يا رواسي نجد هم وين الرواسي
مبدعين القاف و الطرق الفريدة

ما قرينا و لا سمعنا ءلهم حساسي
و الشهود اثنين في تاج القصيدة

لو بعضهم واصل الرقم القياسي
ما يمر التاج ب اشعارٍ جديدة

وكل طرف من الارق جاه النعاسي
ولا يطيب النوم للروس العنيده

و الهجوس ءلها على الشاطي مراسي
تنشد الامواج عن سلسال جِيده
،
،
،
وبس ✋🏻

نورت متصفحك شآعرنااا
وصح لسآنك ودآم ابدآعك
والله يحفظ الرواسي
ويردهم بالسلامه

الجووهره
النور بوجودكم
صح كلك ولا هنتي
نورتي متصفحي بمرورك العطر
( اللهم آمين )
دمتي بخير

،،
،،
،

اكتب رموز الشعر في سبعة حروف
مبداه عين و حرف الالف النهاية
شد السروج لقاف والمهر معسوف
قدام نطوي ماد سبق الحكايه
وغابت نجوم الليل والجفن مكلوف
لجل السهر يعلن قرار البدايه
عن مورد الضامي ليا زحزح الخوف
شرّع قوانين و وضعها هوايه
قرار حكمه دون برهان و حلوف
و غاية ثبوته معترف بالجناية
لا طالبٌ شاهد على شخص معروف
ولا طالبٌ في عدل حكمه دعايه

،
،،

يا ركني الهادي بعد ما تقهويت
من دلة الرسلان و الناس هجاع

بكتب على صفحاتك اليوم كم بيت
و اشدي بحرفي لا ربابه ولا ايقاع

الطيف ما خبرك كم ليل ناديت ؟
سهير جفن العين ما يشكي اوجاع

اجادلك و انا علو قمّة كميت
و احاورك ما بين نزله و مطلاع

ما تقدر تجاوب لو اني تمنيت
للكبرياء تنصاع تنصاع تنصاع !!!

وش عاد اقول ان كان في الدرب صديت ؟
القلب يسمع لو بهن صمخ الاسماع

،
،،
،

يا زياد وش علمك تهيّض لهجسي عقب مانام
فر الشريط و طوى يا زياد لي خمسين عامي

ان جيت ابا ادله زياد اينبش جروحي له ايام
و يهيّض ام القريحة لين ترقى كل طامي

هاجوس فكري رسى مرساه
بين الرواسي ومرساها

و يا هاجس الفكر كيف انساه
حلفت بالله ما انساها

ياقسي قلب الغلا ما اقساه
في لين الايام و اقساها

،
،،
،

البرق هيض للمشاعر بريقه
و سحايبه هلت من المزن ما راق

ابيات شاعر والمشاعر طليقه
ما قيّدت في صدر للبوح ما طاق

استوقدن نار ٌ تطفى ب ريقه
ذكر الإله ومبدع الكون خلّاق

و استدرج الافكار في كل ضيقه
والهج بتسبيحه مع وقت الاشراق

وان هب نسناس العبير و عبيقه
استنشق التحميد واستشهد احداق

فيما خلق لك في سماهن طريقه
تأخذك عن عالم به الموج صفاق

الرد جاك و رود زهر بحديقه
ما شرّعت بيبانها لكل تفاق