![]() |
صح السانك يالهواوي
كل ماابي ارد يتقفل معاي الجوال كنا بالبر والجو يجنن وجلسات ووناسه وبيت شعر وشبة نار والغدا مقلوبه من ايدين الغاليات وعلينا بالعافيه ردينا البيت لانه الجو بارد حيييل |
كنـت أحسبكـ لاطول البعد تشتاق
أشتاق لكـ وأحسبكـ مثل أشتياقي لكن خساره مابقلبكـ لي أشواق رسم في خط النهايه فرآقـي مسسكين قلبي تو من عالمكـ فاق شاف الحقيقه واضحه ثم فـآقي أهل دمعات القهر ليل وإشــراق وش لون يرضى صآحبي ب إحتراقي حاولت أبنسى لكن القلب ماطـاق وفراق مثلكـ لاحشى مايطآقي من صدكـ القاسي ترا الكون بس ضآق وبالي على وسعه من الصدّ ضآقي وش غيركـ من بعد ماكنت تشتـاق أهل الحسد ولا لكـ الجو راقـي لولا الوفاء والحب مـاصار عشاق ولولا الجفا مـامات حلم التلاقي أغار وليا غرت ماعندي أخلاق ولكن باقي لكـ من الود باقي واليا هديت من الزعل أرجع أشتاق وأجمل تعابير الغلآ لكـ تساقي |
لبيه ياروح الغلا قول وش فيك
هات الوجع يا روح روحي بشيله عطني الوجع خل يحترق صدر مغليك و لايشتكي صدرك من ال آه ليله خلني معك في كل شي حواليك مشاعري بالحب ما هي قليله هات الوجع مادامت ايدي على ايديك الصد موجع والليالي بخيله قلي وش اللي فيك يا عل ما ابكيك يا اعز خل صار غاية خليله ما ادري اهنئ النفس ولا اهنيك فيني وفيك اشياء عريضه طويله مثل التلعثم كل ما قلت ابحكيك ومثل السحاب اليا تحدر بسيله ومثل الفرج لا ضيقتك التهاليك ومثل الاصاله في عيون الأصيله لبيه من واقع مشاعر تراعيك ولبيه يا ضل الخفوق ومقيله ارضيك اي والله وشلون ما أجيك وانت الخيال اللي خفوقي يخيله اوصد عيوني في عيونك وخليك واترك خفوقي يحصد اللي بقيله |
الله الله
صح لسانك يابو عبيد جزل ومبدع ... ابو عبيد ابشر بخوك محمد بن عمار الوائليه وش هالذووق انا اشهد بالله انها كايفه |
ناصر الهواوي هون فديت هالراس
|
ارحبي يالوايليه لاوالله اللي يجنن هالتسالي يعطيك الف عافيه
والاعتراف سيد الادله بعظمة لسانك تقولين كاشته الخفير يسجن بالقبوا وانتي تحولين لسجن انفرادي ههههههههههههههههههههههههه ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــ يالوايليه وش لك بهاكذا نوع=من القصيد اللي يسمى تصالي يلوع ملتاع الحشا قافها لوع=لوع الحبارا لاصفقها كحالي يفزفزة من بالانياب ملسوع=ويعاود الونه بعد كان سالي يضما لخرس النرجسيات وايجوع=ويصير لهمومه عليه ارتحالي تدك به في لذة النوم ويفوع=لوهو بحضرة جمعته مايبالي وليا خذا من جزل الابيات قرطوع=هدا وكنه نال صعب المنالي واهون من اللي هو يبي حبة الكوع=وعود هماج اب/فيه ما كان حالي |
ماصدقت عيني يوم طالعت ابن عمار= صديقي من اول قبل يتجر وينساني عطاني بلاك بسابق العلم والاصرار=وانا اقول اخذه..............مني وخلاني على فقد ابو عزوز دمعي يجي مدارار=وانا مابغيت انشد ولاعنه احد جاني واثر الذيب يسري كلما حندس الغدار=اما شوق والا بالسباريت جوعاني |
حي الله هالشنب/ ابو بندر مبشر وسالمٍ من الشر
ارحب يابو عبد العزيز ارحب وحياك الله وبياك |
الساعة الآن 03:57 PM بتوقيت السعودية |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.Almuhajir