![]() |
تسليه صباحيه
على طاري الشاء والسكون ورياح تطير اوراق السنين هز ني ذكرى الجادل المفتون وحن شوق الغرام لذك الحنين كان هناك وهنا وسط العيون شعور الود تعطره الياسمين ايام من العمر تمطر مزون ليه البرد يجدد ذكرى الحنين ليه الود يعيش وقت الغبون كل شي بدا وانتهاء فحين باقي جرحه يجر الظنون العام كنت واليوم انا وين ذكرى تبدد عبرة العيون دمع الجفاء و همس الونين ليته ودع قبل انه يخون وليته خذا صوت الحزين الوافي |
صح لسان الجميع
تسلية لا تمقّل بالحزن غض النواظر يا مذيّر هقــوة الفـرح الظميّة منتشب والعد يغتال الخواطر الرشا مقطوع والعين أجودية هماليل |
تصالي على قولة ابو عبيد
من اول يغني على موالي قصيدي اللي لا بغى سطرته واليوم يطمر جرتي عزالي ولو ينمسح معناي كان مسحته مدري عتب والا زعل والا لي خطا واقلامه باوراقنا دونته مير ادمح الزله تراني غالي والغالي ليا زل له منزلته سجيييييين |
سعود الشمري تسلم يابعدي وصح لسانك
سجين صح الله لسانك هماليل صح لسانك الوايليه بصراحه ما ادري اقول صح لسانك واو نقلك لكن انتي ملحة المنتدا بحضورك الرائع وشعورك الجميل تجاه الجميع غزلان صح لسانك صدود جميله هالاتقاءات وصباح الخير للجميع الطيب اللي له ثلاث سنين وريحه باقي او احصله شريته لو تولته بخمسة الاف ههههههههههههه من انت به تفخر ترا فخرنا به=ساسه ولولاساسه القصر ما قام ياذا السجين اللي بصدره رحابه=شايبك لا تنشر عيوبه بالاعلام في خاطره همِ لو احدٍ درابه=شهرين مع شهرين عن مطعمه صام ثلثين له والثلث.......غدابه=وثلثٍ من الثلثين من ضرب الاحلام وانا ادري ان وجوه الاشيا تشابه=واكثر حكاوي هالبشر خرص واوهام ياحامي الاشبال في وسط غابه=عظمى الدول قضت على جيش صدام |
عشق روح عشقي لك واحبك محبة قلب=ومشاعري والنفس والعين تواقه لرقة حنان ولين جانب تحول صلب=بوقتٍ امريف ولخبط غرورك اوراقه تحاول اتفهمني صحيح الحجج بالقلب=وفيما زعمته لا جمل لي ولاناقه |
لقيتني ماذكرت ريوف مع من ذكرت وجل من لايسهو
وهي من شاعراتنا اللواتي نفتخر بعذوبة قصيدهن وحبيت احييها بالابيات التاليه فقط لي وقت ما خاطبت في قافي ريوف=خطا وانا مالي معاها علاقه لكن زميلة قاف واميرة حروف=والهجس بالابداع يكسب لياقه قصيدها روضٍ خضر وسطه اشوف=زهور واجمع لي من الورد باقه وما احد يواخذ عود له هجس ملقوف=ونقي قلب وفي لسانه طلاقه |
اقتباس:
يامساءات الورد والياسمين وريحة المشموم يا الرواسي الشامخين صحت السنتكم الجميع وربي انكم وناسة هالسجن ومرابعه الخضرا التي يتمتع الناظر اليها وتسر خاطره وباله وربي يالهواوي انك نور هالشبكه كلها بقلبك النظيف وروحك الجميله اقسم باالله اني افرح كثير بشوفتك وانت تكتبلنا هالروائع وربي احيان ادخل وانا فيني ضيقه ينشرح صدري لاشفتكم اتجارون بعضكم ومزحاتكم تجيب العافيه ربي لايخلينا منكم ولايفرقنا يارب ياكريم على الرغم من انها شاشه الا انها اجمل شاشه بوجودك ووجود اخواني وخواتي من آل الرواسي وقيمتكم كبيره بقلب خيتكم الوايليه الي تحترمكم وتعشق كل حرف تنطقه مشاعركم وعسانا دوم قلب واحد وروح وحده |
يسعد لي مساءكم
ماشاء الله عليكم لا هنتم جميع . |
الساعة الآن 03:57 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir