صيدتي زاد يعيوني جمالهـــــــــا و أخذت انقي بالمعاني جزالهـــــــــــا
و اكتب معانيها من الشوق و الغلى لامي و انا اصغر شاعر من عيالهــــا
كتبتها في غربتي يوم رحلتـــــــي لما طرالي بالسفر ما طرالهـــــــــــــا
أمي و انا بوصفلها زود حبهــــــــا وإن ما حكيتلها قصيدي حكالهــــــــــــا
أمي لها بالجوف و القلب منزلــــــه مكانه ما كل محبوب نالهــــــــــــــــــا
أقرب من ظلالي و انا وسط غربتي و انا تراي اقربلها من ظلالهــــــــــــــا
ما شافت عيوني من الناس غيرها ولا خلق رب الخلايق مثالـــــــــــــــها
اغلى بشر في جمله الناس كلهــــم و اكرم من ايدين المزون و همالهــا
اتبع ارضاها و ارتجي زود قربهــا و اللي طلبته من حياتي و صالهــــــــــــا
الصدق مرساها و الاشواق بحرها و العطف و احساس الغلاء راس مالهـا
اهيم فيها و ابتسم يوم قلبهــــــــــا يسأل و انا قلبي يجاوب سوالهــــــا
و ان طلبتني شيء فزيت مندفـــــع اموت انا و احمل تعبها بدالهـــــــــــا
حامد الزيد

يا كثر ما رافقت خلان واحباب \ ويا كثر ما في شدتي هملوني

علي كثر ما اعدهم ستر وحجاب \ علي كثر ما احجتهم وتركوني

من صارت الخوه ثمن حفنت تراب \ نفس الوجيه الي نصوني جفوني

من غير ذكر عروق وفروق وانساب \ كانوا ثلاثه والثلاثه جفوني

علمتهم واشلون الاهداف تنصاب \ ولما سواعدهم قوت صوبوني

عشاني اصغرهم عمر صارو احزاب \ عشاني اصدقهم قصيد اضلموني

الي نجاح اسمي زرع فيهم انياب \ حتي النصيحه مابغو ينصحوني

داعم العطايا عندهم دين واتعاب \ والله لو اطلب ذنبهم ما عطوني

طالب نصيحه جني مطالب ارقاب \ وهي نصيحه كيف لا زوجوني

كنت اكتب لنفسي مشاريه واعتاب \ ولا ادري ان الي قروني قروني

مساء الخير
صحت الالسن جميع
منورين السجن ومشرفين السجين
حضور جميل وفخم
الله لايهينكم

أحبك حب لو يدري عنه كل البشر مـا نـام
سهر كل البشر ليلـه يفكـر كيـف حبيتـك

أحبك والمشاعر كلها صوبـك ولـه وهيـام
احبك وانت تدري بي وتـدري كـم تمنيتـك

رسمتك صوره بقلبي بلا ريشـه ولا رسـام
وشلتك داخل اعماقي ووسط القلب حطيتـك

بنيت لك بحنايا خافقـي بستـان بالأحـلام
وكتبت القلب باسمك واعتبرت القلب هو بيتك

وانا لو غبت عنك يوم ولا شهـر ولا عـام
تأكـد كـل لحظـه تمـر بغيابـك تحريتـك

سنين العمر لو راحت فداك وتعبـت الأقـدام
صحيح العمر غالي بس لعيونك انـا فديتـك

وانا لو جيت باتكلم وباكتب جفـت الأقـلام
وانا في ذمتي مهما كتبت وقلت مـا وفيتـك

أبا اوفي لك وباخلص لك مدام ان العمر قدام
واكون اكذب على نفسي ان قلت اني تناسيتك

حبيبي عش معي لحظة حقيقه واترك الأوهام
تذكـــر كلـمـــة أحــبـك تذكـر يـــوم ناديتـك

حبيبي وان تلاقينا تبـي تثبـت لـك الأيـام
تبي تثبت كثر حبي وشوقي لك ليـا جيتـك

صح السنتكم وبوحكم ونقلكم المميز

شي ملفت ولا هي غريبه عليكم هالتواجد
وعساكم ع القوه

ابسألك ؟وافضح فيك ...جنوني
وتجرد الجواب بمعاني... حروفك
وابسألك ؟منو اغلا من ..عيوني
لا تزاحمت !فيك واشد ..خوفك
اترك الخجل ....وجاوب ظنوني
لا تستحي.. ولا تكثر ..حلوفك!
حبيبي !!!تعال عيونك ...علموني
خلاص جوابك ...في ندا كفوفك
زعلتي . قلت لك خلاص.. ياكوني
بس ابي ...أطمن باقي.. عزوفك

الوافي

أكرهك وأحبك ولا أبيك وأبيك
لخبطت فكري ماعرفت الحقيقه

ماتوقعت أعشقك في يوم وأغليك
لين ماحبك أشعل بقلبي حريقه

تاهت بحوري وأنا أدور موانيك
والقلب يتبع بالمشاعر خطاويك

ودروب غيرك تشكي الضيقه
راضي بتعبك وأتحمل بلاويك

وما اطيق غيرك ولاحتى دقيقه
أنسى أني أكون بيوم ناسيك

محد بعد المحبه ينسى عشيقه
يفز قلبي لاجابو الناس طاريك

حبك قدر عمري ونورك طريقه
وأهديك كل الورد وأحلى رحيقه

من قال ما حبك ولا أبيك وأبيك
هذي خرابيط شاعر بحكم السقيمه

ولا الحقيقه تراني مبتلي فيك
مثل ظامي يحتري من يبل ريقه

وأخرها تذكرني لياهلت لياليك
أنت حبيب القلب وأنت صديقه

الله عليكم
صحت السنتكم ولا هنتم جميع
يعطيكم العافية
.