|
غشام الضحكه الصغيره لي انا فقط
لي عوده ان شاء الله ولا تنسون السجين |
ابو ساره ولد عّم ورفيق وغالي ً بـ الحيل=لكنّ معاد ندري وش حصل للطير حوراني بعد ماصاحب مطوع ضريه وابرهه والفيل=تغيّر والتغير عادة ً في عيال مسحاني من الليله ترا خوته معروضه على التقبيل =نبا ننتف لريش الطير ونبيع له مجاني انا خابره مجرم قد وصف في محكم التنزيل=ليا شاف العذارا صاب عقله خُف واجناني يمثل دور قيس ابن الملوّح واحسن التمثيل=قتيل الحب والعالم ماتعرف وجهه الثاني مهوب مطوع ً مثلي يسبّح كل صبح وليل=ولاشاف البنيه صد عن مدعوج الاعياني |
الهواوي ههههههههههه جحيد مهب لي هذي لمحمد الغنامي
|
مهوب مطوع ً مثلي يسبّح كل صبح وليل
ولاشاف البنيه صد عن مدعوج الاعياني ههههههههههههههههههههههههههههه انا اعترض على هالتوصيف قل مجرم نصدقك بس مطوع وتصد عن مدعوج الاعياني هذي لاماني معك فيها صح لسانك |
ههههههههههههههههههههههههههههه صح بدنك بس انت ماتعلم الغيب يابو بندر تصدق عايض وظلمتني
|
صح الله لسانك يامطوع ههههههه
مبدع مبدع شاعرنا حضور مميز ورائع |
صحت السنتكم شعراءنا
مبدعين وممتعين لاهنتوا,’’ |
الله يمسح جرة الظالم هههههههههههههههههههههههههههههههههههههه ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ وش اخبار المطوع هالعشي ياعل فاله زين=عسى ماهم كماه مطوعين بماض الازماني عسى قلبه تنفس للتقا والدين من هالحين=والا قبل العصر ماهو مطوع جد/ قوماني يلد بعين للمسجد وللغاده يلد بعين=بعين تشوفه ملاك وعين فيها نصف شيطاني وانا والله ماودي بالردا وابا افهقه بعدين=لعل الطير يفتح معركه من قاطعٍ ثاني |
اقتباس:
ياغشام الله إيسلمك لونك طفحت الكيل نبي نغفر خطاك وندمحه لعيون صدقاني صحيح اني صحيب احفاد قومٍ يشعبون الخيل واثمن كلمتي قدام لاتطلع من الساني ورا المقفي حذفت اربع تنك واربع طعش برميل ويكفيني عن المقفين شروا طوال الايماني عيوني ماتشوف من النجوم الاّ الجدي وسهيل اكحلها من الروض الخضر والصيد غزلاني اثر صحبتك ياغشام توحي لي على ماقيل اشيل الخرج واثر الخرج به حيّه وثعباني والاّ ياللي تريدون الخبر والعلم بالتفصيل بدون امقدمات نقول والاّ فاصل اعلاني مدير الموقع ارسل بالبضاعه عامل التوصيل وجاني يشعب الشيطان يالعقّال شيطاني يصفق مع هل التطبيل ويجامل هل التظليل يبى من شجرة الصفصاف خوخ وحب رماني ترى غشام يأعضا منتدانا إيغازل الحميل ويفرح بالعجوز اللي لها غارب وكيعاني |
بعـد ماصاحـب مطـوع ضريـه وابرهـه والفيل=تغير والتغـيـر عــادة ً فــي عـيـال مسحـانـي هههههههه عجبني هالبيت تحيه لعيال مسحان |
ياغشام خل مناوراتك وقم ذالحين=واخذ معك مامور السجن سو دوريه بداورد قبل الصبح دور لنا ابن حسين=وعليه افرض اقامه الى السبت جبريه يشكي من رداة الحظ والبهذله والبين=ويقول ان قلبه عانق العام حوريه استولت على قلبه بغمازتين وعين=يقول انها سودا كما عين وكريه امس جابت النجلا له من الغدا لونين=منه ما اعرف الا الكبش بارك وبريه |
هههههههههههههههههههههههههههههههه صح لسانك ي الطير الله لايعيد طرقتك لا انت ولا المرسول ولا الحميل هههه
هههههههههههههههه الهواوي صح لسانك |
ههههههههههههههههههههههههههههههههههه لاتدعي يابن الحلال كافيني اللي فيني ... عاد البيت الاخير نبي النجلاء تحطه توقيع لها ههههه
|
الجميع ابداع غير مستغرب صحت السنتكم وصح بدنك ياغشام
|
ههههههههههههه كلكم ظلمه انت وابو بندر والهواوي وعايض ههههههه انت ي الطير البارح مستلمني انت والهواوي واللحين تقلبها علي هههه
يابو ساره ترانا مانميل ولا نحب الميل=ولا نرضى الخطا منكم ولا من واحد ً ثاني مزحنا وابتلشنا في هل التوراه والانجيل=ليا زعلو يجيبون العلوم اشكال والواني انا من لابة ً فريس اهل شلفا ورمح وخيل=ليا صكت عليك القوم دورني وتلقاني وانا لي شيمه وقيمه ومبدأ ياقوي الحيل=ترا ماني بمرسولن هنا لـ فلان وافلاني |
اقتباس:
على خبرك ياناصر من ليالً ماضيه وسنين=على سنة رسول الله واحفظ لـ خمس الاركاني ترا ماني بـ مثل اللي هنا يلعب على حبلين=مربي دقن ومسوي ياناصر شيخ روحاني انا ماجيت ادور ي الهواوي مثلكم للزين=دخلت اوسع لـ صدرن من الايام طفشاني توصي صاحبك وانا سوات السيف ابو حدين=توقّع لاتصير ضحية ً للسيف شاماني |
ههههههههههههههههههههههههههههههههههههههه ابداع في ابداع
الطير صح لسانك مليون ابو عبيد صح لساانك يالمبدع غشام .. ابك انت من يجاهدك يالبلشه ونعم فيك وفي لابتك يالسيف ابو حديد والله انكم ماقصرتو واسعدتونا باللحون العذبه المهم ان السجن ممنوع فيه الزعل |
الله يصبح الجميع بالخير والسعاده
صح لسانك ياغشام وصح الله لسانك يالطير حوران وارحب يابو بندر والزعل ممنوع والدعوى مزوح وتسالي ولا فيها مجامله اللي يتضايق من رفيقه ومستحي لايطالبه يرسل له على الخاص لكن ماهقيت ان الامور تاصل للزعل هلا مرحبا ياسجننا مع طلوع الشمس=وهلا بالسجين اللي تغيب وزواره انا من صباح اليوم ابا ابصم لكم بالخمس=قبل لا يبيِّح كل رجال باسراره ماعاد احتمل دوشه وانا ضاريٍ بالهمس=عن شوك الكتاده ورد جوري ونواره وابا افطر واحرك موترٍ دق سلفه لمس=عليه العب الطاروق والاعب الطاره ابا انصى وليفٍ حامسٍ كبد خله حمس=حبيب ووفي وصار به هالسنه باره على شوفته عيني شفوقه وراسي عمس=ان ما صار بُعد قلوب ياما اقرب دياره لو غشام شافه يوم شفته عصر قبل امس=تعوذ من الشيطان والنفس الأماره |
ناصر الهواوي
الطير حوران غشام ماشاء الله ابداع وجزاله صح السنتكم ياشعراءنا المبدعين يعطيكم العافيه |
المعذره منكم يااهل السجن مااقدر
اشارك هنا داخله من الجوال لاني مسافره بس ارجع ان شاء.الله اشارك معكم تحياتي لكم |
ابو عبيد صح الله لسانك ملايين
صح الله لسانك ياغشام مهوره معذوره يالغلا رحله سعيده وتردين بالسلامه ان شاء الله |
اقتباس:
سواليف النشاما اللي تناقل فوق بين وهيل =لاتزعل من سوالفنا وانا ماني بزعلاني سواليفٍ تقبلها القروم وصد عنها خبيل=تجيب سمان منا تستلمها خيار وسماني ألك قدر ومعزه واحترام وفايق التبجيل=قبل لتكون ابن عمي حسبتك حسبة اخواني من ارجالٍ حلاحيلٍ وراها عقبت حلحيل=على قب المهار تطوّع الاصعاب فرساني |
اقتباس:
عاد خفي علينا يالعواده ترانا رحنا وطي عند عنقك اللي طوله ذراع ههههه |
اقتباس:
كفيت وفيت وبيض الله وجهك يالقرم |
صح بدنك يالنجلاء
|
تسليه لسجين والزوار :19: لج الخفوق و جرصوته من اقصاه و لجت معه حدب الحنايا تنوحـي عليك ياللي كـل ماقلـت بنسـاه عيـّـا خياله عن خيالـي يروحـي انا احسب اني لاترحلـت بسـلاه واثر التبعد زاد جرحي جروحـي يابعد نسيانه عـن البـال بعـداه هو غايتي هو راحتي هو طموحي ياكيف ابنسى شف قلبي وسلـواه دامه على شوفي شفوقن لحوحـي خلن يطاوعني على كيف مابغـاه مايسمع العـذال فينـي ويوحـي والله مانسى مهجـه القلـب والله وشلون ابقوى نزع روحي بروحي |
ابطيت عنّا ياسعد ماسمعناك=تجر صوتك وتحدا بالطواريق تعال سمعنا لحن لاعدمناك=قافٍ ثقيل ووزنه اثقل من طويق والاّ ترانا يالسنافي جلدناك=وزدنا لك المده قبل فكة الريق |
هههههههههههههه صح لسانك يابو ساره
ابو عبيد صح لسانك غشام صح لسانك النجلاء صح ذوقك ياذوق المهره صح ذوقك |
الطير حوران
صح لسانك ملايين النجلاء صح ذووقك يالغلا |
ابو بندر / المهره
صحت ابدانكم |
يعطيكم العافية لا هنتم جميعاً
|
اقتباس:
وسجينا يمكن انه نسى انه مسجون ولا حصل الخفير نايم وحط رجله هههههه |
اقتباس:
والله اقرب لها انحاش ماعاد شفناه هههههه |
السجين انحاش والسجان نايم=فرصةٍ حانت وذيبان اغتنمها امرحو ياللي تحرون الغنايم=الخشوم المرشدي هج وحزمها اشهد انه من معصبت العمايم=الخصوم ليا انتهض يكتم نسمها مادرا اني من ثلاث ليال صايم=عن عيونٍ ياعساني ماعدمها اتخيلها وانا راقد وقايم=وفالحلوم اللي تجيني واحلمها علمو غشام ملعون الرسايم=تمرته لامصها يزرط عجمها الجماعه يتهمونه بالجرايم=حيةٍ لو سمها في جوف فمها ولا انا خير ولا احب الضلايم=والعرب ما احب اقرط في لحمها |
علمـو غشـام ملعـون الرسايـم .. تمرتـه لامصهـا يــزرط عجمـهـا
ههههههههههههههههه يوم الله أعماهـ صح لسانك يابو بندر |
اقتباس:
صح لسانك يابو بندر ...عزالله انك ماكذبت انه ملعون رسايم ومجرم ههههههههههههههه ماهو يزرط العجم وبس ..ياكل الرقع ههههههههههههههههه |
الله الله
صح لسانك يالغنامي ابيات كايفه والله يعينك على غشام مارح يعديها على خير هههههههه |
اقتباس:
|
خيال مطير
عايض النجلاء صحت ابدانكم جميع ولاتحركون غشام علي هو يدري انه صديقي ههههههههه |
اقتباس:
|
| الساعة الآن 05:55 AM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir