ذي غزلان والمهره وغيمه وانا وسعود=هنا بالسجن حضار وكبارنا غياب
من الشاشه اخشى يلحق حضورنا منقود=ترا العاطل الباطل من المنشغل ينعاب

بدال الثلوج الله يمسي الجميع بغيث=يسبق سيله ثعوله ليا حنت رعوده
من طريف لقصى حد يوجد جنوب الليث=ومن شواله اشمل به للينه وساموده
افواه القرب صبه ونوبٍ يجي هثيث=يزري كل وادي تلزم مياهه سدوده
الا يانديبي خل مشي الشفر حثيث=وصل له سلام وجبي لي الرد بالعوده
قل له ودي بتوضيح ماقد حصل من حيث=هالصمت الرهيب اللي به الكبد ملهوده
فار الشك في مخباي كم ليلةٍ يعيث=وعلى ما ارتجي ياسي منه يتضح زوده
ماني لك وريث ولاانت لي صايرٍ وريث=لكن لا تحاك الشيخ عرقوب بوعوده