الله عـليـكـم يالـرواســي مــبـدعـيـن
............حضوركم يشفِ الكبود وطبها

يالنخبه اللي في رواسي حاضرين
............بسـبابـكم فـيـنـا تـعـلق حبـها

السلام عليكم ورحمة الله وبركاته
صبحكم الله بالخير جميعاً
وصحت ابدان الجميع
وصحت السنتكم
ولا هنتوا على هالتفاعل الطيب وعساكم على القوة دائماً
اما بالنسبه لابو عبيد مادام دخلت على ابن نجم سلمت ههههههههه
والمعذره يالربع والله اني ودي ان مشاركتي هذي بقصيده مار والله مامن فضوة وجو المدينه مايساعد ولو بواحد بالمية مير تاتجي لو غصب ان شاء الله
واحب ابشركم انه بعد اجتماع على طاولة المشاورات وبحث الاوضاع السياسية في المنطقة مع ممثل حزب المدمر وتحت قيادة الفريق ركن طيار/النجلاء
تم التحالف مع حزب المدمر ودعم الحزب دعماً لوجستياً ومعنوياً ياويلكم ويلاه ههههههههه

مرحبا ومسهلا يالمدمري
حياك الله وبياك اولا في رواسي نجد وثانياً بحزب المدمر
اعتبر نفسك ظهير امين لغشام واعانكم الله على الاعدا

بعد اجتماع المدمريه
كتبت هالقصيده
وسميتها قاصفة العاصفه


هههههههههههههههههههه

صحت السنتكم يالغوالي
الهواوي
غشام
الغنامي
الفراج
الغبيوي
الناقد عبدالله
سجين الرواسي
هماليل
شاعرة نجد
غزوله
متذوقي الشعر
رحولتي
مهوره
جوجو
خوخه
نجوله
يسعدكم ربي ويسعد صباحاتكم

.

.

معاد أشتاق
تعبت فراق ..
نثرت الكون في يديني ..
ورغم هذا شعوري ضاق ..
فقدتك حيل
ومع فقدك ..
فقدت الحيل ..
فقدت أحلى صباحاتي ..
وكلمة " ياعساك بخير ! "
أنا بسألك في بُعدي ..
عرفت الخير ..!
ياماخذني من أنفاسي ..
وتاركني بدونك طير ..
حلّق في سما النسيان ..
حلف يرميك ف الوديان ..
ويهجر كل مساحاتك ..
إلين يحسّ بك ندمان ..
وتبي تعرف ..
عن أحوالي بعد عينك !
ولايهمّك ..
تفضّل وإسمع اللي صار ..
.
.

عشقت الهم وآهات الحزن دلّت عناويني !
نظمت الشّعر ب إحساس المواجع لين بكّاني ..

كرهت النّاس يانبض الموادع من يواسيني !
تصوّر من بعد عينك ! لقيت الكل خلّاني ..

تقوقعت ف بحر ذكرك ولا حسّيت في عيني !
تهلّ الدّمع وأتراجف .. إلين تسيل ودياني ..

بكيتك : إيه ياوجهٍ عرف وشلون يحييني !
نكرتك : لا مااذكر وأنا بك كنت أنساني ..

يقولوا إنك بدنياك عايش | ماتناديني !
أفا معقول هالعشرة يبددها شخص ثاني ..

أنا من لحظة وداعك إلين اليوم | أجفيني !
بغيت أنسى .. ولكنّي هويتك كثر أحزاني ..

حي الله روابي
منوره حزب الرعد
وان شاء الله تطيب لك الاقامه بيننا ياحلوه

.
.
.


ياقلبن كان حاويني
بردّ أسألك من ثاني ..
صحيح إنك خلاص نسيت !
سمعت إنك بعد حبّيت !
أنا ظنّيت ,
ماتقدر !
ولاتفكر ..
لإن الجرح مايصغر ..
على قولتك ياقاسي ..
طيّب ليش !
ماتعرف ,
ب أنّي من هواك أعيش ..
أنا أتنفسك لو تذكر ..
ودايم ردّك التنطيش
ولكن عيش
وأبيك بقد ماتقدر ..
تخون العيش ..
وأنا آخر شخص في الدنيا ..
يفكر إنّه يخونك ..
لأني بكل بساطة حال ..
بدونك جد | ما أبيني ..