|
ترى الغلا زوده مع الوقت نقصان ... الى من يحبك تغير ميوله
هذا كلام قلوب ينطق به انسان ... ويبين في وجهه قبل ما يقوله ما هو كلام انسان ينطقه به لسان... احساسه بمعناه ماهو بحوله تحسدني اصحابي على جاه سلطان ... وتحسدني اعدائي على ما انوله والمؤمن الصادق بفطرته برهان... لو ثوبه مرقع وحفيت رجوله |
//
فرحة الأعياد بشوفك تكتمل وانت عيد القلب يومه يحتويك وش يفيد القول وترتيب الجمل دام كل حروف حبي تنتخيك والرسايل بيننا همزة وصل وعيدك مبارك عسا الفرحة تجيك والكواكب دايرة دورة زحل والقمر طالع بنوره يحتريك |
أجيك مقبـل والفـرح محتوينـي
طويت حزني واكتسيت السعـادة فرحة بوجهي وابتسامـة بعينـي وثوب جديد وعطر ريحة زيـادة ادري الحزن له موقعه في جبيني وادري البكا في داخلي وبعنـاده وادري انا ما اختار شي(ن) يجيني أقدار مـن ربـي ولا لـي إراده بـاستمحك يا حزن تطلق يدينـي بـأذوق يوم العيد طعم السعـادة |
/
الصبر حكمة والأمل يطرد الياس والياس فيروس الامل والعزيمة والصدق بنيان الأمل والثقة ساس والجد و الأخلاص قيمة و شيمة والعز هيبة والشرف يرفع الراس و الكذب سلعة مالها أي قيمة |
^
^ أبيات من ذهب مستشارتنا لاهنتي,’’ |
من مواطن غزير الشوق لـ امطر سحابه لَـ مواطن مُنى روحي وذروة غلاي أرسل اسماا تهاني العيد لـ حد بابه فوق باقة ورود ومع نسايم هواي |
اقتباس:
سلمتِ عزيزتي |
https://i1.wp.com/www.aperfume.info/...size=618%2C469 يعيش راسك ياعطر ليلة العيد وش تنتظر ماعــــاد للشوق ذمه ماعــادباقي للمــواعيد تجــــديد لمــــلم رذاذك مـــن ثيــــابي ولمـــه عطري تركته في كفوف المواعيد باقي تفاصيله على اطراف كمه سايح من المغرب على راحة الأيد ينــطرحبيب في كــفوفه يضمه طال انتظارالصبر والياس عــربيد كســر مــواعيد الغـــرام المــهمه والليـل شـاخ وغـيرته التــجاعيد لمــــلم بقــــاي ظلمتــه في معــمه بوحي |
/
لاتخسرون الناس بمعاتب الناس كثر العتب للناس يرخص غلاكم قيل العذر بين الاجاويد نبراس وترى العذر يحسب لكم من وفاكم |
خلك على طبعك والطبع ساس
لو تطول بك الدروب لا تبدلها وش انت لا صرت بدون احساس تكثر به الاقاويل والقدر يقولها لو جفاك واحد تغليه من الناس اعذره واذكر دقايق الحب تجملها صادق الحرف# |
/
نفسي معودها على الصبر تعويد والصبر نكسب به صفاتٍ حميده وخير الكلام الذكر من غير تحديد مع خالص النية وطيـب العقـيده يقولـه اللي مانشد زيد وعبـيـد بالمصحـف الطاهر لقى مايفيده من طبق اللي فيه نـال المقاصيد وسلك طريق أهل الحياة السعيده |
يابنت باطلب منك ستر الملامه
انسي تراني مانسيت وتناسيت ...........لاجلك يهون الصعب اللالكرامه لك ماتبين وبترك اللي تمنيت ..........والله مارجع لو تقوم القيامه ني ماقلت والله ياليت ...........الله على قلب يدينه كلامه انا اعترف يمكن مع الوقت حبيت ..........وانا اعترف ندمان كل الندامه في داخلي انسان مايكره الصيت ...........لكن يموت بعزته واحترامه لاتسأليني ليه انا اجنبت واقفيت ...........لي عزه تسوى ثمانين هامه |
لكن غريب وفى المتاهات ناديت
...........لاواحسافه مامطرتني غمامه بس اعذريني كان زليت واخطيت ...........يابنت باطلب منك ستر الملامه |
كلن على جرح ليلاه يجيد التغريد
بالصدر مواجع ويزيد حتى بوريده عزاه الصبر والصبر ماله يوم عيد على القوه نشوف الصعايب وقيده صادق الحرف# |
الجرح ماهو خاطر شوي ويروق
الجرح حتى لو تشافى يعللك واذاك متحمس متاهات وطروق انا تعبت اشد حيلي واحاولك سماي ما شيّ شمس ورعود وبروق والريح ماهبت ولايجري الفلك والقلب ناشف بحر وشقوقه شقوق وشلون بيكوّن سحاب ويبللك يا ضامي انا الضما ومتشبع حروق واذاك ضامي للمواصل .. انا هلك هلك ووقف في وجهي الاصل والذوق والمجتمع والعرف والفقر واهلك متعومس وحزن النبلاء مرموق يعني لو احتاج الك ماجيتك اسألك ا |
|
اقسى من الموت طعن مخنوق
ولا حدن على الجرح يقدر يشلك الناس بها الخير والطيب مرموق لو ما يعتذر يجيه الضمير ويضلك صادق الحرف# |
/
لا تبلش بعمرك ترى العالم انواع والناس يامتواضعه .. يا وضيعه لا تحتري من ناقص الراي الاسناع من شاور الغاوين يبشر بضيعه العين سدّ العين والصاع بالصاع لا يرهبك عوي السباع المجيعه الذيب ماياكل من الجيف لو جاع شبحه بعيد وعظم ساقه سريعه |
الوقت يمضي والجروح هي الجروح
تبقى على جدار الذكريات قصه ألم صحيح الدروب البعيد لكن وين تروح كلها غربه في غربه والخطاوي ندم حروفي اكتبها واعيش فيها بروح اعبر ما يجول بصدري لو كان وهم صادق الحرف# |
الصمت في هالوقت حكمة وراحة بال وفي زحمة حروف الجهل لياك تتكلم ترا الكلام الزود يكشف ويفضح حال وكثر اللجاجة تجرح احساسك وتتألم بوحي |
/
البعد وظروف الزمن هدت الحيل وغير الصبر مافيه للشخص حيله اللي بقى شعر وقصيد وسهر ليل بعض الأماني ياعرب مستحيله |
http://farm4.static.flickr.com/3248/...6b643637_o.jpg البارحة في تالي الليل ناديت ناديت خل بالهوى محتويني يازين حبك فتت القلب تفتيت الله على باقي عذابك يعيني ثبت حبك باوسط القلب تثبت وارخصت عمري لك طوال السنيني ياشوق ماقبلك من الناس حبيت ولاسكن عقبك بقلبي ضنيني يمر طيفك كل مارمشت واغضيت ودي تحس بصادق الشوق فيني ودي بشوفك كل ماصبحت وامسيت ممساك في شوقي وصبحك حنيني بوحي |
//
الطيب مثل الصيد نادر ومفقود و المرجله سيف الرجال و قناها والعز والناموس والفخر والجود اربع : ترا يتعب لها من بغاها! |
الطيـب يـدرك بالـكـرم والشجـاعـه = لا شـك مـا قـدروا عـلـيـه الردييـن
الطـيـب صبـر وقـو بـاس اوقـاعـه = والغـانمـة تـعـرض بكـل الأحايـيـن الطـيـّب بـيـر مـا أحـدٍ قـاس قـاعـه = والمرجلـه ما تنوصـل غير باثنين سيف شطير الحـد صلـب القطاعـه = ومنسف يقلط للضيوف المجيعيـن ومن غـر من هـذا يسوق الرتاعـه = لو هو عريب الساس ينعد مسكين |
https://i.ytimg.com/vi/YL3VYbIfOxg/hqdefault.jpg تعبنا نكتب إحساس القلوب ومابقى إحساس ومن يفهم كتابات القلوب الي نبوح بها بوحي |
ماعاد باقي لخطوات الوصل جره
جاها عجاج الجفا يدفن بقاياها في جوف بحر القوافي كانت الدره واليوم مدري قدٓرها وين وداها |
https://msry.org/wp-content/uploads/...A%D8%B1-08.jpg
صباح الخير ياقمرا زماني والليالي بيض تكشف وجهها عن كالحات الليل والظلما بنورمن سنا خدك يغطي ليلنا ويفيض خذا منه القمر نوره وباقي نورها بالما بوحي |
|
https://encrypted-tbn0.gstatic.com/i...8Xc6xgdEdJ2AJI
خوي الأمس انا آسف على الي صار من قلبي تخطى حاجز الصمت الرهيب وباح مكنونه تغنى في عبارات الغرام يسامحه ربي وانا كنت احسبه يعرف لحون الحب وفنونه تمادى في مواويل الهوى والبال له طربي واثاري عند جمهور الهوى ماتطرب لحونه كذا بعض الأغاني عندنا مردودها سلبي وفنان العرب يحسب هواة الفن مفتونه حسافة بوحه الي مع رياح العاطفة هبي فضح معزوفة اسراربوسط الروح مدفونه بوحي |
ناديت لك يوم كان لضحكتي قيمة
بأوّل مواسم حصاد غصوني الخضرا والحين لوتمطرين احساس ياغيمة يتنهّد الجرح في صدري ولا يبرا |
//
يا طالبا للعزّ هاك نصيحتي لفظا على المعنى البسيط وجيزا ما الذل الا في مطاوعة الهوى فاذا عصيت هواك كنت عزيزا |
كل فجت نور الفجر ينتابني شعور
الغلا الطاغي اللي ماله عندي حدود احيانا أخافه وأحيانا أقول معذور فيه من الوفا والطيب والغلا زود صادق الحرف# |
انسا وقت فات مالك به نصيبي...التذكر التذكر وش جرى
يوم هفت شمس حبك للمغيبي...استرحت وزارني طيف الكرى |
العام أجيهم من حساب المسايير ..
.. واليوم حال عداي وينه وويني خطاي تعليق الأمل في المدابير .. .. الين راح وشفت حقري بعيني صبر جميل وخابر إنه مقادير .. .. والله على تخفيف حزني عويني |
http://cdn1.حكم.net/wp-content/uploa...quote_2414.jpg لاتلوم الناس لم نفسك اذا ضاعت احلامك وفاتت فرصتك ذا نطام الوقت دولابه كذا عادته دوار وانت وحكمتك مره يعطرك من طيبه شذا ومرة قفر يخلي ديرتك والذكي الي اذا تاحت خذا حاجته والوقت ماهوبدبرتك بوحي |
//
لي مع النجم طول العمر عهد وكيد عاشق الصدق واضح مثل شمس النهار ارتفع عن دنايا النفس وابعد بعيد في عطش عمري اشري لذة الانتصار |
اروي ظمى الجرح قبل عنك اروح
خايف مع الوقت انسى ذكراياتي الزمن يدور بس تبقى معي الروح بين السطور حرف يسرد حكاياتي صادق الحرف# |
أنكتب لي أحبك غصب وأتحملك=وأحضن الموت قبل لا أخطي عليك
لا تخلي هواجيس الهوى تشغلك=أعتقد كل شي يا الغضي في أيديك |
مريت اليوم القسم من بعد فترة الغياب الطويله عن المنتدى
ماشاء الله عليكم شعراء ومتذوقين مبدعين لاعدمنا وجودكم الراقي والمشرف وكل عام وانتم بخير جميعآ يالرواسي الغالين |
/
بعض البشر يآتـي على جروحنا شاش وبعض البشر . . يـِخفي عليـنا دواهـآ ! |
| الساعة الآن 05:07 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir