همس القصيد ومعانيه
مهلك لاتجرح عازف الناي مره نغم الطرب بعض العرب ماتدانيه لو سر قلب القلب الاخر يضره عبدالله |
بـعـض الـعـرب يـسـوى عـدالـه مـلايـيـن .. مـثـل الـذهـب يـشـبـه جـديــده قـديـمـه
مـاهـو مــن الـلـي رفقـتـه يــوم يومـيـن .. هـذا الرفـيـق الـلـي عـسـى الله يديـمـه للطـيـب خــوّه تـرفــع الـــراس والـعـيـن .. ولا الــــردي فــرقــاه عــيـــد وغـنـيـمــه اللـي علـى كـسـب الجمـايـل حريصـيـن .. دامـت شمـوخ اهــل القـلـوب السليـمـه ولـيـا تـخـلـوا عـنــك نـــاس(ن) قريـبـيـن .. يـجـلـي هـمـومـك والــدمــوع اليـتـيـمـه الذاهبه |
وقــت الـغـرووب الـمـوج لاصــار هـــادي أطفح على سطحه مع الهجس وارووح متـعه ولـذه يـنـتـشـيـهــا فوادي لاصـرت فـوق المـوج واسترسـل البـووح |
يا شروق الشمس من عقب المطر
يرتعش مثل الذهب فوق الغدير يا صباح العمر طاولت السهر في رجا الله ثم جذاب النظير |
نصبر على وقتٍ به الزين والشين
لان العمر مهما حصل فيه فــاني وإنغيّر الروتين من حيـنٍ لـ حيــن لاجل السعاده ماتجافي المحاني |
صبري نفذ وانت صبرك دوبه ودوبه
والعين عيـت تظـم رمـوش حاجبهـا مـكـنـهـا الا مــــن الايــــام مـذنـوبــه والا زمانـي عـن الاشــواق حاجبـهـا |
آسف لوان الظن في الحب خايب
ياليت تقبل لو سمحت اعتذاري في عالم العشاق مخطي وصايب مكتوب والمكتوب فوق اختياري وان شفتني قفيت فوق الركايب هذا قرارك انت ماهو قراري ياما القدر فرق ربوع وحبايب والي كتبه الله لابد جاري بوحي |
ان كان شمس المواصل آذنت للمغيب=قولي لليل الشقي لا ينطر طلوعها
عساه يرضى بما له قدر ويستجيب=لايامه اللي ما اظنه يدري بنوعها |
كثر الموآصل بآلهوى مآهو بزين ودك بخلّك بين مده ومده لآن البني آدم مآترك طبعه الشين لآ حَب له شي وشبع منه هدّه لكن لآ منه جآك من حين لي حين قدرت جيآته وقدرت صده وإن قلت آبيك وقآل مآهوب ذلحين لآ تضآيقه يمكن ظروفه تحده |
يا وقت نايشني صلف ليـه ايـام
وانته قليل احسـان مابـك مـروه غيثـك يمنينـي مـن الـعـام للـعـام ولاشفت اناغيثك ولاشفت نوه ياوقت حنا ننطـح الزام بالزام بس انت مالي فيـك حيـلا وقـوه راحت حياتي كلها اوهام باوهام وانتـه تقـول الخيـر ماجـاك تــوه |
صحت السنتكم شعرائنا المبدعين
وصحت اذواق متابعين الشعر على الانتقائات الذوق تقديري لكم النجلاء |
بارك الله فـ القصيـد وفـ القلـم لاضـاق صـدري
يشـرح الخاطـر وهـذي حيلتـي واقصـى جـهـودي وان كشفني حرف شعري واسألوني قلـت مـدري والا من نسج الخيال وضاع من يبحث سْدودي |
عـزي لقلب حطـه الهـم نيشـان
رمح العنا بين الضلوع استقرا ياقلب لاتحزن تراالوقت لوشـان لابـد بعـد العسر ياتيك يسـرا بوحي |
يا راكباً حِيْل بروسه لجاجة
مضرّيات للمسارى والادلاج لا روّحن بالدَّوْ كِنْ انزعاجه سِفْنٍ حداها بالبحر بعض الامواج سفن البحر سود بروسه فجاجه ورقابهن زعاج من يبس، الامواج |
تعالي ياهجوسي بالهنوف اللي غدت بالقاف
كتبـت الشعـر لعيـون الهنـوف وشيـبـت قـافـي وانا خابر حروف الشعر من غيرك على مهياف وانــا كـلـي عـلـى مـهـيـاف لضـيـعـت ميـقـافـي اثر بعض العـرب يـا نـاس يعشـق لو ماينشـاف ويعشق مع حروف الشعر لو بالعين ماشافي |
طال الطريق وهالمشاوير طالت
وياشين هالطرقة بليارفاقات ومن التعب روح الكلافة تهاوت ماتت ظماوالدرب مابه محطات طاحت على رمل المهالك وماتت مالومهاوالدرب كله متاهات بوحي |
عليه الله أكبر شاق عيني حمام الدوح
على الغصن يسجع والهوى العذب يومي به وانا طول يومي فالحديقه واجي واروح تعمّد يهيض خافقي ويش اسوي به رقيقه,حقيقه ضيقه وخاطرٍ مجروح تلوفه هواجيسه وتقبل وتقفي به أمانه أمانه ياحمامه بلاش النوح قبل لاتجود العين بالدمع وتجيبه |
عيونك يالمهاة الي تناظروالرموش سيوف
سهت فيها القلوب الي سعت للموت شفقانة على حد الهدب ذابت ومدت للهلاك كفوف تصافح به هدب عين خلقها الله نعسانة دعاهاداعي عيونك ولبت بالنظروالشوف سرقها رمشك الساهي وعين بعين هيمانة ترامن ناظرعيونك يشوح بناظره مكسوف تموت من الخجل عين تساطع عين شيهانة وانامن نظرت عيونك وقعت بساحتك مكتوف اسيرك يالعيون الي بزين الكحل مليانة من قصيدي |
قال أبقفي قلت شف ذاك الطريق
امش في منحاه والا مفرقه و الطريق اللي بلا خل ورفيق ما يوسع خاطر اللي يطرقه منته ملاقي مثل صدقي صديق في مغيب الكون و الا مشرقه سعد علوش |
على جديد الشوق سجل حضوري
وعلى قديم العهد ي رواسي جيت �� ﮼ |
تعودنا على مر الزمان وقسوة الأيام
ودنيانا تعلمنا ولو ان درسها قاسي نعرف ان المنى حلم وقليل تصدق الأحلام مثل حاجة تمناها صعيبة في يد الناسي قليل التجربة يمكن يعلق رغبته باوهام وانا ياصاحبي عندي تجارب مالية راسي بوحي |
ياحبني للبرد ياحبني له
ليت الفصول الاربعه كلها برد لَـ اشتد يازين الشتاا وزين ليله وقطر الندى لـ اصبحت جامد على الورد |
اكتب وكن الشوق فيني قصيدة
تشرب من انهار المحبين صافي مشاعر العشاق فيها اكيدة واحساسها فيض من الحب وافي تحكي هواها للهنوف الفريدة من هاجس ينظم غزير القوافي لوقلتها في جو ارض جميدة يمديه صار بنارالأشوق دافي من بوحي |
يسم البدن فرقى الحبايـب ويبـرا الحـال
ولا ادري متى بتْزين واسلم من الفرقى طواني الهيام,وهد حيلي,وصبـري طـال ودكت ضْـلـوعـي عـبــرةٍ تـنــزل وتـرقــى |
سوط السهر جلاد عين المفارق
علّم على جفن الحزين وتجبّر اول يعاف النوم مشتاق طارق يجي على الحروات ولا يتأخر واليوم عن شوف المواليف عايق مع قسوة ظروفه حظوظه تعثّر عابر .. |
يا عسى قبرٍ حواك ماينطفي نوره
ويا عساك في روضةً من رياض الجنة. |
آآآميين ^^
حبوآ من تحبون .. من غير تقصير وأعطوا بلا منه .. وعيشوا بلآ غيآآب ! وإن شحت الأفرآآح .. فإستبشروا خيير ماصگ بآب الـآ فتح غيره " ابوآب " |
الله يسامحني على كل مافات
واقدم لقلب الغرام اعتذاري اتعبته بدرب الهوى لين مامات ماكان يبغى بس هذا اختياري كنت احسب اهل الطيب فيهم علامات لكن خدعني بالبراد المذاري بوحي |
محـتـاجـتـك يــابــوي والــلــي خـلـقـنـي
ماغـبـت عــن عيـنـي ولايــوم يـابـوي عقبك عشقت الحزن مدري عشقني يشكي لك الوجدان لـو مانطـق فـوي |
مــادريــت إن الـــفــراق أكــبر
“خطيه” واللقا يقضي على كل الخطايا!! فــي حــضــورك عــيــني بــشـوفــك “ثــريــة” وفي غيابك مابقى فيني بقايا!! صــاحــبــي…وانت شـــفت طيـــبي لك “هديـه” وش شعورك دام كلــــي لك هــــدايـــا!! |
يَ الله ، عسى كل " الليالي " لنا خيَر
و فيهـآ .. الحّظوظ الطيبه ' تحَترينـآ ' |
سرى بي هاجس افكاري على ذكرى زمان فات
وانا في عالم الماضي اقلب دفتر اشعاري لقيت بصفحتي صورة بها نبض الملامح مات جسدها من سبايب هجرهامن لونهاعاري بغيت اجمع ملامح صورة فيها الغرام شتات ولكن الجفا غير ملامحها من افكاري بوحي |
كيف مدري وين وصلت حالتي الله عليم
من بعد ذاك الغرام اللي علي الخافق طرا ان ركد عقلي وجاشي زارني ذاك اللئيم هاجس ماقد رحمني وبدد احلوم الكرا والله اني بعين ربعي رجل مايفنيه ضيم وقبلهم في عين نفسي مادنت نفسي ورا فيصل العدواني |
يابرد ماتبرد لهيب المشاعر
اللي حرق قلبي وأنا ميته برد |
ابغاك من بد الخيالات واقع
وابغى اعيشك في حياتي حقيقة يمكن خيالي بعض الأحيان واسع لكن لقيته للتلاقي طريقة بوحي |
البـــرد شبّـــع جـــــرد الأيــــام تعذيـب
وأنا ضحيـــــة بـرد وأيـــــام وأحبـــــاب ياليــــل مالي غير حضنــــــك معــازيـب خلك معـــي لاشحّت وجيــــه الأصحـــاب |
الله لايهينكم .. مبدعين ,, يالغوالي ,,
|
| الساعة الآن 02:30 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir