عليك الله اكبر لاتزيد الجرووح جْروح
سؤالك وموالك يجدد هوى الماضي وانا ودي العب بس صوت الغلا مبحوح يروح ويعوّد لو رفعته على الفاضي |
يابعد كل الحياة وياخلف جد الأماني يامعاني للوجود اللي لعمري مستديمة والله اني لو اعيشه بعد عمري عمر ثاني كان اكرر في حياتي قصة الحب العظيمة بوحي |
لا تـلمس الجرح يا معود وصبحا عزوم .. الـبرد فتق ضلوعي وانت دوار صيت
ضيعت عمري اطاول في حزومي رجوم .. وايست اباقول كل الشعر في شطر بيت لا الـوقت وقتي ولا حلومي تطيع وتنوم .. ولا الركايب وحادي العيس ترضيه ليت ذهـايب الـذود راحت مع ذواهيب قوم .. لا صـار لك الف قوماني فلك الف بيت ترى اصعب الموت موت يذبحك كل يوم .. واصعب حياتك تعيش وانت جواك ميت اواه يـا طـول عمري لا حسبت الهموم .. يـا كـني اكبر من الدنيا ولا قد شكيت |
كنّا بلا جنحان ، و اليوم طرنا
واثر السّما ياصاحبي عجّ وغبار ياما حلمنا نكبر ، و من كبرنا صارت اعزّ احلامنا "نرجع صغار" |
معطيبالاصلتربطناعلاقهوصل وانغابعناوسيعالمعرفهنذكره والود .. بقلوبنايزدادمهماحصل الياحضرنشكره .. وماحضرنشكره عبدالله الذيابي |
والله ان سدي على هلت العبره متين
بس .. لا فاضت عيوني تلقيت الخلا ٰ اتهشم والصدر ممتلي شوق وحنين قل صبري للفرج .. بس ماقل الغلا .. |
من صفات الشاعر الجزل عنوان الوفا
...................... .....والجماله والشجاعه وبر الوالدين |
يامشعلٍ نار الغرام ولهبها
وسط العروق اللي من الشوق يباس ماتدري ان النار تاكل حطبها ! ولا ماعندك شوق وشعور واحساس ؟ |
الجمـال يمـوت و الأخـلاق تبقـى
والحلا فالروح ماهو في سواها . البشر بـ أخلاقهـا والـذوق ترقـى ما تزيد أشگالها من مستواها |
لو يحبك ما ترك عينك تنام
الا لما تكون عينك راضية .! يمسكك بيدينك لعُمره أمام يرفض انْه يكون ذكرى ماضية المحبّة ما هي بـ كثر الكلام كلّ كلمة "لو هي حلوة" قاضية حبّ ما به غيرة وخالي اهتمام ماهو حبّ .. الا سوالف فاضية |
ربي يسهل خطوتك قدّ ما صرت
أجمل محطات الرضا في حياتي و الضحكة اللي كل ما شفتها طرت اللي تلملمني و تقوى شتاتي كانت خياراتي كثيرة ، و انا اخترت اني اراضي بك غرور امنياتي ماهو مهم اني بحبك تأخرت عادي ما دام بشمس وجهك جهاتي |
لاتنشُد الُساكت عن إشفيہ مافيه
يغني عن إسكاتهُ سوالف عيونه مثل الشُجر لاحتاج لإنسان يسقيه ساكت ونعرف حاجتہ / من غصونه. |
الجو يصلح كان بعض العرب جو ــــــ ونكان ماجوني خرب صفو جوي
كفخت كفخ الي كفخ ريشته جو ـــــــ اسبق من الي خلفها سرب جوي ابن الباديه |
أحب فيكـ الوقت لا غابوا الناس
وأحب فيكـ الناس لا صرت موجود |
تحيا بك الروح يالي للغلا ديمة
وانا خفوقي من الهجران عطشاني الناس غيرك هجير وشوفتك غيمة تعال وامطر سحاب الحب هتاني بوحي |
الله يمسي كل الأجواد بالخير
بعد المساء بثني عليكم سلامي يوصل محمل بالمعزه وتقدير على الجميع بدون ذكر الأسامي |
اقتباس:
نعطي على قافك هدايا النباشير,,, قاف جزيل وستحق الوسامي ولك البقا يصرخ صريخ النواعير,,,صوت المحال ايطيرن المنامي غرب على الجيلان جاله شخاتير,,,,ازرا يصدربه كبير السنامي |
ياربعنـا ياأهـل الوفـا والطيـب والشـعـر الجـزيـل .. يـاهـل الفـعـول الـلـي بطـيـب اعمالـكـم فزتـوبـهـا
ياالمنـتـدى ياأعـضـاه يـاالـزوار ياالعـقـل النـبـيـل .. هـاكــم قـصـيـدة مـــن يـــوف القـافـيـه ماجـوبـهـا بدعـتـهـا والـــراس شـامــخ لايـحـيــل ولايـمـيــل .. ولبستهـا مـن صـادق احسـاسـي وشـعـري ثوبـهـا صنفرتها لين اصبحت تلمع كمى السيف الصقيـل .. وقـدمـتـهـا يـــــوم الـنـشـامــا قــدمـــو مـنـدوبـهــا |
كان شفك بالمطير اشرب وقود الطايرت
ثم سابق طايرات الجو بعلو السماء |
لا تـحسب إن النـور يـا زيــن منّـي ... وجهي ترى يعكـس لك النـور منّـــــك
مثـل القمـر والشمس كنّك وكنّـــي ... أعكس شعاعــك وأسهـر الليـل عنّــك |
الأحمر زهرة الرمان .. وإحساس الخجل والدم
والأصفر للجفاف .. وللعطش .. والنار والغيره والأخضر للمحبـة .. والسـلام ومهجـة المغـرَّم والأبيـض للحمـام .. والغمـام وبيـض أزاهـيـره والأسود لليالي والكحـل .. والغامـض والمبّهـم والأزرق للسما .. والبحر وأسفـاره وأساطيـره والأرمـد للرمـاد .. وللحـيـاد .. وجــاره الأدهــم لدخََّان الغموض .. وللحصان وعـج احافيـره |
ياغيمة الشوق هلي من سحابك برد
الروح تعشق من الغيمه صدوق المطر |
ياغيمة الأشواق غاب خراجها
هل سَرَّ.. بُعدَك . شقوتي وعذابي فــرح الزهراني |
لاتغيب عن عيني وتروح
دام انا مغليك بالله راعني وارفق بقلب غذا كله جروح سهم حبك بالضماير صابني يابعد روحي ترى ماني شحوح خذ عيوني كان قلبك طاعني بس عطني كلمه فيها وضوح وكان انا غلطان بالصد جازني عيني لشوفك بها شوق لحوح كل ماسجيت طيفك زارني انت لك بالقلب يالغالي صروح ماتغير لو ضميرك باعني بس لاتقسى علي يوم وتروح وانت خابر كيف بعدك تاعبني |
ما للـزمن في حــزنك و فــرحتك راي
عـش يـومك وقلبك بـــ الاقدار راضي واللي يقول الماضي احلى من الجاي قل له : مصير الجـــاي بيكون ماضي |
من الخجل تفرك يديها في الكلام
رعبوبة بين التغطرس والخجال قالت سلام وقلت عليك السلام قالت ياخوي الذوق من ذوقك حلال |
يا غايتي مد حبل الوصل وامده مـ عاد باقي معاي مْن الصبر ذره خلص,تقلص,نفذ,يُم زااد عن حده وانا على البوح يامشكاي مضطره |
شب الحنين وسامر الليل يابوح
عيوننا من فـــايض الوجد غرقا |
تكمله
ليل الشتاا طويل والدله تفوح وجمر المشاعر يحرق الروح حرقا |
على دروب الأمآنـي سقّنـا خطآوينـا
يـ الله عسـى خيــرة الأيـآم تسعدنـا |
والله إني ضايق الصدر مدري وين أروح طحت لي في حيرةٍ ماعرفـت حدودهـا بس أسلي خاطري بالسوالف والمـزوح لين شرسـات الليالـي تفـك قيودهـا يابوفيصل كل مانقض الوقت الجـروح أكره الرفقـه وأبوهـا وكـل جدودهـا |
يمر الوقت والدنيا تمر بخاطر المشتاق
مثل شكل السراب اللي يحول اليأس من دونه يصول الود وتجول المحبه داخل الاعماق ولكن الخواطر من ظروف الوصل مشحونه عبدالله الذيابي |
كنتي على مرمى من الدمع لكن
مثلي يلوذ بعزَّته عن هوانه" |
على الواد المسمى امس العصر مريت=وغريب اللي حصل لي يوم مريته سمعته قال حول يا رجل حييت=ونزلت وقلت وشلونك وحييته روعني هالشعيب بما نطق واوحيت=وسميته قس عصره ينهدم بيته قال اللي فات عاد؟؟ وقلت انا ياليت=تمنى يالشعيب اللي تمنيته |
على جو السهر نادت عيوني والهموم ضيوف
تزاحم في وسط صدر فتح لكبارها بابه تلافت حزة المغرب على باب الكريم صفوف وضيق الخاطر الي مع غثاها نوخ ركابه ونجمات السما عنده تعلل والسما مكشوف مع كثار الظنون الي غدت له حسبة احبابه يقهويها من دلال الهجوس الي تبوح حروف وهي تسمع لقصاص الحزن يقرا من كتابه بوحي |
خلك حمامة سلام وعيش باخلاقك
لا تـجـرح الناس وتكدر مشاعرها . سامح وشيل العفو في داخل اعماقك ولا تعشق مـن الجواهر كود فاخرها |
أنا بعمري ماجرحت إنسان
واحب كل الناس واغليها قلبي كبير وصدري الميدان صابر على الدنيا ومافيها لاشفت دمعه في عيون إنسان احاول اخفي العبره واداريها |
نتوق للبوح وان جت فرصته مانقول
نبي البكآ وان جت غصّته نكتمه ! احتاج غيمه تطهّرني و وابل هَطول واسكن لضلع اعرف عروقه واحن لدمه وقلبٍ محمّل بـ امانيه وشغف مايزول وحلمٍ عصيٍّ على التحقيق ابي احلمه |
انت الوحيد الي له القلب يشتاق
ياواحـد تملـك حيــاتي يدينــه شــلال حـبك بالشرايين ينسـاق والروح يالمجمول عندك رهينه خذني على كف الغلا حب واشواق ابيـك للــغربة حيـــــاة ومـدينــه لاتتعب الخــفاق في بـعـد وافــراق خــلك مع المشــتاق باقي ســنيـنـه بوحي |
لا تخاف العمر وتداري سنينه /
للفرح والحزن بصمه في حياتك ، ابتسم حتى لو اللحظه حزينه / لحظتك هذي جزء من ذكرياتك |
الساعة الآن 12:03 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir