ارحبي يالنجلاء وصح بدنك
اهلا العواد وصح لسانك ياحلو هالغوري بشايه ومهديه= بمشبنا يوجد لصنفه نمونه صبره على جمر الوقايد يصاليه=عز وكرم لو هي لقلبه مهونه يشبه لصبر مفارق عين غاليه=حره وحره ماهقى ذاك دونه لونه كما اللي فوق الامتان مرخيه=ومع فارقه لونه كما لون نونه شرحت شي وشي احاول تلافيه=من شان مايبدي بردي خشونه |
لوكل مافي خاطري كنت مبديه=للناس لجو بي معزي ولايم وعاندت وقتي وارتكيت إلـ/تحديه=بقولي يزين موازرته العزايم اعتب بشي وشي اغمض واعديه=وشره يمر بمهجتي حلم نايم واومي لذاك بشال وجدي واناديه=واصبر على برد الشتا والسمايم تقلب الاحوال تبت اياديه=اجمال حنت له وناحت حمايم |
مساءات شبة النار والضو
وريحة الرمث وصحة السنتكم الشاعر الهواوي الشاعر العواد مجاراه ولا اروع تسليه عن شبة النار . . . ياما حلا عقب المطر شبت النار في روضة فيها شذى الورد فاحِ ألا يا زين شبت النار وادلال ادلال صفر ابهارها طيّب الهيل في جال غرمولٍ حمر يشرح البال جوّه براد ومرتوي خدّه السيل الله يجيب العشب والخير منهال على بلادٍ توفي الحق والكيل وقصيدة اخرى جميلة بشبة النار ياما حلا عقب العصر شبة النار في مجلس كل النشاما يجونه يلفونة اكبار ويلفونه إصغار من طيب من هو فيه ويقدرونه والكرم عند العرب من القيم التي يحرصون عليها ورمز الكرم عندهم بالدرجة الاولى شبة النار والقهوة ومسامر الضيف يازين والله بالخلا شبت النار والضو لا قزٍ ولا هي بدافور الا الحطب لاحط من فوقها أسطار والا جروم الرمث يابس ومجرور في ربعتن تهيا لمجلس ومسيار فيها السوالف والفناجيل بالدور |
منوره يالاميره النجلاء
لاعدمنا هالحضور وفخامته خاطري اننا نفتح متصفح جديد للسجن مدام انه ماشاء الله تعدت المشاركات الالف مشاركه اعتقد فتح متصفح جديد بنفس الاسم جزء ثاني يكون افضل والراي الاول والاخير لسيادتكم الله يسعد مساءكم يالغوالي |
ارحبي ثم ارحبي شاعرتنا غزلان
النور نوركم الله يسعدكم وصح بدنك وصح كلك يابنت المصممه الوايليه النور نوركم وصح لسانك يابنت الشيوخ الشاعر ناصر الهواوي صح لسانك ملايين لاهنت النجلا بقا بلا شقا الله يسعدك يبه |
اقتباس:
ابدعت ابدعت لاهنت |
الشاعر محمد العواد
والشاعر ناصر المصممه الوايليه صحت السنتكم جميع لاهنتم |
ياحي رجم تالي اليوم باديه=ماحولي الا الذيب والطير حايم يشرف على وادي غزيره مناشيه=يلوحه البراق والجو غايم سيله مع الوادي عجزنا نعديه=يطربك صوت الرعد والخير عايم نبي العشا من حايل الضيف تقريه=لها سنه حبيسة الشبك رايم ياذيب سج الرجل وش عاد ترجيه=وارقا الجبال النايفه بالعزايم واناشهد ان البر يفرحك طاريه=ويجلا عن التسبد العليل الظلايم |
الساعة الآن 02:13 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir