لاما نسيت ولا تناسيت ذكراك=لاوالذي بامره تهب الهبايب
اللي يكافح ضيقة الصدر طرياك=وحيد مالك داخل القلب نايب

قم ياخفير السجن بالله هالحين=شغل ودس بنزيم عقب اشتغاله
حرك قبل تصدح حساس المواذين=وقبل انبلاج الصبح في كل حاله
مر الطرنبه وازعجه فل بنزين=وانت اخذ من براد ربعك بياله
واكفخ كما تكفخ فروخ الشياهين=اللي بها عنف وجسور وجهاله
قدامك الف ان رحت والعوده الفين=من ظلم لا اقصى الشرق وصل رساله
مستعجله والمنتظر بين نارين=نار الفرج والطرقي اللي عناله
مكتوب فيها من صعوط المجانين=للشيخه النجلاء سلام وكفاله
مضمونها مصيوغ في نص بيتين=ما اقصد بها معروف ولا جماله
مير يحداني للشيوخ المسمين=قدر ومحبة شايبٍ في عياله
وعلى ولاك اخفر سمي المساجين=سجين معك مذكره لا اعتقاله
حطه بزنزانتك منه ليا حين=ينظر بموضوعه ليا جاء مجاله
اما عفانا والعفو للكريمين=ولا انتهضنا ثم قطعنا حباله