العام انا لك وجسمي مثل روحي لك = واليوم ما اعطيك لا جسمي ولا روحي
لالا تعذر ولا تتعب مراسيلك = يكفيني الي حصل ولا انت مسموحي

ياقلب توجعني ونا منك موجوع= وكل{ن} يشخص علتي من مزاجه
الوقت ماياتيك بالكيف والطوع =والحر يفرق عن فروخ الدجاجه
وبعض الجروح ايبن والصبح مرقوع= والجرح صدة من تبا منه حاجه
علم براح وهاتف{ن} صار مقطوع =ياشين درب فيه كل انحراجه

ياضيق صدري يا اريش العين ضيقاه=ودي ولكن ماتجي مثل ودي
القاه في بعض الطواريق ونخاه= ورجع على هاك المخده بخدي
تكفا طلبتك كان للي طلب جاه=انك عن الدنيا وهلها تسدي

تدرين ويش اخر علومي من العام = طاريك ودموعي بعد ذقت فرقاك
افرح ليا طار الكراء والعدو نام = اسولف الحالي وعاتبك ونهاك
وقول ربك حرم اب دين الاسلام = القتل ما من ذنب غير انه اغلاك

وش في عيونك مكدرها ومسهرها = ماهي بعاده تكدرها وتشقيها
لك ناس تزعل ولا تبدي مشاعرها = تكتم وتصبر على شانك بما فيها
محمد الروقي

حان السفر ياسرع الايام سرعاه = ذكراي عندك ونت حسب الوفاء فيك
ون غبت عنك وجاك حي تمناه= اذكر ترا الي غاب ماهو بناسيك
محمد الروقي

الله انه يقلع الجيزه ويقلع من سكنها = عشرة ايام وعيني ماتشوف الي توده
ماتشوف الا العجوز تشيل فرختها وصحنها=والفتى منهم لزومك لو نخيته ما يسده

كل مامريت قاف شفت دمع اصحابه = نعنبوها ذكريات غربلت صاحبها
ون طرالي ماطرالي ويش جاب اسبابه= اعرف العله لاني من قبل شاربها
ياعميلي من نساك العام سكر بابه=والعباد المقفيه وشلك ورا مراقبها
راح ابو مشعاب ماجاب العشاء مشعابه= هذي القصه كبيره لو جحد كاتبها